1/ Beir harei 2/2, UV mintri Chính trị, Chủ tịch Uỷ ban Trung ương Mặt trận negar Việt Nam Nguyễn Thiện Nhân hu taduan raok amuk Shrimati Preeti Saran, Đại sứ Ấn Độ tại Việt Nam. Di var taom gaok, ong Nguyễn Thiện Nhân hu khan brei amuk Đại sứ thau ka mbang nao rivang di kapul pakat glong MT negar VN di Cộng hòa Ấn Độ dalam bilan 3 anak tal. Jeng dalam mbang nao rivang kapul jeng hu mbaok di diễn đàn doanh nghiệp Việt Nam song doanh nghiệp bang Bihar, raoh duah dom danak dak dong patagok ka bhap bini kan kathaot, bac megru ilamu di Ấn độ dalam bruk khik ramik ilamu bangsa.

2/ Di Hà Nội, phaok thủ tướng, akaok mintri ngoại giao Phạm Bình Minh saong urang dang akaok tập đoàn Viễn thông quân đội Viettel hu peih tổng đài điện thoại daong ka bruk bảo hộ công dân saong pháp nhân Việt Nam daok di negar langiu. Bruk padang saong ba tame ngak tổng đài bảo hộ công dân brei mboh bruk kham merat di VN dalam bruk paglaong kein lagaih bruk bảo hộ công dân saong pháp nhân Việt Nam di negar langiu 

3/ Di ban raya HCM, Chi bộ  Jabat  rayo sap ndom Việt Nam di ban raya Hồ Chí Minh hu peih bruk pok gilau song pok bingu di tượng đài Chủ tịch Hồ Chí Minh, Dhar Muinyim HCM. Jeng dalam mbang ni Chi bộ  Jabat  rayo sap ndom Việt Nam di ban raya Hồ Chí Minh hu peih bruk kết nạp đảng viên bahrau song sinh hoạt chi bộ thường kỳ di Bến Nhà  Rồng, labik 104 thun dahlau Wa Hồ tabiak nao duah jalan dong ka taneh ia. Dom urang Đảng dalam Chi bộ hu hadar veik bruk CM di Đảng song halan hatain jum pataom gauk dak padang chi bộ jabat rayo sap ndom VN dok di ban raya HCM jeng sa kapul cơ sở đảng hacih saat, khang kajap njauk song angan lac jabat rayo sap ndom VN di ban raya HCM saong gah merong negar.

4/ Tỉnh Đoàn Thừa Thiên - Huế barau peih bruk pok meyaom 85 urang Đảng ranaih umo naih gheih dalam tuk pahadar 85 thun harei padang Đảng Cộng sản Việt Nam. Dom urang đảng ranaih umo hu pok meyaom mbang ini lac urang naih gheih hadah krah dalam yaok gah. Ini lac dom kreih camin hadah ka bruk bac megru, ngak bruk, sáng tạo, halan hatian ka bhap bini. Urang đảng ranaih umo Phan Tuấn Anh, giảng viên Khoa Ngữ Văn, sang bac đại học Khoa học Huế hu pok meyaom dalam mbang ini ndom lac:

“Lac sa urang đảng ranaih umo hu pok meyaom dalam mbang ini mboh biak hadah mbaok. Tapa mbang pok meyaom ini dak mboh hu trách nhiệm di drei dalam bruk ngak chuyên môn. Anak tal brei kham merat ruah duah ilamu biak siam, hu dom đề tài barau ba tame pandar ka XH. Ka dua tra sangka tal dom ayut sinh viên piah ba tabiak pato pasram ka dom ayut ranaih umo hu tame đảng”.

5/ Pahadar 85 thun harei padang Đảng Cộng sản Việt Nam (3/2/1930- 3/2/2015), melam kabroi 2/2 di inum krung dak rai sajarah pakat negar Ngục Kon Tum, rayo papar binguk VN (VTV) song Ub bhap bini tỉnh Kon Tum pambuak bruk peih cầu truyền hình “Đảng song bilan Xuân” hu yaok rituh đại biểu song yaok ribau bhap bini mai hu mbaok.

