1/ patui mbang nyaom 8, QH mbang 13, harei ni, QH hu ginum biai di tổ ka 4 dự án hukum. Mesup, QH hu ginum biai ka dự án hukum pasiam veik, pabak dom paka di hukum thuế tiêu thụ đặc biệt song dự án hukum pasiam veik, pabak dom paka di dom luật thuế. Beir harei, QH ginum biai ka sarak buh jien tabiak padang ngak dự án mblang kapan haoh Long Thành; bruk phê chuẩn Công ước di Liên hợp quốc ka bruk pacang tra tấn song dom jalan đối xử atau trừng phạt tàn bạo, vô nhân đạo atau ngak pamelau anek menuac song ginum biai ka bruk phê chuẩn Công ước di Liên hợp quốc ka quyền di urang jaoh jo.

2/ Di HN barau rah tabiak bruk brei thau quyết định ka bruk padang viện pato megru, paglaong ilamu urang jakar khik iek gah y tế. Brei panuac di tuk nan, akaok mintri y tế Nguyễn Thị Kim Tiến ndom lac, hadei di tuk viện pato megru, paglaong ilamu urang jakar khik iek gah y tế hu peih tabiak, sang bac đại học y tế brei pataom tame pato pakai urang ngak hu chất lượng glaong; peih bruk pabak paglaong ilamu ka urang jakar khik iek gah y tế dalam saman barau.

          3/ Mintri công thương bahrau peih họp báo bilan 10. Rilo kadha hu caik tabiak ka mintri Công thương. Dalam hu bruk điều hành, khik ramik xăng menyek tui nghị định 83 bahrau hu ba tabiak meng harei 1/11. Jeng dalam mbang họp báo, lambaok mintri Công thương brei thau, yaom xăng menyek meda hu trun bo oh cang tal harei 16/11 (tukvak patrun tui quy định di nghị định 83)

4/ Biar harei kabroi, mban tacei jalan peih ngak dom sarak patagok kaya ikan tỉnh Quảng Ngãi hu peih bruk pilih ruah dom kapul nyaom, menuac urang tut angan mesraiy jien saong dom sarak karei tui nghị định 67 di rajaei. Dalam 122 sruh kapal hu dom huyện, ban sit payua angan tagok caong mesraiy, UB bhap bini tỉnh Quảng Ngãi hu palih ruah 40 sruh kapal ginup điều kiện brei mesraiy tui Nghị định 67 di rajaei mbang sa thun 2014.

          5/ Di mblang bein Hùng Vương, ban sit Bạc Liêu, Trung ương kapul dam dara Cộng sản Hồ Chí Minh, Trung ương Hội Liên hiệp dam dara VN, Ủy ban An toàn giao thông Quốc gia, Tỉnh đoàn Bạc Liêu pambuak bruk peih harei pataom dam dara song ilamu nao mai angaok jalan mbak. Ni lac bruk ngak piah paglong hatai sahaneng ka đoàn viên dam dara, anek saih SV dalam bruk khik caga trật tự an toàn giao thông, padang rai duik ilamu tuk ndik radeih.

6/ UB bhap bini tỉnh Khánh Hòa barau hu harak tacei pato dom sở, ngành, puk palei dalam tỉnh patagok bruk pacang cakak jit ruak Ebola. Tui nan, sở y tế tỉnh Khánh Hòa pambuak saong dom sở, ngành, puk palei patagok bruk tui iek catang urang mai meng dom taneh ia hu jit. Taphia di nan brei pabak ginup pandap pnada, jru tavao, hóa chất, pandap bảo hộ pacang cakak jit ka urang y tế; ramik pasiam dom kapul pacang cakak jit, kapul cấp cứu cơ động, labik taduan mek, cách ly urang ruak di sang iek ruak đa khoa tỉnh.

          7/ Harei kabroi, Sở y tế ban raya Hồ Chí Minh bahrau hu panuac ka bruk yaok rituh anek saih sang bac tiểu học Nguyễn Khuyến, quận 12 padeih bac abih kayua pandiak, pandih tain, taglaoh ta-ok. Makna hu khan lac dom adei njauk viêm dạ dày ruột kayua vi khuẩn Salmonella. Sở Y tế hu panuac pandar sang bac puh ramik hacih saat sang bac yaok harei meng Cloramine B,  brei pabak dom dung dịch sát trùng samar. Bruk parabha pandap mbang ka anek saih bán trú brei hu peih ngak di dom cơ sở ngak pandap mbang, oh parabha pandap mbang di sang bac. Anek saih hu mbang kreih pandiak di labik mbang huak, oh mbang di tal bac yau dahlau deih.

Patui di ini dom khau tin dunya:

8/ Karja ban Bắc Kinh, TQ brei patrun patakik radaih tame dalam ban piah pasiam không khí anak nyaom meyai pakat glaong di abih diễn đàn pambuak bruk kinh tế châu Á – thái bình dương (APEC) peih tabiak di harei 10/11 tal.

9/ Di ban sit Thà-khẹc, tỉnh Khăm-Muộn, Cộng hòa dân chủ bhap bini Lào, Ủy ban Trung ương Mặt trận Lào dak padang taneh ia song UBTƯ MT negar VN pambuak bruk peih nyom biai pakat dunya ka bruk padang jalan tapen negar pambuak talei rohim VN –Lào thun 2014. Dua gah hu tong yaom glong ka talei rohim jum pataom, song  bruk pambuak gauk di tong abih gah di Việt Nam haong Lào, hu Chủ tịch Hồ Chí Minh song Chủ tịch Cay-xỏn Phôm-vi-hản song dom rai rah urang dang akaok song bhap bini 2 taneh ia hu pabak patagok song dak harei dak ba mai siam lagaih, dalam nan hu bruk kham merat rik dong di MT 2 negar.

10/ Akaok mintri y tế Prang Ma-ri-xôn Tu-ranh harei kabroi brei thau lac, urang y tế di Quỹ nhi đồng LHQ ((UNICEF) njauk njom ê-bô-la tuk daok ngak bruk di Xi-ê-ra Lê-ôn hu ba nao tal Prang piah iek ruak. Brei panuac saong báo chí hadei di mbang taom gaok akaok mintri nội vụ Prang Béc-na Ca-dơ-nơ-vơ, Akaok mintri Tu-ranh brei thau: Kol dahlak hu ngak tui panuac di gah y tế dunya nan lac ba urang y tế di quỹ nhi đồng LHQ njauk njom Ebola di Xi-ê-ra Lê-ôn nao iek ruak di sa dalam dom sang iek ruak di kol dahlak. Ini lac urang duy nhất njom Ebola bo Prang daok tui iek ruak urak ini./.