1/ Dalam tuk uan thun bahrau 2015 song taduan raok tết anek sak pabe di VN,  Tổng Bí thư Nguyễn Phú Trọng taduan hu rilo thiệp tadhau ayuh thun bahrau di dom urang dang akaok dom taneh ia, dom urang pan akaok dom chính đảng praong di rilo taneh ia di dunya. Dalam dom thiệp tadhau ayuh nan, urang dang akaok dom taneh ia, urang pan akaok dom chính đảng praong hu pok paglaong bruk pan akaok di Đảng drei, iek praong bruk pambuak talei rohim haong Đảng drei, brei mboh angan je, labik dang di Đảng, jang yau dom jak jeng dalam bruk salih bahrau, jak jeng dalam đối ngoại di negar drei dalam dom thun tapa.

2/ Biar harei kabroi 3/2, di ban sit Hạ Long, tỉnh Quảng Ninh, Uỷ viên mintri Chính trị, Phó Thủ tướng Nguyễn Xuân Phúc hu ngak bruk saong urang dang akaok tỉnh Quảng Ninh ka bruk peih ngak sarak nyaom roya Đảng pakat negar mbang ka XI, bruk pacang buôn lậu, bleik saleik dalam pablei salih, pandap ja saong Đề án “salih barau jalan ngak, paglaong bruk pan akaok saong pren chiến đấu di Đảng, peih bruk tinh giản bộ máy, biên chế”.  

3/ Mintri Công thương bahrau mbaoh tangin brei adat ka dự án padang ngak danak dak ba điện negar ka palao Cù Lao Chàm, tỉnh Quảng Nam meng cáp ngầm, saong yaom jien abuih tih jaik  485 tỷ đồng. Tui jalan ngak dự án hu ngak salah bloh dalam thun 2015. Dự án ba điện ka Cù Lao Chàm meng cáp ngầm piah pabak điện tani tanat meng jalan điện negar, pabak ka bruk ngak mbang ngak huak song paglaong rai duik, ilamu, patruh eik patrun kan kathaot di xã palao kaoh.

4/ Biar harei 3/2, lambaok urang dang akaok Ban tacei jalan Tây Nam Bộ hu mai rivang saong alin hadiah pandap Tết ka baoh sang kan kathaot, baoh sang jaik si kan kanthaot di huyện Tân Phước, tỉnh Tiền Giang. Kapul hu alin hadiah 180 pok pandap tết ka dom baoh sang kan kathaot, jaik si kan kathaot dalam puk palei, yaok paok pandap lac jien 500 ribau đồng. Tal urak ini dalam huyện hu labaih 1.300 baoh sang kan kathaot, jaik si kan kathaot hu dom jabat, đơn vị mai alin hadiah pandap Tết ngan saong yaom yaok pok pandap meng 300 ribau đồng tal 800 ribau đồng. Tết anek sak pabe 2015, huyện Tân Phước kham merat  ka taong abih dom baoh sang kan kathaot, baoh sang jaik si kan kathaot saong baoh sang daok dalam sarak karja jeng hu pandap rok Tết.

5/ Piah khik ka siam bruk pajeng ba dalam tuk Tết Nguyên đán anek sak pabe, ban sit Cần Thơ hu tacei dom sở, ban, ngành pagam tal, brei padang jalan rami ramik bruk nao mai di dom labik peih ngak rija roya prong song dom labik peih bruk main sambai xuân 2015. Puh ramik hacih sa-at, brei padeih thi công ka jalan laneng lanoi, pasang iek, caik ginup dom biển báo, gom tín hiệu, gom chiếu sáng, brei menuac hu mbaok khik caga piah samar langyah dom bruk rah tabiak, khik ka urang song radeih nao mai hu siam mekre.

6/ Kapul Tri thức ranaih umo ban raya HCM barau pambuak bruk saong dhar kapul “dahlak ranam Kon Tum” di kapul daong urang joh jo saong uranaih metui medhua tỉnh Kon Tum peih danak dak “Tết klah rabha anit ranam 2015”. Danak dak alin hadiah 400 paok pandap Tết ka urang kan kathaot di palei Chum Đác Chỏa, phường Ngô Mây, ban sit Kon Tum; xã Đác Man, huyện Đác Glei; xã Pô Kô, huyện Đác Tô saong xã Ngọc Réo, huyện Đác Hà. Alin hadiah 10 sruh radaih juak; 1000 gu takhaoh ka uranaih kan kathaot yam tapa kan kandah bac daa naih joi di dom xã ndom angaok nan. Abih tih pandap nan yaom 100 triệu đồng kayua kapul tru thức ranaih umo ban raya HCM daong.

7/ Di tỉnh Bến Tre urak ni hu 15 DN, 70 cơ sở  ngak har mứt kẹo li-u ngak mbang praong, pabak ka darak pasa labaih 15.000 tấn/sa thun. Dalam tuk  Tết  anek sak pabe, dom DN, cơ sở hu ba tabiak darak pasa yaok ribau tấn har mứt dom janih. Dalam nan rilo meng lac mứt li-u, pei racam ngak meng li-u. Piah khik siam pren yava di urang blei mbang, dom DN, cơ sở sx jeng ngak njauk tui dom quy trình vệ sinh, hacih saat pandap mbang, oh pandar dom chất phẩm màu, chất tẩy bo gah y tế oh brei pandar dalam bruk ngak pandap.

Patui di ini dom khau tin dunya:

8/ Biar harei kabroi, di ban ine Viêng chăn, Đại sứ quán Việt Nam di Lào hu peih mít tinh pahadar 85 thun harei padang Đảng Cộng sản Việt Nam(3/2/1930 – 3/2/2015); pok brei huy hiệu 30 thun umo đảng ka dom urang đảng dalam đảng bộ di Lào. Mai pataom mbaok, hu taong abih urang đảng dalam đảng bộ Đại sứ quán Việt Nam di Lào, dom đoàn viên saong bhap bini  daok bac megru, ngak bruk di Lào.

9/ Đại tướng Vo-ra-pôn (Worapol), urang pan akaok bol bala Thái Lan bahrau brei thau: bruk pasram hu angan lac "Hổ mang vàng" thun 2015 di bol bala Thái Lan song bol bala Mỹ jeng hu peih ngak njauk tui bruk ba tabiak, yaom lac dahlau nan hu khau tin lac Mỹ brei patrun sit bruk pasram ni. Đại tướng Vo-ra-pôn brei thau, dalam mbang pasram "Hổ mang vàng" thun ni, gah Thái Lan, Mỹ gam song bruk hu mbaok di dom urang lin dom negar karei, hu mbaok tame dom bruk pasram dong duah menuac urang njauk bala.

10/ Thất bại di NB dalam bruk kham merat daong dua con tin, nhà báo Gô-tô saong thương nhân Yu-ca-oa hu ngak brok tagok dom medil ka pren langyah khủng hoảng dunya di Tokyo. Kayua yau nan ye, bruk khik kajap an ninh ka bhap bini di taneh ia ini daok dalam saong langiu taneh ia nan lac bruk praong dang akaok di rajaei NB. Chánh văn phòng rajaei NB Xuga brei thau, dom jabat an ninh di taneh ia ini hu pambuak bruk khang kajap saong jabat tình báo dom taneh ia piah samar thau saong langyah dom thông tin pambuak tal khủng bố./.