6/ Piah pachreih ba, klah rabha saong ba bui sambai ka dom urang kan kathaot tuk tết mai, Thành đoàn – kapul liên hiệp dam dara ban sit HN hu pambuak bruk saong dom urang ngak pahala peih danak dak “Xuân halan hatian – Tết ấm anit ranam thun 2015” di dom quận, huyện, KCN, sang iek ruak dalam ban . Thun ini, Thành đoàn, kapul liên hiệp dam dara hu nao rivang, alin hadaih pandap ka jaik 300 urang kan kathaot saong yaom jien abih tih labaih 200 triệu đồng.

7/ Jalan cao tốc ban raya Hồ Chí Minh – Long Thành – Dầu Giây atah 55 km hu peih brei radeih nao mai di harei 8/2 anak tal. Urak ni dom đơn vị dok sami samar ngak dom bruk dok veik piah caga ka harei brei radaih peih. Hadei di tuk brei ka radeih peih, jalan cao tốc ni hu 4 jalan radeih nao mai 2 gah, song 2 jalan radeih an toàn di tapen 2 gah jalan, vận tốc 120 km/sa tuk. Jalan cao tốc bahrau di abih dalam taneh ia hu tong yaom lac hu makna biak prong dalam bruk pambuak pagam ban raya Hồ Chí Minh song dom  tỉnh Đông Nam Bộ song Tây Nguyên.

8/ Di sang bac tiểu học Lương Thế Vinh, huyện Buôn Đôn, tỉnh Đắc Lắc, dhar  Viettel Đắc Lắc barau alin hadaih 50 paok jien bac ka anek saih tiểu học gaok kan kandah di 5 xã, yaok paok jien bac nan yaom 1 triệu đồng. Taduan hu jien bac, adei Lê Thanh Dương, anek saih tal 3A, sang bac tiểu học Lương Thế Vinh lac:

“Harei ini anek taduan hu jien bac anek uan tabuan lô, anek sanya kham merat bac biak joi piah pabak veik hatai caong di gru pato saong amaik ame.. Anek kham merat bac biak joi piah njauk saong paok jien bac harei ini”. 

Patui di ini dom khau tin dunya:

9/ Mesup harei kabroi 2/2 di mintri Quốc phòng Lào, Thượng tướng Xẻng-nuôn Xay-nha-lạt (Sengnoun Xaynhalat), Akaok mintri Quốc phòng Lào hu taduan raok Kapul urang dahalau deih ngak lin saong chuyên gia Việt Nam di Lào kayua Trung tướng Nguyễn Tiến Long, Phó akaok mban Liên lạc urang dahlau deih ngak lin saong chuyên gia Việt Nam di Lào pan akaok kapul dok nao rivang Lào meng harei 31/1 tal harei 8/2. Thượng tướng Xẻng-nuôn Xay-nha-lạt, Akaok mintri Quốc phòng Lào ndom lac mbang nao rivang hu dong ngak ka talei rohim di 2 negar hu khang kajap jang, talei jum pataom saong ppambuak bruk Việt Nam - Lào, Lào - Việt Nam dak harei dak tagok./.

10/ Harei kabroi, Thủ tướng Nhật Bản Sin-dô Abê brei thau, taneh ia ini hu pasang iek dom jalan ngak pandar bol bala piah daong bhap bini di drei meyah hu bruk khủng hoảng con tin yau bruk karja IS pametai dua urang NB. Panuac di ong Abe sa mbang tra ngak brok tagok tranh cãi ka bruk binh sĩ NB meda hoạt động di negar langiu atau oh. Dom jabat an ninh NB hu pandar dom jalan ngak pacang cakak chip meng tapen negar, cửa khẩu piah pasang iek, pacang cakak yaok bruk xâm nhập tame NB di kol khủng bố. Taphia di nan, rajaei NB jeng hu pambuak bruk saong dunya piah pacang cakak kol IS./.