1# Hadei di 4 harei ngak bruk, bair harei kabroi 14/5, tui bruk dang akaok di akaok Quốc hội Nguyễn Sinh Hùng, Ủy ban Thường vụ Quốc hội tamart mbangnyaom yaka 38. Brei panuac tamat mbang nyaom yaka 38, akaok Quốc hội Nguyễn Sinh Hùng ndom lac, tukvak meng ini tal harei peih mbang nyam 9, Quốc hội mbang 13 oh daok rilo, yau nan ye pandar jabat soạn thảo pambuak bruk saong  jabat thẩm tra saong dom jabat pambuak tal drak samal pataom dom kadha ginum biai di mbang nyaom piah ramik pasiam dom harak ba ar dahlau si ba tagok QH di mbang nyaom tal.

2/ Dalam mbang nao rivang Cộng hòa A-déc-bai-gian, biar harei kabroi (14/5) di ban ine Ba-cu, akaok negar ong Trương Tấn Sang hu taom gaok Thủ tướng A-déc-bai-gian Ác-tua Ra-si-da-đê saong akaok Quốc hội A-déc-bai-gian Ô-gờ-tay A-sa-đốp. Ong Trương Tấn Sang  ndom lac VN iek praong bruk patagok talei pambuak bruk saong dom taneh ia ayut meng kan dalam bhum SNG, dalam nan hu Cộng hòa A-déc-bai-gian.  

3# Di jabat rajaei, Thủ tướng Nguyễn Tấn Dũng barau taduan raok ông Nakane Kazuyuki, Thứ trưởng mintri Ngoại giao Nhật Bản daok ravang, ngak bruk di VN. Thủ tướng Nguyễn Tấn Dũng ndom lac VN biak caong khin gam saong NB patui jalan kham merat ba talei pambuak bruk dua taneh ia patagok dalam di dom gah, ba mai kein laba ka bhapbini dua taneh ia saong rik daong ka hoa binh saong ginup meda di khu vuc. 

4/ Di HN, ban tacei jalan Tây Nguyên hu pambuak bruk saong gilang pariak karja peih họp báo ka nyaom meyai Xúc tiến đầu tư saong an sinh XH Tây Nguyên mbang ka 3. Nyaom meyai hu rah tabiak di harei 17/5 di ban sit Đà lạt, tỉnh Lâm Đồng. Ini lac bruk ngak hu makna praong ka chính trị, kinh tế, ilamu XH, piah pachreih dom nguồn lực jhul pasamar, khang kajap saong langyah siam an sinh XH, patruh eik patrun kathaot ka bhap bini, abih di nyu nan lac bhap bini bangsa takik.

5# Meng akaok thun tal ini, di tinh Ninh Thuận hu 297 drei anek athur metai kayua kurang ia menyum saong pandap mbang. Pandiak bhang dui atah daok ngak kan kandah ka jaik 150 rabau drei athur di dom bhum tua praong di tinh ini. Gah ngak nong tinh Ninh Thuận daok patagok pasang iek bruk jit ruak, abih di nyu nan lac ruak lavang lavaiyh di tapol athur kayua kurang pandap mbang ia menyum.

6/ Di labik taneh kabo liệt sĩ Ba Dốc, huyện Bố Trạch, tỉnh Quảng Bình barau peih bruk taduan saong ba nao dar 26 talang liệt sĩ  lac urang lin saong chuyên gia VN metai di chiến trường Lào. Ini lac dom talang liệt sĩ duah mboh dalam bilan pandiak thun 2014 – 2015 saong lac mbang pataom ba talang liệt sĩ ka ka dalam thun ini hu ba mai dar di taneh kabo liệt sĩ Ba Dốc, huyện Bố Trạch, tỉnh Quảng Bình.

7# Cục An ninh Kinh tế Nông Lâm Ngư nghiệp (A 86- mintri Công an) barau duah mboh, khik mek yaok pluh kayau căm xe (di nyom IIA- pakauk mek) di Công ty Phước Lợi daok di xã Ea Lê, huyện Ea Súp, tỉnh Đắc Lắc. Dalam tukvak kapul pasang iek, po doanh nghiep lac ông Nguyễn Phi Khanh (sang di Dồng Nai) nduac dauk, yau nan ye urang khik ramik lambaok Công ty Phước Lợi mbuah tangin tame harak ngak suan.

Patui di ini dom khau tin dunya:

8/ Rajaei di thủ tướng Nhật Bản Sin-dô A-bê barau njauk hatai saong dự luật an ninh, tui nan hu peih praong biak rilo dom bruk ngak di negar langiu di gah khik caga NB, dalam nan hu bruk peih ngak quyền khik caga tập thể. Ini hu lac sa bruk salih barau praong dalam sarak an ninh di NB hadei di mbang mesruh metak dunya ka 2. 

9# Tui panuac khan bahrau ini di Sở Giao thông ban Phnom Penh, Campuchia, dalam 4 bilan akaok thun ini, dom mbang bala jalan mbak dalam ban ngak ka 88 urang metai saong labaih 200 urang bị thương. Dom bala nan rilo meng kayua urang ndik radaih menyum alak mbia nduac samar. Tui kuhria mboh, jaik sa meteh dom urang metai kayua bala jalan mbak dalam umo meng 15 tal 29 thun.

10/ Pasak khí tượng pakat negar TQ barau tabiak cảnh  báo sambo xanh da trời kayua hajan khang gam hu cakra saong halan patau di dom labik gah meraong taneh ia ini. Jabat ini kakei bhap bini takik tabiak langiu jalan saong caik hatai sangka hajan patau. Dom chuyên gia khí tượng jeng pandar urang ngak praong puk palei kuhria caga dom jalan ngak daong ka bhap bini saong pacang caga hajan ribuk. Bruk cảnh báo langik tasik di TQ hu 4 pakat, dalam nan sambo meraih brei thau lac langik tasik nguy hiểm di abih, patui di nan lac sambo da cam, kanyik saong xanh da trời./.