# Beir harei 7/12, dalam mbang tamat nyaom roya pakacah gauk anit ranam taneh ia tuk vak 2010- 2015, lambaok rajaei song Hội đồng Pakacah-Pok meyaom Trung ương, Thủ tướng Nguyễn Tấn Dũnghu peih bruk pakacah dalam taneh ia tuk vak 2016 -2020 ngan song kadha “ Jum pataom hadah krah pakacah dak padang ngak song khik caga taneh ia” Thủ tướng Nguyễn Tấn Dũng caong lac, hadei di nyaom roya dom mban, mintri, gah, puk palei MT negar song dom kapul nyaom bhap bini iek tui kadha di nyaom roya, jalan ngak, bruk ngak tuk vak 2016 -2020 song bruk ngak di drei, peih ngak khang bruk pakacah gauk, dong ngak brei ja yah sarak nyaom roya Đảng dom pakat song Sarak Nyaom roya Đảng pakat negar mbang 12.

# Jeng bain harei 7/12, mintri Lao động,Thương binh saong Xã hội pambuak bruk saong Đại sứ quán Israel saong Quỹ dân số Liên hợp quốc di Việt Nam peih nyaom biai “ jalan ngak sáng tạo jhul pakhang bruk ba drei tame ka dom urang jaoh jo saong urang praong thun” . Phaok akaok lambaok Quỹ dân số Liên hợp quốc di Việt Nam Rít-su Na-ka (Ritsu Nacken) brei thau, Việt Nam daok yam tame bruk taha hóa dân số biak samar. Yau nan ye, bruk pasang iek saong khik caga raidiuk ka urang praong thun daok jeng bruk praong di urak ini.

          # Thun 2015, di quận tapen tasik Ngũ Hành Sơn, ban sit Đà Nẵng hu jiak 130.000 urang negar langiu mai rivang ngak mbang duik rai, dalam nan hu jiak 65.000 urang TQ. Tui nan, tuai TQ tal Đà Nẵng hu patagok. Urang negar langiu mai dok rilo, dui tui rilo srau kaday gah an ninh trật tự song kan kandah dalam bruk khik caga di karja. 

# 10 thun tapa, tỉnh Đắc Nông hu khik 31 rija, roya mengkan; 365 bộ cồng chiêng saong 618 urang thau taong chiêng. Taphia di nan, hu duah pataom, roh duah, xuất bản rilo bộ tư tiệu ka inem krung ilimo cồng chiêng di klau bangsa MNông, Mạ saong Ê Đê duh ka bruk roh dauh, khik ramik saong pato tacei dalam bhapbini, dalam sang bac… 

# Harei kabroi 7/12, di ban sit Pleiku, Trung ương Đoàn dam dara Cộng sản Hồ Chí Minh hu peih nyaom biai ngan saong kadha Patagok bruk jum pataom dam dara dom bangsa takik, dam dara tui agama bhum Tây Nguyên. Di nyaom biai, saai H’ Buốt, Bí thư Đoàn xã Trường Xuân, huyện Đắc Song, tỉnh Đắc Nông hu ba tabiak 2 caong khin piah langyah kan kandah dalam bruk ngak di puk palei

Ka sa lac phụ cấp, Urak ni bí thư hu 241. 500 đồng phó bí thư lac 172.500đ,dut song urak ni lac biak takik, hu mbaok tame dom bruk ngak lac biak kan kandah. Nan ye cong khin hu phụ cấp glong jang hasit piah pabak hu bruk nao mai… 

# Pagaiy harei 7/12 , di Hà Nội, Trung ương Kapul dam dara Cộng sản Hồ Chí Minh peih bruk taong iek veik saong alin giải pakacah thaot binguk “ tự hào yam takai ala hala dok Đảng” thun 2015. Di harei taong iek veik saong alin giải, mban peih ngak hu alin sa giải nhất yaom 6 triệu đồng, sa giai nhi, sa giai ba, 3 giai khuyen khich saong sa giai phong trao ka dom tinh, ban đoàn payu rilo thaot binguk mai pakacah. Hambaok mek hu giai nhat mbang pakacah ini, saai Nguyễn Đăng Khoa, ngak bruk di phòng thaot binguk , báo Nhân Dân, brei thau :

Blah thaot di dahlak thoat dom urang canh sat tasik daok pathau khan, pandar gah TQ ba abih gian khoan saong dom kapal tabiak truh bhum tasik Việt Nam. Ini lac sa dalam dom bruk praong di bruk khik caga negar di drei di thun 2014 barau blaoh. Dahlak mboh mbang pakacah kayua Trung ưng kapul peih ngak di tukvak ini hu makna saong ini lac mbang pathau khan dom bruk di urang đoàn, damdara di dom mat tran meng khik caga negar, padang ngak palei pala barau, pato megru.

# Sở công thương ban raya HCM bahrau hu brei thau angan dom đơn vị sản xuất, pablei salih pandap mbang menyum mek hu tanut chuẩn VietGrap. 5 labik sản xuất hu sở công thương brei thau lac mek hu tanut chuẩn VietGap nan lac Saigon Co.op, Công ty Vissan, Công ty rong glang song chế biến pandap mbang Sài Gòn di Tổng Công ty Nông nghiệp Sài Gòn, Tổng Công ty Satra song  Hợp tác xã njam hacih saat Hoa Anh Đào. 

Khaw tin dunya

# Bair harei 7/12, kapul ngak bruk mban tacei pato Tây Nam Bộ, kayua  Trung tướng Trần Phi Hổ, Phó akaok mban par akaok hu nao ravang, alin pandap saong ginum biai saong kapul urang jakar Bộ Tư lệnh Cảnh vệ bol bala negar Campuchia, kayua Đại tướng Điêng Sa-run (Dien Sarun), Phó Tổng Tham mưu trưởng bol bala negar Campuchia gam ngak Phó Tư lệnh cảnh vệ dang akoak. Trung tướng Trần Phi Hổ ndom lac, Việt Nam dahlau hadei ye sa jalan, tuk halei jeng caong khin khik talei pambuak bruk mengkan, pambuak siam mekre saong  Campuchia, Taphia nan, caong khin bol bala negar Campuchia saong mban tacei pato Tây Nam Bộ, dom tỉnh, ban bhum taneran kraong Cửu Long kak kajap jang bruk jum pataom, hữu nghị, gam daong gauk patagok khang kajap di tukvak tal.

# Ngoại trưởng Mỹ Giôn Ke-ry ( John Kerry) harei 7/12 ndom lac dom mbang ginum biai ka khí hậu di Paris meda ba chreih chrai ka dom bruk ngak di dunya ba gauk pacang cakak biến đổi khí hậu bo oh  gaok dom paga pacang gah chính trị

  # Liên Hợp Quốc harei 7/12 tagok sap ieu rik daong yaom jien praong abih 20,1 tỷ đôla ( 18,6 tỷ ơ-rô) piah ba nao daong ka yaok pluh trieu urang gaok kan kandah kayua srau kadau saong bala meg lingik tasik di dunya. Panuac ieu rik daong ini di LHQ piah ieu pataom paok jien daong ka jaik 88 triệu urang di 27 taneh ia dalam thun tal.