1/ Beir harei 1/2, ong Nguyễn Thiện Nhân, Ủy viên mintri Chính trị, Akaok Ủy ban Trung ương Mặt trận negar Việt Nam mai rivang song brei pandap tết di pasak iek glang thương binh Thuận Thành, Bắc Ninh. Klah rabha song  Chủ tịch Ủy ban Trung ương Mặt trận negar Việt Nam, dom thương, bệnh binh brei thau, urang jakar pasak iek glang yau menuac dalam sang. Tỉnh jeng sangka dong ba bruk ngak ka anek taco di dom  thương bệnh binh, dong brei sang dok. Dom thương bệnh binh hu panuac caong: Njauk ngak siam jang sarak ka urang hu buh pren yava ka taneh ia, kayua lac yaom kaom dak harei dak tagok glong. Sarak dong ka urang njauk jru klik kruac hu langyah drah samar jang. 

2/ Pahadar 85 thun harei padang Đảng Cộng sản Việt Nam (3/2/1930 – 3/2/2015), mesup harei 1/2, Phaok akaok negar amuk Nguyễn Thị Doan mai hu mbaok di tuk pahadar 85 thun harei padang Đảng saong taduan mek angan Anh hùng taphon nyaom bon pan phao kraong bhap bini di huyện Phúc Thọ, Hà Nội. Tapa nan, dom urang lambaok hu hadar veik bruk hào hùng, hadah hadai di Đảng, bruk anh dũng di bhap bini huyện Phúc Thọ dalam dom bruk mesruh metah khik caga ka taneh ia.    

3/ Tuk vak tapa, Đảng bộ huyện đảo Phú Quý, tỉnh Bình Thuận, bhian sangka tal bruk dak padang đảng. Bruk pan akaok ba jalan di dom cơ sở Đảng angaok palao kaoh hu paglong. Đảng bộ huyện palao Phú Quý urak ni hu 16 cơ sở Đảng. Dalam thun, Đảng bộ huyện Phú Quý hu ngak salah bloh dom tanut ba taibak. Tong abih urang jakar, urang đảng hu mbaok tame bruk bac megru dom sarak di Đảng pakat angaok.

4/ Piah khik kajap chất lượng, an toàn kaya nông, kaya glai, kaya ikan brei ka bhap bini mbang Tết anek sak pabe, meng ini tal harei 26/2, Sở ngak nông saong patgaok palei pala tỉnh Quảng Bình hu nao pasang iek 60 labik ngak pandap pablei salih mbuan lahik an toàn thực phẩm; Dalam nan, sangka tal dom labik raong glang, sik ngak ralo athur raong, menuk ada, labik pala njam pataom saong dom labik ngak pandap mbang yau nem, chả, ralo, ia mesil.

5/ Salam uan Tết anek sak pabe thun ni, Thành Đoàn Đà Nẵng peih bruk nao rivang song alin brei labaih 500 pok pandap ka urang kan kathaot, brei labaih 1500 harak radeih ka SV sang kan kandah mai palei mbang tết. Phó Bí thư Thành Đoàn Đà Nẵng Nguyễn Duy Minh brei thau: Langiu di bruk brei pandap, thành đoàn dok peih rilo danka dak taom gaok, ndom nyai nao mai ka ilamu, doh takơ, pathau khan adat hukum ka dam dara di sang bac giáo dưỡng 3 song pasak pato pakai bruk ngak 05-06 di ban sit Đà Nẵng.

6/ Angaok jalan Roya 18A, labik nao tapa phường Bãi Cháy, ban sit Hạ Long, tỉnh Quảng Ninh, dalam tuk nao pasang iek, kapul khik iek jalan mbak di phòng Cảnh sát jalan mbak, jalan pasei Công an tỉnh quảng Ninh duah mboh, cap mek sa paok hu jaik 70 asal ma túy tổng hợp padauk  angaok radaih pajeng tuai biển kiểm saot1 Quảng Ninh 14N- 3446 kayua Trần Văn Phương, ndih tapui thun 1979, daok di Tây Giang, Tiền Hải, Thái Bình, peih. Urak ini bruk ini hu gah Cảnh sát jalan mbak Công an tỉnh Quảng Ninh jao ka jabat Cảnh sát Điều tra Công an ban sit Hạ Long pasang iek, duah thau.

7/ Pasak y tế dự phòng ban raya Hồ Chí Minh brei thau: dalam adit tapa hu rah tabiak jit ruak thủy đậu di sa sang bac dok di quận Bình Thạnh. Jit ruak thủy đậu rah tabiak di sang bac Mầm non chuyên biệt Tuổi Ngọc (quận Bình Thạnh, ban raya Hồ Chí Minh) meng harei 12/1 song tuk camereip mboh hu 2 urang njauk ruak. Urak ni hu 8 urang njom ruak dalam nan hu 4 gru pato song 4 anek saih. Hadei di tuk thau lac hu jit ruak thủy đậu. Pasak Y tế dự phòng quận Bình Thạnh hu peih bruk  pruh jru pametai anek ruak dalam sang bac Tuổi Ngọc. 

Patui di ini dom khau tin dunya:

8/ Tui Hãng thông tấn KCNA di Triều Tiên, taneh ia ini hu daa Đặc phái viên Mỹ ka bruk hạt nhân Triều Tiên Sung Kim mai rivang Bình Nhưỡng, tuk ong ini brei thau halan hatian taom gaok urang ngak praong Triều Tiên dalam mbang mai rivang châu Á adit ini. Brei panuac tuk daok rivang Bắc Kinh harei 30/1, ong Sung Kim ndom lac, Mỹ halan hatian ginum meyai saong Triều Tiên ka bruk oh hu hạt nhân. 

9/ Dom urang jakar gah y tế Trung Quốc brei thau: urang njom ruak menuk ada H7N9 di tỉnh Quảng Đông tagok tal 30 urang meng di akaok thun tal ni. Sa urang ruak umo 48 thun di ban Yết Dương metai harei 29/1 meng bloh kayua njom ruak. Dom chuyên gia y tế hu panuac khan lac, Quảng Đông dok yam tame tukvak tabung glong di jit ruak menuk ada. Bruk njom ruak di angaok anek menuac hu pathau khan song dom urang ruak nan jeng hu tom gaok menuk ada njom ruak. Yaok ribau menuk ada hu ba nao am cuh klak dalam thun ni. 

10/ Dom urang ngak praong y tế Mỹ khan lac, labaih 100 urang njauk ruak sởi di Mỹ meng bilan 12 meng bloh. Eng di Ca-li-fooc-nia, hu 91 urang njom ruak, ralo meng lac pambuak tal mbang tamuh jit di labik me-in hu angan Đis-nây-len. Tui dom urang ngak praong y tế Mỹ, virus ini daok tấn công Niu Ooc. Sa sinh viên di Niu Ooc daok hu dấu hiệu njom ruak saong daok njauk cách ly./.