1 # Harei ini (18/11), Quốc hội caik sa van page piah patui veik bruk sua tangi saong javap jaleiy. Biar harei, Quốc hội ginum biai pak hội trường ka dom asal kadha daok hu panuac karei di gauk di dự thảo Hukum tổ chức cơ quan điều tra hình sự. Dahlau di nan, dalam mbang sua tangi harei kabroi, hu tal 31 mbang urang QH brei panuac sua tangi dom Phaok Thủ tướng Raja-ei Nguyễn Xuân Phúc, Hoàng Trung Hải saong Vũ Đức Đam, gam haong 13 Akaok Mentri, Akaok ngành. Dalam mbang sua tangi page ini, hadei di mbang javap jaleiy panuac sua tangi di dom Akaok Mentri, Thủ tướng Nguyễn Tấn Dũng brei javap jaleiy tapak dom kadha sua tangi di dom urang QH. Tamat mbang sua tangi, Quốc hội meda tabiak Nghị quyết ka bruk sua tangi piah ka Quốc hội mbang ka 14 patui veik nan mong iek .

2/ Pahadar 85 thun harei padang Mặt trận bangsa ya sa VN (18/11/1930-18/11/2015), melam kabroi 17/11, akaok QH Nguyễn Sinh Hùng hu mai pataom mbaok, bui sambai song bhap bini 3 labik dân cư 10, 11, 12 phường Trần Hưng Đạo, quận Hoàn Kiếm, Hà Nội. Klah rabha bui sambai song dom mikva dalam 3 labik dân cư jeng yau bhap bini dalam negar dalam harei roya prong di talei jum patom tong abih bhap bini. Akaok QH Nguyễn Sinh Hùng ndom lac, dalam luac tuk vak sajarah dak rai yaok ribau thun padang ngak, khik ramik song patagok taneh ia, prong jum pataom tong abih bhap bini lac jalan ngak piah patom pren khang, hu jeng pren khang tong abih bangsa, lac jalan ngak piah ba bangsa mek hu meng ja yah ni tal ja yah deih. Jeng dalam mbang ni Akaok QH hu payua bhap bini dalam labik dân cư panuac siam di abih, tadhau yhut nyaom jum pataom tong abih bhap bini dak harei dak khang kajap.

3 # Jeng dalam tuk pahadar ini, Ủy viên Bộ Chính trị, Phó Thủ tướng Nguyễn Xuân Phúc saong  Phaok Akaok Quốc hội Uông Chu Lưu  hu mai pataom mbaok saong chreih bui Harei nyaom gul pataom taong abih bangsa haong bhap bani phường Điện Biên, quận Ba Đình, Hà Nội. Tadhau ayuh saong taong yaom glaong dom kham merat gul pataom di bhap bani dalam phường, Phaok Thủ tướng Nguyễn Xuân Phúc lac:

 “Kadha njauk caik hatai di phường khaol drei nan lac hu ralo thành phần karei di gauk ye bruk pambak gauk, daong ba gauk nan lac bruk prong. Bản chất giai cấp, bản chất Xã hội Chủ nghĩa di khaol drei nan lac njauk sangka tal dom bruk ngak ini. Langiu di nan khaol drei njauk jak ba bhap bani diuk rai siam gheih hadah krah nan lac bruk njauk ngak.”

4/ Mintri Lao động, Thương binh song Xã hội bahrau brei thau bruk padeih lễ, tết thun 2016 ka urang jakar, ,công chức, viên chức song urang ngak di dom jabat hành chính, sự nghiệp, tổ chức chính trị, tổ chức chính trị - xã hội. Tui nan, padeih di Tết tui saka ia bulan thun thak tra Bính Thân 2016 meng harei  6.2.2016 tal abih harei 14.2.2016, dalam nan meng harei 7 – 11/2/2016 lac dom harei padeih lễ, dom harei dok veik lac harei padeih yaok adit song harei padeih bù di harei padeih yaok adit. Dom mbang padeih lễ karei patui njauk quy định di mintri hukum Lao động

5 # Tỉnh Thừa Thiên Huế bahrau taduan dự án "Daong ba urang jaoh jo vaktu 2015 - 2018, pak tỉnh Thừa Thiên Huế". Ini lac dự án daong ba oh bayar veik, kayua Kapul nyaom Patagok Hoa Kỳ (USAID) daong ba tapa Pasak peih ngak brei ka bruk cakrok patagok di bhap bani (ACDC) ngan haong phun jien 249.683,77 USD, samu labaih 5,2 tỷ đồng. Dự án peih ngak piah patagok pren khang ka bruk daong ba sarak brei ka urang jaoh jo di puk palei; patagok pren khang daong gah hukum karja ka urang jaoh jo di dom huyện, bal sit, bal prong Huế; ba tabiak dom jalan ngak bruk piah taduan hu danak dak saong jalan mbak nao mai brei ka urang jaoh jo tui dom jalan peih ngak njauk lagaih. 

