1 # Patui veik danak dak taok gaok cử tri dahlau di mbang nyaom ka 9, Quốc hội mbang XIII, harei 17/5, Akaok negar Trương Tấn Sang saong kapul ka 1, urang Quốc hội Bal raya Hồ Chí Minh hu van taom gaok, pang panuac caong khin di cử tri quận 4, Bal raya Hồ Chí Minh. Pak van taom gaok, cử tri quận 4 hu ndom ralo tal dom văn bản dự thảo Hukum hu ba tabiak Quốc hội mbang ini yau Hukum Nghĩa vụ quân sự (pasiam veik), Hukum Dân sự (pasiam veik), Hukum Tổ chức chính quyền puk palei, Hukum patabiak văn bản adat hukum...

2/ Di ban raya HCM bahrau peih mbaok harei patom gru jru ranaih umo ngak tui panuac di Wa, halan hatain kayua pren yava di bhap bini thun 2015. Ni lac bruk ngak bhian randap kayua Hội Liên hiệp dam dara Việt Nam ban raya Hồ Chí Minh  pambuak bruk song kapul gru jru ranaih umo peih tabiak pachreih ba jalan diuk rai siam mekre kayua bhap bini di kapul gru jru jang yau dom ayhut đoàn viên, dam dara.

3 # Pahadar 125 thun harei menek Chủ tịch Hồ Chí Minh (19/5/1890 – 19/5/2015), ralo kapul urang lambaok hu mai cuh gilau, caik bingu pak Muyim Hồ Chí Minh – Dhal Bal raya Hồ Chí Minh.  Ayut Nguyễn Thị Kiều Duyên, sinh viên Khoa Dược, Sang bac Đại học Nguyễn Tất Thành lac:

Băng: lac sinh viên Sang bac Đại học Nguyễn Tất Thành ye adei biak hadah mbaok ka sang bac di drei, mblang bein sang bac hijao hacih sa-at. Daok dahlak  ye kham merat bac megru piah jeng sa dược sỹ naih jioy harei hadei.  

4/ “Jalan nao tui takai Wa”  lac parang iek praong pamong tal harei pahadar 125 thun harei menek Chủ tịch Hồ Chí Minh kayua Pasak ilamu nghệ thuật Việt Nam pambuak bruk song Miunyim ilamu dom bangsa VN bahrau peih tabiak di Nghệ An. Parang iek  “Jalan nao tui takai Wa” hu 79 thaot binguk song 500 tài liệu, pandap panda yaih khan dom janih siam gheih di dom bangsa daok di yaok bhum palei.

5 # Pak bal Đà Lạt, tỉnh Lâm Đồng, mBan tacei jalan Tây Nguyên hu pambuak bruk haong Gilang pariak Karja Việt Nam saong dom tỉnh labik Tây Nguyên bahrau peih Nyaom biai taom gaok đầu tư saong an sinh xã hội Tây Nguyên mbang ka 3. Labaih 500 urang lambaok dom mentri, ngành Trung ương, dom gilang pariak, đơn vị, doanh nghiệp, dom urang đầu tư dalam saong langiu negar jeng hu mbaok.

6/ # Phòng cảnh sát hình sự, Công an tỉnh Hà Giang bahrau peih pathau khan bruk pacang caga khol pablei salih menuac tapa jalan tapen negar ka dom anek saih sang bac Trung học phổ thông bangsa  gam bac gam dok tỉnh Hà Giang. Var pathau khan rah tabiak chreih chrai dalam rilo tuk meng dom bruk ngak yau Chiếu phim tài liệu, tiểu phẩm, thaot binguk minh họa …

7 # Dalam xã Đắc Ha, huyện Đắc G’long, tỉnh Đắc Nông hu hajan patau gam haong ribuk khang ngak khat lahik trak. Tui kuhria mboh di Ủy ban bhap bani xã Đắc Ha: hu 19 baoh sang tapeih tabung saong khut trak; 1 xưởng ngak cà phê jaleih abih; yaok rituh hecta cà phê, amariak kalu khut khat abih; tui kuhria  khat lahik labaih 2 tỷ đồng.

Patui di ni dom khau tin dunya:

8/ Thủ tướng Trung Quốc Lí Khắc Cường bahrau tagok jalan nao rivang Braxin, Côlômbia, Pêru song Chi lê. Dalam mbang nao rivang ni, Thủ tướng Lí Khắc Cường hu pasang iek bruk peih praong pablei salih song patagok bruk xuất khẩu pandap panda hu yaom glong tame darak pasa dom negar Mỹ Latinh.

9 # Ngoại trưởng Đức Phranh Oat-tơ Stên-mây-ơ (Frank-Walter Steinmeier) bahrau brei thau Liên minh châu Âu (EU) njauk duah jalan klah rabha naong trak taduan raok urang tị nạn chiến tranh meng Xyri. Ngoại trưởng Stên-mây-ơ brei thau, Đức daok taduak raok 130 ribau urang tị nạn Xyri saong lac sa dalam takik negar châu Âu klah rabha naong trak ini. Jaik 4 triệu urang Xyri klak negar nao kuhria meng tuk mesruh metak rah tabiak meng thun 2011.

10/ Kapul Chữ thập đỏ Liên Hợp Quốc ( Red Cross) bahrau hu panuac ieu patagok bruk dong ngak pahla ka urang njauk bala di mbang megei boh taneh di Nê-pan tagok 93 triệu đôla. Tổng thư ký Liên đoàn dunya Chữ thập đỏ song Trăng lưỡi liềm dunya An-ha-gi Át-Sy brei thau, rilo harei tapa, dom kapul dong jeng dok kham merat brei pandap mbang, ia menyum, labik dok ka yaok ribau urang njauk bala kayua megei boh taneh.