1#/ Harei 1/3 anak tal, tỉnh Bình Định hu peih bruk klauk jru  vắc xin laka cambuai tapaok kakau mbang sa thun 2016 ka 270 drei kabau, limo dok dalam tỉnh. Bahrau ni di huyện bhum ceik An Lão, tỉnh Bình Định hu 4 drei kubau limo njom ruak laka cambuai tapaok kakau. Chi cục Thú y tỉnh Bình Định ba 2 kapul nao pasang iek tapak di 2 huyện Hoài Nhơn, An Lão song brei thau oh lac laka cambuai tapaok kakau. Min anak bruk jit ruak laka cambuai tapaok kakau daok rah tabiak, tỉnh Bình Định hu buh tabiak meng kadung jien karja piah blei vắc xin peih bruk klauk jru caka cambuai tapaok kakau ka tapon athur rong

2# Tỉnh Quảng Ngãi urak ini hu labaih 1.500 héc ta padai Đông Xuân gaok ruak kanyik hala. Saong ruak ini daok mboh nyu pambak praong. Makna kayua lingik laar dui atah yau nan ye hala padai kanyik yau gauk, biak racam, thu langiu jhung hala. Ông Phạm Bá, phó Chi cục khik caga phun pala tỉnh Quảng Ngãi kakei mikva urang nong gam gam tabiak rivang mblang hamu, samal pametai jit ruak: “ Piah patrun patakik ruak kanyik hala, mikva njauk tui iek cambaih mblang hamu. Mboh lac ruak kanyik hala ye ba ia tame hamu saong pandar dom janih khak drak hala jru pachreih phun tamuh piah pruh, piah ka phun padai drah tamuh siam

  3#/ Mesup 18/2 4 urang tong ikan di angaok kapan QB 92671TS di tỉnh Quảng Bình kram di langiu tasik hu salamat mai tal sang. Urak ni jeng dok 3 urang lihik. Kapan ikan tauk angan QB 92671 TS tabiak meng Cảng Gianh nao tong chap kaya ikan harei 4 bingun tết, tal harei 8 bingun tết gaok bala. Di angaok kapan hu 7 urang, dalam nan hu 4 urang hu sa kapan tong ikan di xã Quảng Phúc, ban sit Ba Đồn, tỉnh Quảng Bình dong ba tame boh tanehu siam mekre. Karja palei song kapul Chữ thập đỏ huyện Bố Trạch tỉnh Quảng Bình hu nao rivang pachreih ba song dong ka yaok boh sang hu urang lihik 4 triệu đồng.

4# Sa bruk bui sambai ka urang raong glang di tỉnh Đồng Nai lac dalam dua harei tapa urang blei hu mai blei pabui veik. Dua harei ini mai, dom urang blei di Trung Quốc hu blei labaih sa rabau drei pabui di dom trang trại dalam huyện Thống  Nhất, Trảng Bom.  Dalam dom harei tal, tui kuhria yaok harei, dom urang blei ini meda blei jaik sa rabau drei piah pablei tabiak jalan tiểu ngạch tapa Trung Quốc.  Ông Nguyễn Kim Đoán, Phó akaok Hiệp hội raong glang tỉnh Đồng Nai kakei:“Darak pasal dalam taneh ia lac tanut pablei tok ginup duian nan min, meyah tagok tapol lac cung glaong saong cầu, meda rah tabiak bruk ye barau blaoh. Meyah tok maong tame di bruk pablei tabiak jalan tiểu ngạch tapa Trung Quốc, gilac yau nan veik meda ngak kan kandah ka cung, cầu. Kapul kakei urang raong glang trun takik tapol saong urang raong glang oh pablei pabui meng 110 kg tagok veik”

5#/ Piah  hu ia pruh ka jiak 1.000 boh sang dok di xã Bình Đông, Bình Xuân- ban sit Gò Công, tỉnh Tiền Giang dok kurang ia hacih, tỉnh Tiền Giang hu buh tabiak meng kadung jien karja tỉnh 4 tỷ meteh piah ngak jalan nding dui ia saat song kuac raok bingum pabak  ia pandar ka labik ni. Tui kuhria tal puac bilan 2 ni, danak dak pacang pandiak bhang ni hu ngak salah bloh, dom boh sang di bhum atah bayah ni oh daok kurang ia pandar

6# Bair harei 18/2, mintri Công thương hu tabiak bruk iek pasang yaom xang, menyek. Tui nan, mintri Công thương pandar dom doanh nghiệp trun 961 đồng/sa lít xăng RON 92 trun daok labaih 13700 đồng/sa lít . Xăng E5 jeng trun  942 đồng/sa lít daok labaih 13300 đồng/sa lít. Ini lac mbang trun yaom xang ka 4 hamiet rah tabiak meng akaok thun 2016 saong lac mbang trun ka 9 hamiet kuhria meng harei 19/10/2015 tal ini.

7#/ Ngan song kadha “ Sambo màu bangsa” Hội xuân Liêng Nung pachreih hu jiak 500 nghệ nhân, vận động viên bangsa takik di 12 kapul dalam tỉnh đắc Nông mai pataom mbaok. Dalam 2 harei 17 song 18/2 dom nghệ nhân, vận động viên hu mbaok pakacah  dom janih  ndung bak ilamu meng kan, pakacah doh tako, tamia, taong cồng chiêng, angui chuh khan aow meng kan, pakacah saoh brah tanek lisei samar, ngak mbang huak, menyim khan bai, pakacah dui co, jhul gaiy, chat bao bố… dom bruk ngak ni pachreih hu rilo bhap bini song tuai damuai

Khaw tin dunya

8# Bruk El Nino 2015-2016 daok trun, min jeng daok ngak kan kandah khang tal mô hình khí hậu toàn cầu. Gah khí tượng dunya brei thau,  hiện tượng El Nino 2015-2016 hu tapa tukvak tabung glaong, mn bruk patagok nhiệt độ đại dương di dom bilan jaik ini hu brei mboh dom tác động jang di hien tuong ini. Kuhria caga hiện tượng El Nino meda tamat di kreh thun ini.

9#/ Tổng thống Mỹ Ba-rắc Ô-ba-ma (Barack Obama) meda nao rivang  Cuba dalam 2 harei 21 và 22 bilan 3 anak tal, dalam mbang nao rivang bo ong  ieu lac “ piah jhul patagok bruk tiến bộ saong kham merat piah pasiam rai duik ka bhap bini Cuba. Hu sa kadha vak di angaok blah mạng Tuyt-xtơ, urang dang akaok Nhà Trắng ndom lac, dalam tuk Mỹ dok hu dom hatai sahneng karei jang Cuba meng di tuk 2 negar pambuak veik talei rohim, ye mbang nao rivang di ong hu dong ngak brei kajap jang talei pambuak bruk di 2 negar dok jiak tapen gauk ni.  

10# Barau blaoh, mbang akaok mereip dalam 20 thun tapa, Vê-nê-xu-ê-la brei patagok yaom g xăng menyek kayua trun doanh thu meng pablei dầu thô tabiak taneh ia langiu. Tui nan, xăng A95 meda tagok meng tanut 0,01 đô la Mỹ tagok  0,6 đô la Mỹ yaok lít, tanut tagok 6 rabau angaok ratuh. Tui Tổng thống Ma-đu-rô (Nicolas Maduro ), jien mek tame meng xăng menyek piah daong ka dom danakdak phúc lợi saong xã hội ye y tế saong pato megru./.