1/ Di ban Rạch Giá, akaok QH Nguyễn Thị Kim Ngân, Chủ tịch Hội đồng bầu cử negar song kapul  pasang iek di Hội đồng bầu cử pakat negar nao tui iek bruk kuhria caga bầu cử di huyện Châu Thành, tỉnh Kiên Giang. Akaok QH pok meyaom bruk kuhria caga bầu cử di huyện Châu Thành, tapa nan njauk uan tabuan lac dalam huyện oh hu lkhiếu nại, tố cáo dom urang tabiak ứng cử Hội đồng bhap bini huyện, xã. Akaok QH kakei huyện Châu Thành patagok bruk pathau khan meng rilo jalan piah pachreih ba cử tri nao bầu cử.

2/ Melam kabroi  8/5, di khu chế xuất Tân Thuận, quận 7, labaih 500 urang đoàn, dam dara urang ngak saong bhap bini daok diuk rai di puk palei  chreih chrai hu mbaok tame danak dak daoh tamia “harei cử tri uranaih umo ban raya HCM” kayua pasak daong urang đoàn dam dara di khu chế xuất TA^n thuận hu mban peih danak dak khan cambaih laih ka tukvak rah tabiak bầu cử urang QH mbang 14 saong HĐ bhap bini dom pakat tukvak 2016 – 2021 jeng yau quyền lợi saong trách nhiệm di bhap bini.  

3/ Piah cử tri lac urang bangsa takik di bhum atah bayah dalam tỉnh patagok quyền lợi, bruk ngak di drei dalam harei pailh ruah urang ka QH song Hội đồng bhap bini dom pakat anak tal, tỉnh Kon Tum dok hu rilo jalan ngak piah ba khau tin ka bầu cử tal bhap bini. Saai Nguyễn Thị Ngọc Hương, akaok kapul pathau khan lưu động di pasak ilamu tỉnh Kon Tum brei thau , gam song bruk pathau khan ka bhap bini thau quyền lợi song bruk ngak di drei dalam harei palih ruah meng radeih loa cổ động gam song thoat binguk trực quan, di yaok labik bhian lac tuk melam, tong abih kapul hu sa danak dak daoh tamia hu 15 kadha duh ka bhap bini. Dalam nan kadha pathau khan ka bruk palih ruah hu pablah tame piah mik va mbuan thau, mbuan kanal song mbuan ngak.

4/ Ruak gila daok rah tabiak kan kandah di tỉnh Phú Yên. Barau ini, 20 drei sau gila kaik 28 urang di huyện Tuy An. Hadei di tuk mboh sau gila kaik menuac, gah chức năng huyện Tuy An, tỉnh Phú Yên hu jak ba dom urang njauk sau kaik nao klauk pacang vacxin ruak gila. Urak ini langik pandiak, mbuan hu ruak gila, gah y tế tỉnh ini daok peih dom jalan pacang cakak, taphia di nan tui iek dom biểu hiện lâm sàng dom urang njauk sau kaik piah hu jalan xử lý chip, abih di nyu nan lac di huyện Tuy An, labik hu ralo urang njauk sau gila kaik.

5/ # Phòng Cảnh sát Giao thông, Công an tỉnh Bình Thuận dok pambuak bruk song gah pato pakai puk palei peih bruk pasang iek song đăng ký radeih máy, radeih mô tô điện di sang bac piah palgaih ka anek saih. Urak ni, bruk ngak ni hu peih ngak di dom sang bac phổ thông di ban Phan Thiết, hadei di tuk peih ngak di dom sang bac dalam tỉnh.

6/ Tỉnh Hậu Giang barau tabiak panuac lac bala njom mbak di huyện Vị Thủy saong ban sit Long Mỹ, ngan saong cấp độ bala kayua njom mbak di cấp độ 1. Yau nan, tal urak ini tỉnh Hậu Giang hu 4 puk palei brei thau bala njom mbak lac Ban Vị Thanh, huyện Long Mỹ, huyện Vị Thủy saong ban sit Long Mỹ.  Urak ini dom puk palei daok peih dom jalan ngak piah patakik, pasiam veik khat lahik kayua pandiak, njom mbak, khik caga taneh ngak nông saong khik kajap ia pandar ka bhap bini bhum njauk pandiak, mbak. 

7/ Piah ba ia pamndar ka bhum palao Tân Phú Đông, tỉnh Tiền Giang hu ba 6 sà lan pajeng ia taba mai khik piah die dom bilac ba ia di puk palei ni. Tui nan, ia pabak meng 6 sà lan ni lac labaih 234.000 mét khối; dalam nan hu 34.000 mét khối hu chất lượng. Urak ni 2 danao pabak ia di  huyện cù lao Tân Phú Đông khik piah labaih 100.000 mét khối ia. 2 danao ni hadei di tuk hu xử lý meda jhuk pabak jiak 6.000 mét khối/harei melam piah pabak ia pandar di bhap bini saong dom jabat dom sang bac.

dom khau tin dunya:

8/ Karja Ca-na-đa brei thau, bala khuah glai di gah ia-san taneh ia ini patagok jang dua mbang kích thước, taphia di nan ndom lac bruk di tỉnh An-béc-ta, labik ngak tabiak dầu cát lac oh thau dahlau hu kayua biak nguy hiểm.  

9/ Jalan roya dane angan Xăng Ê-li-dê di ban ine Pa-ris ( Pháp) mbang akaok meti tabiak bruk oh brei tong abih dom radeih mac peih nduac di angaok jalan atah 2km ini. Urang Prang song tuai damuai biak bui sambai song biak chreih hatai song bruk kayua môi trường ni, abih di nyu nan lac nyu rah tabiak dalam tuk rilo bilan tapa, bhap bini  Prang dok dalam  bruk an ninh biak catang, hadei di mbang khủng bố Paris di bilan 11 thun bloh. Menuac urang ba gauk  nao takai, thaot binguk song main sambai di angaok jalan nao tal Cổng Khải hoàn môn Art de Triomphe.

10/ Kuhria tal melam kabroi (8/) 41 urang jeng daok lahik dalam sa mbang jaleih taneh khang di tỉnh Phúc Kiến, gah salatan TQ. Urak ini bruk daong bala jeng daok hu peih tabiak piah daong dom urang daok lum ala gluh taneh./.