1/ Harei kabroi, 29/10 di jabat rajaei, Thủ tướng Nguyễn Tấn Dũng pan akaok mbang ginum rajaei bilan 10. Tui tong yaom dalam 10 bilan tapa, KT dok pasiam veik dalam tong abih dom gah, song yaom patagok GDP glong jang dut song 2 thun dahlau deih, Min bruk sx, pablei salih di dom DN gaok rilo kan kandah, dom DN giải thể, padeih ngak dok glong, bruk brei mesraiy hu dom salih bahrau min dok di tanut beir, bruk pablei rai pandap panda song dịch vụ hu salih bahrau min dok suai di dom puk palei, bruk khuak glai dok rah tabiak kan kandah. Jeng dalam nyaom biai ni, rajaei hu pang song brei panuac ka dự thảo nghị định di rajaei ka dom sarak dong ka urang bangsa takik gam song bruk khik caga glai.

2/ Patui mbang nyaom 8, QH mbang 13, mesup harei ini 30/10, QH họp di hội trường, ginum meyai ka bruk kinh tế - xã hội thun 2014 saong bruk ngak thun 2015. Dahalu di nan, QH pang harak pathau khan ka dự án padang ngak mblang kapal haok Long Thành saong harak pathau khan thẩm tra dự án ini. Dalam harak pathau khan, UB kinh tế di QH taong yaom dự án mblang kapal haok Long Thành pabak hu bruk lac dự án praong dalam taneh ia, njauk hatai saong bruk brei hu sa mblang kapal haok pakat dunya barau pabak bruk mpajeng ba jalan kapal haok, rik daong patagok kinh tế - xã hội gam pambuak saong bruk QP an ninh. Taphia di nan, caong khin taong yaom ka nyu ginup abih gah dom tác động di dự án ngan saong bruk nợ công; tác động di mblang kapal haok Long Thành ngan saong bruk patagok kinh tế - xã hội jeng yau patagok di gah hàng không VN.

3/ Pahadar 65 thun harei bol bala halan hatain song chuyên gia quân sự Việt Nam dong ka Cách mạng Lào (30/10/1949 - 30/10/2014), Ban Chấp hành Trung ương Đảng bhap bini Cách mạng Lào hu payua harak tadhau yhut Ban Liên lạc song tong abih dom urang dahlau deih ngak bol lin halan hatain song gia quân sự Việt Nam dong ka Cách mạng Lào. Asar kadha di harak nan hu labik vak lac “65 thun tapa, dom thaot binguk ka talei pambuak bruk, daong ba gauk di bol lin 2 negar dalam bruk mesruh metak meblah mek độc lập bangsa di yaok taneh ia jeng dok sarak dalam hatai di bhap bini 2 negar Lào VN.

4/ Harei kabroi, di ban sit Tam Kỳ, 250 urang lambaok ka labaih 130 ribau bhap bini dom bangsa takik dalam tỉnh mai hu mbaok dalam nyom roya dom bangsa takik tỉnh Quảng Nam mbang ka 2. Tukvak tapa, bhap bini dom bangsa takik tỉnh Quảng Nam kham merat hu mbaok tame bruk patagok kinh tế, patruh eik patrun kathaot ngak brei mbaok meta bhum ceik di tỉnh hu ralo salih barau.

5/ Sở Nội Vụ ban sit Đà Nẵng pambuak bruk song Thành Đoàn bahrau peih mbang nyaom peih ngak “Đề án dam dara padang ngak ban sit alam môi trường”. Hadei di 5 thun peih ngak Đề án ini, môi trường di ban sit hu salih bahrau. Bruk hu mbaok di dama dara hu dong pasalih akaok sahaneng khik caga môi trường ka urang ban sit ĐN.

6/ Mintri ngak nông saong patagok palei pala hu harak caong khin UB bhap bini dom tỉnh, ban di TƯ; dom mintri: công an, công thương, thông tin saong truyền thông patagok bruk pasang iek, langyah bruk njuk ia tame athur raong, ralo athur raong. Piah pacang cakak bruk ini, khik siam vệ sinh an toàn pandap mbang saong quyền lợi chính đáng ka urang blei pandar, mintri ngak nông saong patagok palei pala caong khin urang dang akaok UB bhap bini dom huyện, xã peih bruk pathau khan dalam tal dom kapul nyaom, menuac urang pablei salih, sik ngak athur raong oh njuk ia tame ralo athur, atau pambuak saong urang pablei salih athur raong piah bleik saleik dalam pablei salih. 

7/ Ủy ban MT negar VN song mintri y tế pambuak bruk song tỉnh Sóc Trăng bahrau peih nyaom pasram megru ka bruk pathau khan pacang caga jit ruak Ebola. Bruk ni piah dong ka bruk pathau khan jak ba tong abih XH jum pataom gauk pacang caga ruak song eik glang pren yava ka bhap bini. Di mbang pasram megru, dom urang hu mbaok hu dom chuyên gia pathau khan tacei pato ka bruk duah thau ruak kayua virút Ebola di tapen negar, bhap bini, khan brei thau dom triệu chứng di ruak Ebola, chuẩn đoán ruak Ebola, dom jalan iek ruak ka urang ruak.

Patui di ini dom khau tin dunya:

8/ harei ini 30/10, Thủ tướng Thái Lan Pra-dút tagok jalan nao rivang KPC dalam dua harei piah jhul pakhang talei pambuak bruk di dua taneh ia. Dalam mbang nao rivang ini, Thủ tướng Thái Lan saong Thủ tướng Campuchia Hunsen tui kuhria hu mbang ginum meyai dua gah, hu mbaok maong iek bruk mbaoh tangin tame 3 biên bản kanal pambuak bruk gah pacang cakak pablei salih uranaih saong urang kamei, daong ka urang njauk kol kanjah jhak ba nao pablei; biên bản kanal ka bruk padang ngak saong peih jalan radaih pui di dua taneh ia saong biên bản kanal gah pambuak bruk du lịch di dua taneh ia. 

9/ Di ban ine Viêng-chăn (Lào), rajaei Lào bahrua peih nyaom biai rajaei bilan 10, ala tacei ba di Thủ tướng Lào Thoong-sỉng Thăm-mạ-vông. Di nyaom biai, dom urang hu ginum biai, pabak ý kiến song brtei tapa dom kadha prong di taneh ia. Dalam nan njauk sangka nan lac bruk rajaei lào brei tapa dự thảo Jalan patagok darak pasa phun jien, piah patagok hệ thống darak pasa phun jien, padang ngak gah jien padai patagok khang kajap,ngak ka dom DN meda ba drei tame song meriak gauk song dunya.

10/ Lambaok di pasak pasang iek saong pacang cakak jit ruak Mỹ (CDC) gam saong dom urang jakar ngak praong gah y tế di 31 taneh ia di Châu Mỹ hu mbaok tame sa nyaom meyai ka Ebola hu peih tabiak di La Habana, Cuba tui apnuac ieu di Liên minh Bô-li-va ka châu Mỹ. Mbang nyaom ini piah peih jalan pambuak bruk dalam khu vực gah pacang cakak saong pasang iek jit ruak metai menuac Ebola, barau ngak metai jaik 5 ribau urang di Tây Phi, min mbiak tal urak ini di bhum châu Mỹ bahrau pambak tapa Mỹ./.