1/ Di HN, mintri Thông tin song Truyền thông hu alin hadiah bộ tư liệu bản đồ: “Hoàng Sa, Trường Sa di Việt Nam-dom bằng chứng sajarah dak rai song adat hukum” ka Bộ Tư lệnh Bộ đội Biên phòng.  Di tuk peih bruk alin hadiah, Thứ trưởng Trương Minh Tuấn, lambaok ka mintri Thông tin song Truyền thông hu jao brei 180 tư liệu, bản đồ ka Bộ Tư lệnh Bộ đội Biên phòng. Ni lac bộ tư liệu quý, hu pataom veik meng dom nguồn tư liệu hu pathau khan di dom urang roh duah dok dalam song langiu taneh.

2/ Ong Mai Văn Trinh, akaok cục khảo thí saong taong iek chất lượng pato megru (mintri pato megru) brei thau, đề pakacah THPT pakat negar thun 2015 pabak hu bruk công nhận tốt nghiệp saong palih ruah tame đại học cao đẳng, lagaih saong pren bac di anek saih THPT saong học viên pato megru thường xuyên. Quy chế pakacah THPT pakat negar ndom cambaih laih, đề pakacah daok dalam asal danak dak THPT, ralo meng lac tal 12. Gah cơ bản, đề pakacah THPT pakat negar 2015 yau đề pakacah tốt nghiệp THPT saong palih ruah anek saih tame đại học, cao đẳng thun 2014.

3/ Urak ni di tỉnh Phú Yên, langik tasik oh lagaih, saboh mesup hu ia kakua, jala beir harei pandiak khang, hamu taneh thu lagu, jit ruak rah tabiak, ngak khat lihik rilo mblang padai đông xuân. Labaih 3000 ha padai đông xuân di dom huyện  Tuy An, Đông Hòa, Tây Hòa song ban sit  Tuy Hòa, tỉnh Phú Yên njauk ruak bọ trĩ song đạo ôn hala.

4/ Barau ini, huyện Đức Linh, tỉnh Bình Thuận hu peih bruk brei thau daong dự án paglaong ilamu ka anek saih THCS tapa danak dak pato megru likei kamei saong jalan diuk rai. Peih ngak dự án nan, hu 3 sang bac THCS Sùng Nhơn, Mépu saong Trà Tân. Tukvak peih ngak dalam 2 thun, meng bilan 1/2015 tal bilan 12/2016, jien brei ka dự án nan lac 19.626 đô la Mỹ kayua Tổng Lãnh sự quán Hoa Kỳ daong. Urang hu mbang tui, lac 1.074 anek saih khối 8 thun bac 2014 – 2015; thun bac 2015 – 2016 saong urang jakar, gru pato 3 sang bac hu mbaok tame danak dak.  

            5/ Dalam tukvak 2010 - 2014, tong abih urang ngak  hu bac bruk ngak di tỉnh Sóc Trăng nan lac 130.979 urang, rilo jang 104,78% bruk ba tabiak. Bruk njauk menyai nan lac kein lagaih meng bruk pato pakai hu tagok, urang bac thau ba ilamu kỹ thuật tame bruk pala drak, patagok năng suất, padang bruk ngak di labik, patagok jien mek tame ka boh sang, dong patrun kan kathaot di puk palei.

 6/ Dalam thun 2014, kadung jien daong ka uranaih tỉnh Đồng Tháp jak ba hu jaik 11 tỉ đồng (meblah 121% bruk ba tabiak). Meng nan, tỉnh hu daong ka labaih 6.000 uranaih gaok kan kandah tapa dom bruk ngak praong yau: danak dak jien bac “yam tapa kan kandah – bac daa naih joi”, alin hadiah pandap “cây mùa xuân”, padang ngak sang bac mẫu giáo… abih di nyu nan lac danak dak daong ka uranaih joh jo hu blac dariah saong pasiam veik, daong hu 40 uranaih ruak baoh hatai.

7/ Labaih 82 tỷ đồng lac pok jien bo dom kapul nyaom di Mặt trận negar ban raya Hồ Chí Minh jak ba hu dalam bilan 2/2015 piah iek glang ka dom urang dalam sarak karja, boh sang hu buh pren yava ka taneh ia, amaik VNAH, boh sang kan kathao, SV, công nhân, dom boh sang bangsa takik hu rai duik kan kandah, urang taha dok sa drei. Mban jak ba kadung jien ka urang kan kathaot ban raya hu buh tabiak 4 tỷ đồng piah iek glang ka urang kan kandah di dom tỉnh gah barak,  Tây Nguyên song gah Tây Nam Bộ.

Patui di ini dom khau tin dunya:

8/ Jabat y tế tỉnh Quảng Đông, TQ barau brei thau hu gac 2 urang njom vi-rút cúm menuk ada H7N9. Tui UB pren yava saong Kế hoạch hóa gia đình tỉnh Quảng Đông, sa urang likei umo 45 thun, daok di ban Đông Quan saong sa urang likei umo 36 thun daok di ban Phật Sơn tapa dut iek mboh lac dương tính saong vi-rút H7N9 meng puac adit bloh. Dua urang ini daok hu pren yava siam mekre..

9/ Di Seoul, Đại sứ quán Việt Nam di Hàn Quốc bahrau peih danak dak salam uan thun bahrau 2015 piah ba không khí tết tal tong abih mik va  urang Việt dok duik rai, ngak bruk song bac megru di HQ. Gam song dom kadha doh tako di dom anek saih VN parang me-in, dom urang hu mbaok dok hu mbang dom janih pandap mbang meng kan di bangsa kayua dom urang dalam Đại sứ quán kuhria caga ngak jeng sa harei jum pataom bak bui sambai dalam tuk akaok thun bahrau.

10/ Phó Tổng thống Xi-ê-ra Lê-ôn Sam Su-ma-na mana daok njauk cách li 21 harei hadei di tuk sa dalam dom urang khik caga ong ini metai kayua njom vi-rút Ê-bô-la. Dalam mbang brei panuac angaok rayo papar binguk, Phó Tổng thống hu ieu taong abih dom urang bhian taom gaok urang khik caga njom ruak nan, njauk nao tal dom jabat y tế piah hu pasang iek./.