1/ Harei kabroi 1/4 , di HN, hadei di 5 harei ngak bruk dalam sami samar, abih hatai jai, Đại hội đồng Liên minh Nghị viện dunya IPU 132 hu tamat bloh dalam siam mekre. Đại hội đồng Liên minh Nghị viện dunya IPU 132 rah tabiak dalam tuk prong prang tuk dunya dok kuhria caga tamat 15 thun peih ngak dom bruk patagok sa ribau thun di Liên hợp quốc piah salih tapa sa tukvak patagok khang kajap bahrau.

2/ Harei kabroi, dom sang bac THPT dalam taneh ia taduan hồ sớ tut angan pakacah THPT pakat negar di anek saih. Tukvak taduan mek hồ sơ dalam sa bilan, hadei di harei 30/4, anek saih oh brei salih cụm pakacah saong dom thông tin ka môn pakacah hu tut angan bloh.

3/ Meng hadei di tết âm lịch mbiah tal ni, rilo taneh rong ngao pablei di bhap bini daok di huyện Quỳnh Lưu, tỉnh Nghệ An metai rilo, ngak khat lihik labaih 24 tỷ đồng. Huyện Quỳnh Lưu urak ni hu 105 ha ngao raong pablei, rilo meng dok di dom xã tapen tasik yau Quỳnh Thọ, Sơn Hải, Quỳnh Thuận. Kuhria tal abih bilan 3, labaih 50-70% taneh rong ngao pablei di bhap bini, song labaih 2 ribau tấn dok kuhria kuac mek di huyện nyu metai. Tui kuhria khat labaih 24 tỷ đồng.

4/ Meng jien daong di gilang pariak karja VN, huyện Lý Sơn, tỉnh Quảng Ngãi peih ngak dự án daong dom baoh sang kan kathaot, baoh sang jiak si kan kathaot, baoh sang sarak karja padang ngak jaman. Tui nan, yaok baoh sang hu daong meng 20 tal 30 triệu đồng padang ngak sa baoh jaman.

5/ Hadei di 10 cang mong, tal urak ni, labaih 200 boh sang dok di angaok mbon Trại Thủy, di pasak ban sit Nha Trang, tỉnh Khánh Hòa hu paduan nao labik dok bahrau piah peih ngak dự án pasiam veik cảnh quan labik ni . mBon Trại Thủy, di phường Phương Sơn, lac tabung ceik gloang di abih di pasak ban sit Nha Trang. Labik ini hu rilo boh baha prong song lac labik daok di yaok rituh boh sang urang hu rai duik kan kandah. Dom boh sang tak tahah, sit sot hu urang padang di tapen ceik, mik va bhian dang anak kan kandah, oh hacih saat, njom nerak tathuak.

6/ Lambaok mblang radaih miền Đông ban raya HCM brei thau: tuk padeih lễ 30/4 thun ini, dom đơn vị pajeng ba njauk gauk brei tagok meng 30 tal 40% yaom harak piah pabak mbang radaih nduac saoh meng dom tỉnh mai ban raya. Tui kuhria hu jaik 44.000 tuai damuai nao dalam dom harei tabung glaong, tagok jaik 16.000 mbang tui damuai duk saong yaok harei. Dalam nan, dom radaih nao dom pasak du lịch lac: Vũng Tàu, Đà Lạt, Phan Thiết, Nha Trang…yaom harak tagok meng 30 tal 40% iek tui dom jalan nao karei di gauk dalam tukvak tabung glaong meng harei 25 tal harei 30/4.

7/ Di muinyim Mỹ thuật VN bahrau peih parang iek Tranh màu nước”, yaih khan 47 blah rup cih di họa sỹ 3 negar Việt Nam, Thái Lan song Malaysia. Hu ngak meng chất liệu sambo ia min tui meta maong, tui ilamu karei di drei, dom họa sỹ VN , Thái Lan, Malaysia hu ba mai ka mbang parang iek rilo blah rup cih biak gheih, mekre. Ngan song dom họa sĩ Malaysia song Thái Lan, hội họa hiện thực hu eik prong song ngak cơ sở ka bruk cih tranh thuốc nước, dok dom họa sỹ VN cih tui hatai sahaneng song sambo ia lac pandap piah brei mboh hatai sahneng di drei.

Patui di ini dom khau tin dunya:

8/ Tổng thống Mỹ Barắc Ôbama brei thau, Mỹ meda daong veik quân sự ka Ai Cập hadei di sa tukvak padeih nao piah paglaong ilamu ka Ai Cập pacang cakak dom bruk đe dọa di khu vực. Nhà trắng brei thau, dalam mbang điện đàm barau ini, Tổng thống Mỹ Ba-rắc Ôbama  hu khan brei Tổng thống Ai Cập Ap-đen Pha-ta En Si-si thau lac, Mỹ brei 12 sruh kapal haok mesruh F-16 saong dom thiết bị quận sự ka Ai Cập, taphia di nan caong khin QH njauk hatai brei buh tabiak 1,3 tỷ đô la daong quân sự yaok thun ka Ai Cập. 

9/ Bhap bini dunya bahrau hu panuac sinya dong 3,8 tỷ đôla Mỹ piah dong ka urang tỵ nạn Xyri gaok kan kandah kayua bruk mesruh metak dui atah di negar ni. Dom urang lambaok meng 78 negar song 40 kapul dunya hu mbaok dalam mbang nyaom dom urang dong di dunya kayua Liên hợp quốc peih tabiak di Cô-oét. Brei panuac di nyaom biai, Tổng thư ký Liên hợp quốc Ban Ki Mun ndom lac labaih 10 triệu urang bahrau nduac klak sang danaok kayua bruk mesruh metak ni.

10/ Pasang iek barau abih di gilang pariak TƯ NB brei thau, pandar cai takik jang dalam saong langiu taneh ia ngak kan kandah tal hatai jia di gah doanh nghiệp, gah sản xuất NB dalam quý 1 thun ini. Dom công ty praong daok kuhria patrun bruk đầu tư, ngak jhak tal bruk pasiam nền kinh tế di thủ tướng Sin-dô Abê. Ini lac dom kadha njauk duh hatai ngan saong Gilang pariak Karja NB dalam tuk NB khik ramik sarak pacadu định lượng saong caong khin pachreih dom cty, baoh sang patagok pandra cai./.