1/ Di HN, Viện Huyết học-Truyền máu Trung ương hu panuac khan lac mbang pagam tế bào gốc meng darah dây rốn cộng đồng akaok meti di Viện hu jak jeng. Urang ruak lac Hoàng Thị Thùy Linh, umo 28 thun, daok di Quảng Bình, njauk ruak ung thư darah, mboh lac kan siam hu nan ye jalan iek ruak siam di abih lac pagam tế bào gốc min  mẫu tế bào gốc di urang adei likei oh lagaih. Dom bác sỹ Viện Huyết học Truyền máu Trung ương salih tapa duah dalam gilang Tế bào gốc cộng đồng di Viện. Dalam 450 mẫu dok hu khik piah, duah hu 3 mẫu lagaih song adei Linh. Harei 30/12/2014, bruk  ghép pagam hu peih ngak. Urak ni, hadei di 3 bilan, urang ruak nan meda nao mai hu.   

2/ Di ban sit Tuy Hòa, mban khik iek dự án 600 Phó akaok UB bhap bini pakat xã di mintri nội vụ pambuak bruk saong UB bhap bini tỉnh Phú yên peih tal pasram paglaong ilamu khik iek karja ka trí thức ranaih umo halan hatian mai dom xã hu pambaok tame patagok palei pala, bhum ceik tukvak 2013-2020. Hu 111 trí thức ranaih umo mai meng dom tỉnhPhú Yên, Quảng Nam, Quảng Ngãi, Bình Định, Ninh Thuận, Kon Tum, Đắk Nông saong Lâm Đồng hu mbaok tame tal bac.

3/ Sang iek ruak Đa khoa tỉnh Khánh Hòa bahrau taduan mek dom pandap panda y tế kayua Lãnh sự quán Australia di ban raya Hồ Chí Minh song kadung jien VinaCapital alin brei. Dom pandap y tế nan yaom labaih 980 triệu đồng, dalam nan hu sa jamriak suak yava song 17 jamriak bơm tiêm điện hu pabak brei ka khoa Hồi sức uranaih, anek kamar di sang iek ruak Đa khoa tỉnh Khánh Hòa. 

4/ Mban bangsa tỉnh Trà Vinh barau peih bruk padang ngak 27 sang am cuh urang metai ka 27 baha Khmer Nam Tông daok di 8 huyện, ban dalam tỉnh, saong yaom jien buh tame ngak abih labaih 22 tỉ meteh. Bruk padang ngak sang am cuh urang metai tui công nghệ barau di dom baha Khmer piah rik daong langyah bruk ô nhiễm môi trường, khik caga siam mekre pren yava ka bhap bini.

          5/ Mban tacei jalan liên ngành ka bruk hacih saat pandap mbang tỉnh Long An bahrau peih “Bilan ngak kayau hacih saat pandap mbang thun 2015”. Tui nan, dom đơn vị hu caik hatai tal bruk pasang iek, duah thau asal di nyu, pandap ngak tabiak, abih di nyu nan lac njam, rilaow song dom pandap meng njam rilaow, samar mboh, samar thau saong langyah catang urang ngak suan, patrun bruk ô nhiễm, njom jru mek pandap mbang

6/ Di tỉnh Đồng Nai hu tamuh tabiak sruh jit cúm A/H1N1 di huyện Long Thành, ngak ka 6 anek saih sang bac THPT Long Thành, huyện Long Thành njom ruak. Taong abih dom adei jeng mboh pandiak, patuk, sổ mũi, pandik tarakaong hanjul. Dom adei hu iek ruak chip, pren yava tani tanat.

          7./ Tui jalan daok patagok siam mekre, tui kuhira, KT Lào thun ni hu bui sambai tuk yaom jien mek tame yaok tui akaok menuac hu tagok jang biak rilo, lac jiak 1 ribau 900 đôla Mỹ

Patui di ini dom khau tin dunya:

8/ Báo chí TL hu rilo kadha vak brei thau, nền kinh tế di taneh ia ini daok dang anak ralo kan kandah ka kinh tế, dom chỉ số kinh tế praong daok patrun. Dom chuyên gia TL ndom lac, kinh tế TL daok patrun ralo meng lac kayua kinh tế dunya suai pasiam veik, abih di nyu nan lac di dom darak pasar praong meng kan  di TL yau Mỹ, Trung Quốc, Nhật Bản saong châu Âu. Taphia di nan bruk chính trị đặc biệt dalam taneh ia jeng lac sa kadha praong tác động oh sit tal bruk pablei salih, đầu tư saong du lịch di TL.

          9/ Ấn Độ hu paduan ba yaok rituh urang di negar ni tabiak truh Yê-men meng di tuk negar ni dok njauk dom mbang không kích kayua Ảrập Xê-út dang akaok mesruh haong kol phiến quân Hu-thi. Brei panuac anak báo giới, ong  Xô-mai-a sa urang pang akaok di Ấn Độ brei thau, Sa boh kapan haoh di không quân Ấn Độ par meng Đi-bu-ti pajeng tui 190 urang Ấn Độ, dom urang ni dahlau nan dok gar veik di A-đen hu mai tal mblang kapan haoh Mumbai. Karja Liên bang song karja puk palei hu brei sa pok jien dong ka bruk nao mai song pandap mbang ka dom urang nan./.