1/ Mintri ilamu Thể thao song Du lịch, Hiệp hội Du lịch Việt Nam pambuak bruk song UB bhap bini ban HN peih “Nyaom darak pasa du lịch dunya VN 2015” hu angan “VN taneh ia di dom inem krung” Pok panuac di mbang nyaom Thứ trưởng mintri ilamu, Thể thao song Du lịch Hồ Anh Tuấn lac:

Băng:“Ngan song kadha VN , taneh ia di dom inem krung, nyaom darak pasa du lịch dunya rik dong ka môi trường siam lagaih piah ka dom palei pala, DN song urang takre du lịch hu taom gaok, pablei salih. Mintri ilamu Thể thao song  Du lịch cong khin nyaom darak pasa du lịch dunya patagok jang jalan peih ngak chuyên nghiệp, yaih khan, pambuak pagam song pandap panda, pataom tame iek prong chất lượng di urang blei, urang pablei song dom bruk karei karei.

2/ Sở ilamu, TT saong DL tỉnh Thanh Hóa barau peih parang iek “50 thun Hàm Rồng jayah”. Parang tabiak jaik 500 tư liệu rup thoát, pandap panda sajarah dak rai, tapuk báo… parang iek hu yaih khan tal bhap bini ka sa bhum taneh địa linh nhân kiệt, ka sa Hàm Rồng hu tame dalam sajarah dak rai di taneh ia yau sa huyền thoại ngan saong dom jayah praong, dane angan.

3/ Ub Bhap bini tỉnh Kon Tum bahrau peih nyaom biai pambuak bruk patagok dom palei pala VN Lào song Thái Lan. Di nyaom biai, urang lambaok di 3 taneh ia hu panuac sinya brei tagok khang kajap song dalam jang talei pambuak bruk, palagaih ka dom DN pambuak bruk patagok du lịch, pambuak bruk pablei salih, đầu tư.

4/ Danak dak klauk jru pacang caga ruak peih praong pakat negar (mintri y tế) barau hu kế hoạch brei saoh ka yaok xã, phường, ban sit dalam taneh ia sa bảng kakei bruk ngak tui dom quy định ka an toàn klauk jru pacang caga ruak di dom labik klauk jru peih praong định kỳ yaok bilan. Bruk ini piah rik daong ka bruk kakei dom urang jakar klauk jru saong bhap bini khik kajap quy trình an toàn klauk vacxin pacang cakak ruak ka uranaih.

5/ Huyện Lý Sơn tỉnh Quảng Ngãi urak ni hu 24 boh sang klak meng 150 tal 200 thun. Tong abih dom boh sang ni jeng hu khik tamo kiểu dáng, kiến trúc song đặc trưng di palei ngak ikan tapen tasik Trung bộ Việt Nam.  Rilo boh sang dok dom pandap panda harak gar ka Đội hùng binh Hoàng Sa  saman dahlau. Huyện Lý Sơn dok pasang iek, tong yaom ka dom boh sang klak ni piah ba tame duh ka tuai damuai . 

 6/ Tui ruah duah di pasak Quan trắc môi trường tỉnh Bến Tre, chất lượng ia mek hu di 54 labik dalam tỉnh urak ini biak jhak. Tok di hu 16% mẫu pandar hu, daok veik labaih 45% mẫu ia hu chất lượng biar, 38% mẫu ia njom trak. Piah pasiam bruk ini, tỉnh Bến Tre brei đầu tư padang ngak dom sang mac xử lý ia bhum tapen tasik, tapen pabah kraong.

7/ Urak ni, bruk njom mbak song glut jaleih taneh di tỉnh Hậu Giang dok rah tabiak kan kandah song dok tagok khang. Dalam dom harei tapa, yaok harei njom mbak tagok meng 0,5 tal  1‰ song nao tame dalam mblang hamu meng 2-3 km sa harei. UB bhap bini tỉnh Hậu Giang bahrau hu harak tacei pato song hu panuac ieu dom gah, dom pakat song dom puk palei kreik pambah mbang dom ar pacang piah khik ia taba cakak mbak pabak ka bruk ngak nong song ia pandar ka bhap bini.

Patui di ini dom khau tin dunya:

8/ Di ban Bát-đăm-boong, Campuchia barau rah tabiak nyaom darak pasar parang iek pablei salih, dịch vụ, du lịch VN – CPC thun 2015” ngan saong labaih 80 gian hàng di jaik 50 doanh nghiệp ban raya HCM. Nyaom darak pasar parang iek pablei salih, dịch vụ, du lịch VN – CPC hu peih tabiak yaok thun di CPC brei mboh bruk thiện chí, sami samar saong kham merat di ban raya HCM dalam bruk jhul pakhang talei pambuak bruk saong CPC.

9/ Tổng thống Mỹ Ba-rắc Ô-ba-ma hu panuac sinya, brei patui bruk dong ka Ni-giê-ria song dom negar karei di khu vực dalam bruk mesruh pacang ckol cực đoan Bô-cô Ha-ram. Dalam panuac khan hadei di mbang ginum biai song Tổng thống bahrau tagok rai Mu-ha-mat Bu-ha-ri, Tổng thống Ô-ba-ma ndom tal bruk njauk dong ka Ni-giê-ria song dom negar dalam khu vực mesruh pacang kol cực đoan Bô-cô Ha-ram.

10/ Takik di abih 4 urang metai saong 16 urang karei njauk rambuac dalam mbang khuah giàn khoan menyek kayua Tập đoàn dầu khí quốc doanh Pemex diMê-hi-cô điều hành langiu tasik vịnh Mê-xi-cô.Jaik 300 urang ngak bruk di labik ini hu panduan nao. 8 kapal cứu hỏa hu brei mai padam khuah./.