1/ Mintri ngak nong song patagok palei pala bahrau patabiak thông tư tacei jalan peih ngak Nghị định 187 di rajaei tacei tabiak cambaih laih jalan peih ngak hukum Thương mại ka bruk pablei salih pandap panda dunya song dom bruk ngak di đại lý, blei , pablei gia công song quá cảnh pandap panda song negar langiu dalam gah ngak nong, ngak glai, song kaya ikan. Thông tư tacei lac: oh brei xuất khẩu kayau song pandap ngak meng kayau gul, kayau kaoh dom janih meng glai tự nhiên dalam taneh ia… Kayau song pandap ngak meng kayau hu xuất khẩu tuk hu harak hồ sơ njauk adat hukum urak ini.

2/ Dalam dom bruk di nyom biai yaih khan văn học VN mbang ka 3, kapul Nhà văn barau peih ginum meyai pakat dunya “văn xuôi VN – mbeik drei tame saong patagok”. Di nyaom ginum meyai, dom urang lambaok hu ndom tal tukvak patagok khang kajap jeng yau dom bruk ngak hu di văn xuôi Việt Nam hiện đại. Dalam nan, hu ndom tal bruk patagok di văn xuôi saman đương đại meng kreih dom thun 1990 tal urak ini. 

3/ Pahadar harei Bộ đội Biên phòng song harei Biên phòng toàn dân, Bộ đội Biên phòng tỉnh Quảng Bình bahrau peih rilo bruk taom gaok ndom nyai nao mai, daoh tamia, tangi sua urang karja, urang lin dok ngak bruk di 2 labik tapen negar. Dom thun tapa Bộ đội Biên phòng tỉnh Quảng Bình bhian  pasang iek, khik caga jalan negar, tui iek catang bruk menuac urang song pandap panda pajeng ba tame tabiak labik tapen negar, dong ka bhap bini patruh eik patrun kan kathaot, patagok KT.

4/ Dom harei ini, dom pabah lamnge ikan di tỉnh Khánh Hòa hu ralo kapal gaiy gilai meng Trường Sa mai. Ini lac dom kapal nao tasik meng kreih bilam mat saong mbang tết angaok tasik. Labaih 20 harei nao tasik, yaok kapal taong cap hu meng 20 tal 70 drei ikan ngừ, sản lượng meng 1tân meteh tal 4 tấn. Ikan ngừ đại dương hu pablei chip di pabah lamnge hu yaom meng 90.000 tal 100.000 đồng sa kg. Hadei di kaoh bloh phun jien, dom kapal jeng hu laba meng 150 tal 400 triệu đồng.

5/ Tui kuhria mboh dahlau di Pasak Khí tượng Thủy văn tỉnh Hậu Giang, langik tasik pandiak thu, ia mbak njom tame mblang hamu thu lagu thun ni ngak kan kandah ka labaih 25.000 ha padai dalam tỉnh. Tui nan, taneh padai khat lihik trak di abih lac bilan padai Đông Xuân 2014- 2015 song taneh padai Xuân Hè, Hè Thu thun 2015. Tuk vak gaok kan kandah nan dui atah meng kreik bilan 3 tal kreik bilan 4/2015. Ni lac tuk vak bo pandiak bhang song njom mbak hu rah tabiak khang di abih dalam thun.

6/ Mban tacei jalan Tây Nam Bộ barau ngak bruk saong dom Viện, sang bac đại học Cần Thơ piah ngak ka nyu siam đề án “Pambuak gauk bhum taneran kraong Cửu Long patagok bruk ngak mbang, pablei padai brah, baoh kayau patau, kaya ikan saong pato bruk ngak urang nông” pok tagok rajaei mbaoh tangin tame. Đề án kayua mban tacei jalan Tây Nam Bộ dang akaok, peih ngak meng thun 2007, hu mbaok di viện padai bhum taneran kraong Cửu Long, viện phun mbang baoh gah meraong, sang bac đại học Cần Thơ saong dom tỉnh bhum taneran kraong Cửu Long. 

Patui di ini dom khau tin dunya:

7/ Di jabat Mintri Công Thương Lào, ala bruk tacei ba di Phó Thủ tướng Chính phủ Lào Xổm-xà-vạt Lềnh-xa-vát, Akaok mintri Công Thương Việt Nam Vũ Huy Hoàng song akaok mintri Công Thương Lào Khem-ma-ni Phôn-xê-na hu mbaoh tangin tame harak Hiệp định pablei salih di rajaei 2 negar. Hiệp định mbang ni hu pabak quy định dalam panuac sinya pablei salih di Lào song VN song bhap bini dunya tapa bruk kinh tế thương mại, abih di nyu nan lac dalam Hiệp định di WTO song nyaom ASEAN, 2 negar hu sarak jhul pakhang bruk KT pablei salih di 2 gah.

8/ Di jabat ngak bruk di Liên hợp quốc daok di Giơ-ne-vơ, Thụy Sỹ, mbang nyaom pakat glaong mbang 28 hội đồng Nhân quyền LHQ hu peih tabiak, hu mbaok di dom kapul lambaok pakat glaong mai meng labaih 90 taneh ia saong tổ chức dunya. Kapul VN kayua thứ trưởng ngoại giao Nguyễn Quốc Cường ba akaok hu mbaok tame nyaom meyai. VN lac thành viên di hội đồng nhân quyền tukvak 2014 – 2016 saong barau hu dom taneh ia ASEAN tín nhiệm tái cử ngak đồng điều phối viên di ASEAN di jabat ini.

9/ Di ban ine Brúc-xen, Bỉ bahrau rah tabiak nyaom biai pakat dunya ka Ê-bô-la kayua Liên minh châu Âu (EU) song dom negar karei pambuak bruk peih ngak. Nyaom biai piah pataom iek veik bruk pacang caga jit ruak dalam tuk vak anak tal song tui iek bruk pasiam veik di dom negar hu jit Ê-bô-la rah tabiak abih di nyu nan lac dom negar Tây Phi./.