1# Di Hà Nội, Vụ Năng lượng saong Tài nguyên di mintri Ngoại giao Hoa Kỳ saong Cục Điều tiết Điện lực Việt Nam barau mbaoh tangin tame Bản ghi nhớ daong almu ka bruk patagok darak pasal menyek hu pren meriak gauk di VN. Bruk mbaoh tangin tame harak pahadar lac sa dalam dom bruk praong dalam dom thoa thuan daong di  Hoa Kỳ piah patagok gah năng lượng di Việt Nam.

2/ Thủ tướng rajaei barau mboh tangin brei adat quy hoạch tổng thể khu saong bhum ngak nông pandar công nghệ glaong tal thun 2020, pamaong tal thun 2030. Quy hoạch nan piah jhul pakhang gah ngak nông tui jalan barau, ngak tabiak kaya pandap praong, hu năng suất, chất lượng, kein laba saong hu pren merak gauk glaong.

3# Lễ brei radaih peih tapa tatua Hữu nghị Lào - Mi-an-ma (Myanmar) rah tabiak di harei 9/5. Ini lac danakdak dak padang ngak mbaik tatua huu nghi akaok mereip di dua taneh ia Lào - Mi-an-ma, sa danakdak hu makna sajarah praong, lac bruk dui pagam tuyến hành lang kinh tế Đông- Tây. Mbaik tatua ini atah labaih 691 mét, praong 8 mét meteh saong hu dua jalan nao takai, hu yaom jien buh tame ngak abih tih 26 triệu đôla Mỹ, kayua rajaei dua taneh ia Lào - Mi-an-ma padang ngak dalam 30 bilan.

4/ Piah daong ka bhap bini bangsa di tỉnh hu taneh daok, taneh ngak mbang, tỉnh Bình Định daok peih ngak đề án ka sarak daong taneh daok, taneh ngak mbang, ia pandar ka urang bangsa kan kathaot daok di xã, palei biak kan kandah di tỉnh tukvak 2013 – 2015. Tui nan, thun 2015, tỉnh Bình Định brei langyah dahlau ka dom baoh sang oh hu taneh, hadei di nan meng rabha ka dom baoh sang kurang taneh ngak mbang.

5# Yau rayo sap ndom VN hu khan bloh ka bruk bhapbini pataom mbaok anak uy mban phường Cam Phúc Bắc, ban sit Cam Ranh, tỉnh Khánh Hòa kayua sahneng lac kaya ikan raong metai lac kayua dom danakdak kuac vịnh Cam Ranh. Barau ini, uy mban bhapbini tỉnh Khánh Hòa hu pandar dom labik padheih thi cong saong peih ngak dom bruk piah khik caga hacih saat alm moi truong tuk peih ngak danakdak.

6/ Nyaom meyai peih tabiak bruk pakacah hatai sahneng padang mbang ngui thun 2015 kayua thành đoàn Đà Nẵng saong pasak daong dam dara padang mbang ngui ban raya HCM pambuak bruk barau peih tabiak di sang bac ĐH kinh tế ĐN. Nyaom meyai pachreih hu 400 sinh viên saong dom dam dara takre padang mbang ngui meng bruk pablei salih hu mbaok tame. Nyaom meyai ini hu pabak ralo thông tin ka dom dam dara ka bruk pacakac hatai sahneng padang mbang ngui saong bruk daong brei di dom doanh nghiệp piah peih ngak dom ý tưởng, sản phẩm ngak mbang di drei.

7# Talei pambuak nhan luc ka anek saih, sinh vien lac kadha di nyom darak bruk ngak hu sang bac Cao đẳng Công nghiệp Tuy Hòa, tỉnh Phú Yên peih tabiak. Nyom darak pachreih hu 19 doanh nghiệp dalam tinh Phú Yên saong dom tinh, ban bhum gah meraong ye : ban raya Hồ Chí Minh, Bình Dương, Đồng Nai, Khánh Hòa… pataom mbaok tame. Hu jaik 2.000 anek saih, sinh vien mai ravang iek, duah thau bruk tuyển dụng di dom doanh nghiệp.

Patui di ini dom khau tin dunya:

8/ Mintri QP Mỹ brei thau, Mỹ daok peih sa danak dak pato pasram ka dom tay súng Xyri pacang cakak kol IS. Bruk ngak ini di Mỹ brei mboh,, karja di Tổng thống  Ba-rắc Ô-ba-ma khin patagok labik dang di drei dalam bruk mesruh pacang kol vũ trang Săn-ni tại Xyri. Akaok mintri Quốc phòng Mỹ Ash Các-tơ brei thau, bol bala daok pato pasram kapul akaok meti jaik 90 urang Xyri.

9# Barau ini, akaok mintri Quốc phòng Ai Cập Sedqi Sobhi saong akaok mintri Quốc phòng Tây Ban Nha Pedro Morenes hu mbaoh tangin tame harak hadar (MoU) ka talei pambuak bruk quân sự. Biên bản hadar hu bruk klah rabha chuyên môn saong pambuak bruk pato pakai quân di dua gah. Thỏa thuận  hu ba tabiak hadei di mbang ginum biai di Cairo, Ai Cập, ginum biai ka bruk patagok talei pambuak bruk di dua taneh ia dalam gah quân sự.

10/ Akaok liên đoàn gru pato tiểu học di tỉnhOntario (ETFO) Canada- Sam Hammond  brei thau, dom urang di tổ chức meda padeih bruk pato di harei 11/5 tal. Panuac khan ini jeng hu ETFO payua tal hội đồng sang bac công lập Ontari. ETFO la liên đoàn gru pato praong abih di canada, lambaok ka jaik 76.000 gru pato saong dom chuyên gia pato megru. 94% dom urang dalam ETFO hu buh phiếu pachreih tui bruk đình công piah ndok quyền tự chủ di gru pato dalam tal bac./.