1 # Pak Sang Quốc hội, Ủy viên Bộ Chính trị, Phaoak Akaok Quốc hội Tòng Thị Phóng bahrau hu van taom mbaok Kapul urang lambaok urang kamei Công an bhap bani naih jioy dalam negar. Tapa nan, Phaok akaok Quốc hội Tòng Thị Phóng brei mboh hatai jia lac urang kamei Công an bhap bani daok patui jalan patagok ilamu siam mekre di urang kamei ngak bruk dalam gah công an bhap bani. 

2/ Di HN, mintri Y tế bahrau peih nyaom biai pakat negar ka bruk padang ngak khang kajap ka bruk pacang caga ruak pandiak dom. Nyaom biai hu rah tabiak di tuk dalam negar urak ni hu 15 triệu urang dok dalam bhum ruak pandiak dom rah tabiak, ruak pandiak dom pacang hu jru daok rah tabiak di 5 tỉnh song ruak ni mbuan si tamuh veik biak glong. Dalam tuk nan, phun jien di karja ka bruk pacang caga pandiak dom dok trun khang.

3 # Mentri Công thương taduan hu panuac khan ka bruk dom công ty Việt Nam ngak suan dom quy định ka tiêu chuẩn tuk pablei pandap panda tapa Ả-rập Xê-út. Cambaih laih lac, dom janih pandap yau brah nhài oh hu đăng ký thông tin ka janih pandap brah yau: sambo màu, độ atah, tỷ lệ mekuac; vak panuac meyaih khan oh njauk adat hukum; angan di labik blei tame angaok bao bì karei ngan haong angan dalam chứng từ nhập khẩu; oh vak cambaih ka mùa vụ; vak trùng angan pandap saong trọng lượng tịnh...

4/ Kapul urang QH tỉnh Lào Cai bahrau taom gaok cử tri dahlau di mbang nyaom ka 9, QH mbang 13 di  huyện Bảo Yên song ban sit Lào Cai. Di dom mbang taom gaok, cử tri hu panuac lac sarak dong brei di karja piah ngak sang ilamu dok hu rilo tavak tavaiy, rilo sarak daong ka boh sang kan kathaot oh ka patagok hu kein laba.

5 # Pak labik taneh Kabo Liệt sĩ Nầm, huyện bhum ceik Hương Sơn, tỉnh Hà Tĩnh, lambaok ka mBan ngak bruk  Raja-ei, Mentri Quốc phòng, Mentri Lao động – Thương binh saong Xã hội, Bộ Tư lệnh Quân khu 4 gam haong ralo urang jaka, bhap bani saong anek saih huyện Hương Sơn peih bruk truy điệu, ba dar 25 talang liệt sĩ lac urang lin saong chuyên gia Việt Nam van klaak rup drei dalam dom jaman mesruh metak angaok taneh Lào. Kuhria tal abih bilan thu thun 1999 tal 2015, Kapul pataom duah talang di mBan ngak bruk tỉnh Hà Tĩnh hu peih bruk roh duah, pataom mek hu 719 bộ talang liệt sỹ nan lac urang lin saong chuyên gia Việt Nam van klaak rup drei angaok taneh Lào ba mai Việt Nam.

6/ Tỉnh ủy Bình Dương bahrau peih bruk pok brei huy hiệu 50 thun Đảng ka ong Nguyễn Minh Triết urang dahlau deih ngak akaok negar. Luac meng tuk hu mbaok tame bruk ngak CM aval meng phong trào SV song tapa dom bruk ngak, pang akaok di TƯ Đoàn, Bí thư Tỉnh ủy Sông Bé, Bí thư Thành ủy ban raya Hồ Chí Minh...bloh tal Ủy viên mintri Chính trị, akaok negar, dom bruk ngak hlaei ong Nguyễn Minh Triết jeng brei mboh ilamu  pan akaok naih ghieh, ngak siam bruk ngak hu jao brei.

7 # Kapul urang kamei tỉnh Bình Thuận bahrau peih nyaom biai pok meyaom điển hình tiên tiến pakat tỉnh mbang ka III, tukvak 2010 – 2015. Tal harei ini, dom pakat Kapul urang kamei hu daong ka 58.500 urang nyim phun jien labaih 1 ribau tỷ đồng (tgok 68,67% dut haong thun 2010). Tukvak nan, kapul urang kamei tỉnh Bình Thuận pok meyaom 28 kapul nyom, 72 menuac uran điển hình tiên tiến dalam bruk pakacah gauk anit ranam taneh aia.

Patui di ni dom khua tin dunya:

8/ Dalam panuac bahrau ba tabiak anak mbang nyaom pakat glong di Mỹ song dom negar pambuak bruk vùng Vịnh (GCC), Phó cố vấn an ninh negar Mỹ Ben Rốt (Ben Rhodes) ndom lac, bruk pachreih ginum biai hạt nhân song Iran oh hu makna lac sa jalan ngak cadu jang song Têhêran. Ong ndom lac, Karja di Tổng thống Barắc Ôbama (Barack Obama) oh khin mboh sa bruk pakacah gauk gah phao ndao di vùng Vịnh.

9 # Rajaei di di Thủ tướng Nhật Bản Sin-dô A-bê (Shinzo Abe) bahrau njauk hatai ngan haong dự luật ka an ninh, tui nan meda peih prong dom bruk ngak pak negar langiu di Gah Pacang caga Nhật Bản (SDF), dalam nan hu bruk pacang caga tập thể. Dom salih karei kế hoạch, brei thau ka nguyên tắc pambuak bruk quốc phòng Mỹ-Nhật Bản bahrau hu brei thau bilan dahlau, tui nan brei adat ka Nhật Bản meda pandar pren khang quân sự pak negar langiu pacang cakak tấn công tame Mỹ atau dom negar pambuak bruk karei karei.

10/ Thủ tướng Nêpan Xukhin Côirala (Sushil Koirala) khan lac. Rajaei di ong oh hu caga pacang mbang megei taneh khang 7,3 độ ríchte rah tabiak harei 12/5 meng bloh. Mbang megei taneh nan tal urak ini jeng daok ngak brei glut jaleih taneh, lam lahik rilo boh sang./.