6/ UB bhap bini ban sit Đà Nẵng bahrau brei buh tabiak 6 tỷ 500 triệu đồng piah trang trí bingu song điện truac hadah dut ka tết 2016. Dalam nan, trang trí bingu nan lac 4 tỷ đồng song điện truac hadah lac 2 tỷ 500 triệu đồng, jang yau jao ka Sở padang ngak peih ngak, pambuak song dom đơn vị karei karei samar hu panuac ieu meng dom kadung jien xã hội hóa.

7 # Patui veik dom bruk ngak di danak dak Gilai Dam dara Đông Nam Á – Nhật Bản thun 2015, melam kabroi (17/11), pak Bal raya Hồ Chí Minh hu peih tabiak danak dak giao lưu ilamo. Ini lac sa dalam dom bruk ngak prong di danak dak Dam dara ASEAN – Nhật Bản 2015, rah tabiak meng harei 17/11 tal harei 21/11/2015 pak Bal raya Hồ Chí Minh. Sa-ai Tsu Yaman, lambaok kapul nyaom Myanmar hu mbaok dalam melam giao lưu daoh tamia melam nan brei thau:

Khaol dahlak hu meyaih khan ka ragam chat tamia uan raok thun bahrau di negar Myanmar. Pak ragam tamia ini ye dom urang kumei ndua angaok akaok dom baoh bingu biak gheih sambo màu kanjik katam. Hadei di tuk mong iek dom tiết mục di Việt Nam ye dahlak mboh Việt Nam oh lac tok jioy ka dom tiết mục meng kan bo daok chat tamia hiện đại biak gheih. Ilamo biak phong phú, thau ma-in ralo alat ragam bangsa karei di gauk tame dalam dom tiết mục biểu diễn.

Patui di ni dom khau tin dunya:

8/ # Tổng thống Pháp Phrăngxoa Ôlăngđơ bahrau hu khan lac dom jalan kham merat pacang khủng bố tong tayah tayac kol nyaom Nhà nước Hồi giáo hu ieu lac IS, tổ chức cực đoan bahrau taduan bruk khủng bố tuk haok rilo darah di Pari harei 13/11 nan di nyu. Dom jalan ba tabiak di Tổng thống Pháp hu dom urang chính trị song urang negar Pháp njauk hatai brei jum pataom gauk pacang cakak IS hadei di tuk metai lihik prong di abih hu mboh meng bruk mesruh metak dunya mbang ka 2.

9 # Thủ tướng Trung Quốc Lý Khắc Cường bahrau brei thau, Bắc Kinh meda patui veik sarak daong ba ngan haong bruk ngak mbang kinh tế negar ini, dalam tukvak Trung Quốc daok gaok ralo kan kandah kayua kinh tế dunya trì trệ saong dom kadha ramik pasiam veik cơ cấu dalam taneh aia. Dahlau di nan, Akaok negar Trung Quốc Tập Cận Bình brei thau, Trung Quốc njauk patui khik tanut patagok trung bình yaok thun oh brei biar jang 6,5% dalam 5 thun tal, piah mek hu mục tiêu patagok dua mbang GDP saong jien mek tame kuhria tui akaok manuac dalam thun 2020 (meng tanut samu haong thun 2010). Urak ini, Bắc Kinh daok pamaong tal bruk caik pandar rilo kadung jien karja samu 2,3% GDP thun 2015, dut haong tanut 2,1% GDP thun 2014.

10/ Mintri Quốc phòng Mỹ bahrau hu panuac khan meda patagok klah rabha khau tin tình báo song bol lin Prang hadei di mbang khủng bố rah tabiak di Pari Pháp harei 13/11 meng bloh. Urang pok panuac di Mintri Quốc phòng Mỹ Pi-tơ Cúc (Peter Cook) brei thau Mỹ meda jum pataom song Pháp ayut sahabat lavik rai abih di Mỹ. Ni lac makna ka 2 gah patagok bruk klah rabha khau tin tình báo. Tui ong, bruk patagok klah rabha khau tin hu peih prong tal tanut khang tui adat hukum  song chính sách hiện hành di 2 negar./.