1/ Di jabat rajaei, Thủ tướng Nguyễn Tấn Dũng pan akaok nyaom biai song dom  Phó Thủ tướng: Vũ Văn Ninh , Vũ Đức Đam, dom urang pan akaok dom mintri, dom gah, kapul nyaom hu pagam tal, pang mintri Y tế song Bảo hiểm xã hội Việt Nam pathau khan tal bruk peih ngak hukum Bảo hiểm y tế song đề án peih ngak bruk Bảo hiểm y tế  tong abih bhpa bini tuk vak 2012-2015, pamong tal thun 2020. Pok panuac di nyaom biai,  Thủ tướng Nguyễn Tấn Dũng ndom lac bảo hiểm y tế tong abih bhap bini nan lac sarak prong di Đảng song karja, hu makna  nhân văn prong dalam, abih di nyu nan lac urang kan kathaot, urang hu buh pren yava ka taneh ia, mik va bangsa takik di bhum atah bayah, bhum dok kan kandah.  

2/ Piah caga pacang pandiak bhang, UB bhap bini tỉnh Phú Yên pandar dom cty thủy điện ramik veik lưu lượng, tukvak vận hành dom danao thủy điện brei ka bruk ngak nông. Tui nan, dua sang mac thủy điện Sông Hinh, Sông Ba Hạ brei khik kajap lưu lượng ia ba pataom tame đập Đồng Cam saong ba ia ka dom blai njuk pacang cakak bhang di gah la đập Đồng Cam. UB bhap bini tỉnh jeng jao ka cty Thủy nông Đồng Cam samar pasiam veik dom kraong ribaong, hu jalan ngak ba ia lagaih.

3/ Yaom lac dang di anak bruk thu lagu kayua langik pandiak di bhum Nam Trung Bộ,  Min kayua hu bruk khik ramik song peih ngak siam dom jalan krong ribong, tỉnh Bình Thuận dok khik hu ginup jalan ia pruh ka bilan Đông Xuân, tani tanat bruk ngak mbang pala drak.

4/ Bhian di nyu, hadei di tuk tết nguyên đán, urang nông pala cà phê di tỉnh Gia Lai pablei abih cà phê piah mek jien kuhria ka vụ hadei, dom thun ini, doanh nghiệp saong urang nông jeng daok khik mepiah, cang yaom tagok. Dom harei ini, yaom cà phê asar di ban sit Pleiku, tỉnh Gia Lai trun tagok 38 ribau đồng sa kg. Thun ini cà phê di Tây Nguyên oh njauk, oh ginup pabak, bhap bini daok caong yaom meda tagok 42 ribau đồng sa kg, nan ye daok mbaoh tangin payua, cang yaom tagok glaong.

          5/ Di ban sit Buôn Ma Thuột tỉnh Đắk Lắk, Thường trực Ban Chỉ đạo Tây Nguyên bahrau hu var ngak bruk song dom jabat báo chí Trung ương dok di Tây Nguyên saong tỉnh Đắk Lắk piah pathau khan ka  dom bruk taom gaok, pok meyaom pachreih ba dom urang hu angan je dalam bhap bini bangsa takik, dom chức sắc, chức việc agama hadah krah di bhum Tây Nguyên. 

6/ Rilo thun tapa, kayua patagok kinh tế glai pambuak saong bruk pandar bờ bao pala dom janih phun takik harei, abih di nyu nan lac phun patei, rai diuk di bhap bini daok di xã Khánh Thuận, huyện U Minh, tỉnh Cà Mau hu ralo salih barau.

          7/ Tỉnh đoàn Sóc Trăng pamubak bruk song dom sở ban ngành dalam tỉnh bahrau peih tabiak bilan dam dara 2015 ngan song kadha “Dam daar Sóc Trăng uan tabuan yam ala hala dok Đảng”. Bilan dam dara thun ni, dam dara Sóc Trăng hu pataom tame dom bruk patagok KTXH, padang ngak palei pala bahrau, văn minh đô thị, peih ngak sarak an sinh XH song khik kajap  an ninh chính trị, trật tự an toàn xã hội di puk palei.

Patui di ini dom khau tin dunya:

8/ Bhap bini urang Việt palei Xiêng Vang daok diuk rai di ban ine Viêng Chăn – Lào barau peih bruk pataom mbaok akaok thun barau. Brei panuac tadhau yuh thun barau ka mikva, Phó Thủ tướng Lào Sổm xạ vạt Leng sạ vắt caong mikva patagok bruk jum pataom, gam saong bhap bini puk palei padang taneh ia Lào patagok, rik daong khang kajap talei pambuak bruk meng kan, jum pataom saong pambuak taong abih bruk Lào – Việt Nam dak harei dak khang kajap.

            9/ Di nyaom biai dunya ka Êbôla kayua Liên minh châu Âu saong dom gah pambuak bruk peih ngak di Bruc-xen (Bỉ), 3 negar Tây Phi njauk kan kandah trak di abih hu panuac ieu dong jien ndua, piah pasiam khat lihik meng jit Êbôla dok ngak kan kandah khang gah KT. Panuac ieu ni taduan hu bruk dong ba song panuac sinya meng bhap bini dunya

10/ Dalam sa bruk ngak piah pacang cakak bruk man pateok saong pablei salih sung hukum bala limen, Tổng thống Kê-ni-a U-hu-ru Kê-ni-át-ta barau am cuh klak 15 tấn bala limen  piah pachreih tui harei athur glai dunya. Brei panuac di mbang am cuh klak bala limen nan, Tổng thống Kê-ni-a U-hu-ru Kê-ni-át-ta ndom lac, bruk caong pandar dak harei dak ralo meng dom darak barau brok tagok daok mbuan ba tal lahik abih dom janih limen saong tê giác di châu Phi./.