1/ Di Phủ Chủ tịch, akaok negar Trương Tấn Sang bahrau hu var taom gaok 150 urang lambaok ka dom nhà văn, nhà thơ dunya mai hu mbaok di nyaom biai dunya yaih khan văn học Việt Nam song harei pataom ariya Châu Á-Thái Bình Dương mbang ka 2 hu peih tabiak di HN, tỉnh Quảng Ninh song Bắc Ninh meng harei 1 tal 7/3. harei pataom ariya mbang ni hu yaih khan dom jak jeng, ilamu hadah krah biak karei di  văn học Việt Nam tal ayhut dunya, dong ka bhap bini dunya thau ka taneh ia, anek menuac, ilamu VN.

2/ Thủ tướng rajaei barau jao ka mintri jien padai buh tabiak (oh mek jien) labaih 6.900 tấn brah meng brah khik mepiah di negar piah daong 9 tỉnh dalam tukvak cang bilan yuak thun 2015. 9 tỉnh hu buh brei nan lac: Quảng Ngãi; Ninh Bình; Hà Nam; Kon Tum; Quảng Trị; Lai Châu; Ninh Thuận; Quảng Bình; Gia Lai. Thủ tướng rajaei pandar UB bhap bini dom tỉnh taduan mek saong pandar brah hu brei nan daong chip, njauk menuac, njauk urang. 

3/ Di ban sit Sơn La, tỉnh Sơn La bahrua peih Lễ hội bingu Ban thun 2015. Ni lac thun ka 2 ban sit Sơn La peih ngak Lễ hội bingu Ban, lac tuk piah yaih khan ka pren khang, lingik tasik,anek menuac song ilamu di dom bangsa daok dalam ban sit Sơn La tal ayhut sahabah dok dalam song langiu negar.

4/ Urak ini, mikva urang nông daok di huyện bhum ceik Bác Ái, tỉnh Ninh Thuận daok mbuan kurang ia pruh ka bilan Đông – Xuân. Dom danao caik ia di huyện ini jeng daok ala tanut yau Yuan lac mực nước chết. Bilan Đông xuân lac bilan ngak praong di huyện Bác Ái jeng yau di tỉnh NT. Piah gah ngak nông patagok siam dalam tuk pandiak bhang, tỉnh NT njauk padang ngak gilac công trình thủy lợi, ba dom ilamu kỹ thuật bahrau tame bruk pala drak.  

 5/ Tỉnh Đắc Lắc bahrau peih nyom biai brei thau cambaih saong mek panuac góp ý ka dự thảo Hukum dân sự (pasiam veik). Di nyaom biai, dom jabat, mban, ngành, DN, urang dang akoak dom puk palei dalam tỉnh Đắc Lắc hu rik tame yaok rituh ý kiến, pataom tame dom bruk bruk di jabat hu thẩm quyền dalam bruk khik caga quyền dân sự; quyền di bhap bini….

6/ Kapul Liên hiệp urang kamei tỉnh Đồng Tháp barau peih nyaom meyai piah pok meyaom 70 kapul nyaom,  urang kamei hadah krah tukvak 2010-2015. Rilo bruk “joi bruk taneh ia, gheih bruk sang danaok”, “pakacah dua siam”, “bac megru saong ngak tui jalan hadah krah siam mekre di HCM”… hu ralo urang jakar, viên chức, lao động, công an, bol bala urang kamei hu mbaok tame. Tapa nan mboh hu ralo bruk ngak hu kein lagaih yau: raong pabui luk patak pataom, jeik brah patak pataom, patak pataom pandar cai yaok harei. 

Patui di ni dom khau tin dunya:

7/ Sa sruh kapal haoh mesruh di Thổ Nhĩ Kỳ harei 5/3 laik trun ban Cô-ni-a (Konya) ngak ka 2 phi công metai. Ni lac mbang njauk bala khang ka 2 di không quân Thổ Nhĩ Kỳ dalam 2 adit tapa.

8/ Ngoại trưởng Đức Oan-tơ Stên-mai-ơ brei thau, dom urang ngak praong pakat glaong di Nga, Đức, Prang saong Ucraina hu mbang nyaom di ban ine Baclin piah ginum meyai jhul patagok thỏa thuận padeih cuh hu mbaoh tangin tame meng bilan dahlau. Tui ong Stên-mai-ơ, dom urang ngak praong gah ngoại giao 4 taneh ia saong lambaok di tổ chức an ninh saong pambuak bruk châu Âu daok pasang iek lệnh padeih cuh di Ucraina hu daa mai Beclin piah taong yaom bruk chiến sự, meng tuk thỏa thuận padeih cuh hu mbaoh tangin saong dom bruk njauk ngak patui di nan./.   

 9/Gah Y tế dunya (WHO) brei thau, meda peih bruk klauk vắc xin Ebola praong mbang akaok meti di Ghi-nê piah tong yaom ka bruk pacang caga jit ruak metai menuac ini tamuh tabiak di anak tal. Mbang klauk ni piah daong pacang jit ruak pambak prong./.