1# Patui danadak mbang nyaom ka 9, Quốc hội mbang 13, pagaiy harei ini,  Quốc hội biểu quyết brei tapa sarak ka danakdak dak padang ngak adat hukum, pháp lệnh thun 2016, pasiam veik danakdak dak padang ngak adat hukum, pháp lệnh mbang  XIII saong thun  2015. Dom urang Quốc hội pang pathau khan bruk mek panuac di bhapbini saong kuhria pataom, ramik pasiam dự thảo Bộ luật dân sự (pasiam veik); pathau khan pasang iek dự án Bộ luật dân sự (pasiam veik).

2/ Tapa tui iek mbang nyaom ka 9, QH mbang 13 ka bruk taong yaom pabak bruk peih ngak jalan patagok kinh tế - xã hội saong kadung jien karja thun 2014; bruk peih ngak jalan patagok kinh tế - xã hội saong kadung jien karja dom bilan akaok thun 2015, Cử tri Nguyễn Văn Hiến, phaok hiệu trưởng sang bac ĐH jien padai Marketing ban raya HCM ndom lac: Tapa pathau khan di rajaei ye kinh tế 5 bilan akaok thun hu siam jang saong karei jang dom thun dahlau, yau patagok tín dụng siam jang 2 thun jaik di ini, chỉ số patagok bruk ngak công siam, chỉ số yaom pandar cai patagok biar. Bruk kinh tế vĩ mô tani tanat, bruk patagok kinh tế siam. Khin mek hu tanut patagok kinh tế puac thun siam ye kol drei brei langyah saong pasang iek siam sraiy jhak.

3# Akaok mintri ngak nong saong patagok palei pala barau tabiak chỉ thị ka bruk paglaong khik ramik an toan pandap mbang menyum di dom labik raih sik ralo anek athur, menuk ada saong radaih pajeng pandap anek athur. Akaok mintri pandar Uy mban bhapbini dom tỉnh, ban di Trung ương peih bruk quy hoạch labik raih sik ralo anek athur, menuk ada dalam puk palei, pasang iek, pasiam veik quy hoạch labik raih sik ralo anek athur oh ka siam. Hu sarak daong cambaih ka bruk padang ngak barau atau ramik pasiam, patagok dom labik raih sik ralo daok dalam quy hoạch.

4/ Di HN, mintri y tế barau peih mbang nyaom tacei jalan pacang cakak jit ruak MERS hu mbaok di dom vụ, cục dalam mintri y tế saong dom mintr, ngành pambuak tal. Dang akaok mbang nyaom, akaok mintri y tế Nguyễn Thị Kim Tiến pandar dom đơn vị patagok bruk pasram megru pacang cakak jit ruak MERS di dom labik hu ralo urang HQ daok, yau: Đồng Nai, Bắc Ninh, Thái Nguyên, Hà Nội.

5# Di takai tasik Mỹ Khê, xã Tịnh Khê, ban sit Quảng Ngãi barau rah tabiak mitinh "Harei đại dương dunya saong adit tasik saong pulao Vn thun 2015"  kayua mintri Tài nguyên saong Môi trường pambuak bruk saong uy mban bhapbini tỉnh Quảng Ngãi peih ngak pachreih hu labaih 1.500 urang pataom tame. “ njauk ngak piah khik caga alam moi truong”, “ Dai duong khang kajap, hành tinh siam mekre” lac panuac bo adit tasik saong pulao Việt Nam thun ini payua tal yaok urang, tapa nan rik daong paglaong bruk khik caga, roh duah khang kajap tai nguyen, khik caga alam moi truong tasik saong pulao di taneh ia; khik caga chủ quyền tasik pulao gireih di negar.

6/ Barau ini, di glai Khe Đập, dalam palei Tân đức 3, xã Hương Hóa, tỉnh Quảng Bình rah tabiak sa mbang khuah glai biak khang. Hadei di tuk mboh khuah, UB bhap bini xã Hướng Hóa hu brei labaih 50 urang dalam nan hu kapul dân quân, kiểm lâm, ban khik iek glai huyện Tuyên Hóa saong bhap bini dalam bhum pataom tame padam khuah. Kayua pandiak gam saong hangin nan ye ralo tuk meng padam hu pui khuah, 5 ha glai khuah abih. Makna oh ka thau mai meng halei.

7# Hadei di 3 harei pakacah di SEA Games 28, kapul thể thao Việt Nam  mek hu abih tih 26 huy chương ameh piah khik labik dang ka dua di bảng tổng sắp, tok dang hadei kapul po sang Singapore. Di harei pakacah harei ini, đội tuyển điền kinh pakacah di rilo janih, dalam nan njauk ndom tal Nguyễn Thị Oanh hu mbaok tame meng vòng loại 100m kumei saong Nguyễn Văn Lai meda khik hu huy chương ameh 5000m likei bo saai mek hu di Myanmar dua thun dahlau.

Patui di ini dom khau tin dunya:

8/ Biar harei kabroi, di ban ine Phnôm Pênh, kapul lambaok pakat glaong Đảng drei hu mbang ginum meyai saong kapul pakat glaong Đảng bhap bini Campuchia kayua ong Xai Chum, Ủy viên Ban Thường vụ, akaok Ban Thường trực Ban Thường vụ Trung ương Đảng bhap bini Campuchia, Phó akaok Thượng viện taneh ia Campuchia dang akaok. Dua gah njauk hatai ndom lac, dalam tuk dunya, khu vực dak harei dak kan kandah, dua gah brei pakhang saong patagok jang gac talei pambuak bruk jum pataom saong pambuak taong abih bruk di dua Đảng saong bhap bini dua taneh ia.

9 # Harei kabroi, nyaom biai thượng đỉnh G7 di lâu đài En-mau, gah meraong taneh ia Đức yam tapa harei nyaom ka 2 saong jeng lac harei nyaom tamat. Bruk biến đổi khí hậu lac bruk praong abih di danakdak ginum biai di dom urang dang akaok G7 di harei nyaom ka 2. Taphia nan, akaok G7 jeng peih bruk ndom biai nao mai saong dom lambaok mai  meng châu Phi saong  Arập, dalam nan hu bruk y tế saong pacang khủng bố.  

10/ Dom urang njom hội chứng laka jalan suak yava bhum Trung Đông – ieu lac MERS tagok khang ngak ka ralo taneh ia klak tua DL tal HQ, dalam nan hu ralo tui TQ. Kuhria tal urak ini, hu 87 urang njom MERS di HQ, dalam nan hu 6 urang metai. Yaom lac oh ka hu adat oh brei nao tal HQ saong dom cty DL jeng daok peih mbang nao, min hu biak takik tui DL tut angan tame./.