1/ Patui mbang nyaom ka 8, QH mbang 13, harei ni 5/11, QH ginum biai di Hội trường, pang harak pathau khan, pasang iek Dự án hukum pilih ruah urang ka QH song Hội đồng bhap bini. Pang panuac langyah, taduan mek panuac, ramik veik dự thảo song ginum biai dom kadha dok hu panuac karei di gauk di dự thảo hukum pasiam veik, pabak dom paka di hukum pato bruk ngak. Patui nan, QH ginum biai di tổ ka Dự án hukum Mặt trận negar Việt Nam (pasiam veik) song dự án hukum pilih ruah urang ka QH song urang ka Hội đồng bhap bini.

2/ Meng harei 21 tal harei 23/11/2014, di palei ilamu – du lịch dom bangsa VN (Đồng Mô, Sơn Tây, Hà Nội) hu rah tabiak dom harei: “jum pataom ASEAN – sa tầm nhìn, sa bản sắc, sa cộng đồng”. Dom harei nan, lac bruk piah yaih khan, brei thau ka taneh ia, anek menuac, dom yaom glaong ilamu hadah krah, dom kham emrat di VN saong bhap bini dom taneh ia ASEAN dalam bruk khik ramik, patagok yaom glaong dom inem krung ilamu. 

3/ Urak ni, negar drei hu labaih 6 triệu 700 ribau urang jaoh jo, dalam nan hu 60% urang jaoh jo dalam umo ngak bruk. Urang jaoh jo hu pato bruk ngak yaok thun hu 5 ribau tal 6 ribau min biak takik dalam dom urang nan hadei di tuk bac bloh duah hu bruk ngak tani tanat. Kapul dong urang jaoh jo VN pambuak bruk song pasak dong duah bruk ngak HN hu bruk dong di jabat patagok Hoa Kỳ dok peih ngak dự án “Jalan pasiam chức năng ngak bruk ka urang jaoh jo dok di ban ine HN” piah dong ka urang jaoh jo hu bruk ngak tani tanat, patrun kan kandah gah KT ka boh sang.

4/ Jabat UB bhap bini tỉnh Quảng Ngãi brei thau, urang dang akaok UB bhap bini tỉnh Quảng Ngãi barau mbaoh tangin tame harak angan 40 urang taong cap ikan hu mesraiy phun jien mbang sa thun 2014 piah ngak barau kapal ikan tui sarak di rajaei. Dalam 40 kapal ikan hu 15 kapal kanduh pasei, 2 kapal composite saong 23 kapal kanduh kayau, hu samar ngak barau piah rik daong paglaong kapul ikan hiện đại, pasiam bruk taong cap kaya ikan di tasik atah di urang taong cap ikan dalam tỉnh.

5/ Di tỉnh Đồng Tháp bahrau peih nyaom darak pasa chất lượng glong thun 2014. Nyaom darak pasa hu rilo DN caik hatai, song 120 DN gam song 300 gian hàng. Ni lac dom DNVN hu pandap ngak chất lượng glnog hu angan je ngan song yaok ribau pandap panda siam mai meng dom gah karei di gauk.

6/ Di pasak ilamu tỉnh Trà Vinh barau rah tabiak “nyaom darak pasar công thương bhum taneran kraong Cửu Long pambuak saong rija Ok-Om-Bok tỉnh Trà Vinh thun 2014”. Nyaom darak pasar nan piah yaih khan ka tuai damuai dalam saong langiu taneh ia thau ka rija meng kan di bahp bini Khmer Nam bộ jeng yau di tỉnh Trà Vinh ndung bak ilamu bhap bini, taphia bruk pambuak danak dak pablei salih, yaih khan pandap panda di yaok puk palei, patagok bruk taom gaok saong doanh nghiệp dalam saong langiu taneh ia piah duah labik pambuak bruk ngak mbang, peih tabiak jalan pambuak bruk đầu tư pablei salih saong padang darak pablei salih tani tanat.

 7/ Harei kabroi, mintri Thông tin song Truyền thông pambuak bruk song tỉnh Sóc Trăng peih parang iek bản đồ song parang tabiak tư liệu “Hoàng sa, Trường sa di Việt Nam –dom bằng chứng sajarah dak rai song pháp lý”. Parang iek hu 121 bản đồ, tư liệu hu parang tabiak ngan song dom kadha ka Châu bản triều Nguyễn; dom văn bản song  tư liệu Hán Nôm; dom văn bản hành chính, thaot binguk saman Prang song VN cộng hò, dom bản đồ di karja Cộng hòa xã hội chủ nghĩa Việt Nam,  di Trung Quốc song dom negar phương tây gam song dom thaot binguk ka bruk patagok KT, ilamu, XH di Trường Sa harei ni.

Patui di ini dom khau tin dunya:

8/ harei kabroi, UB khik caga trật tự pakat negar saong rajaei Thái Lan hu họp saong palih ruah chủ tịch saong 10 urang di UB soạn thảo hukum tui chỉ tiêu di 2 cơ chế ini. Yau nan, taong abih 36 thành viên di UB soạn thảo hukum hu palih ruah. Njauk caik hatai, tiến sỹ Bo-von-xặc U-văn-nô, umo 60 thun hu pok ngak chủ tịch UB soạn thảo hukum.

9/ Hãng tin RT di Nga harei kabroi hu ba tin meng Bộ Tình trạng khẩn cấp Nga brei thau, pandap dong ka 6 di Nga daok caga ba tal bhum Đôn-bát, gah pai  Ucraina, piah dong ka urang gaok kan kandah kayua srau kadau di labik ni. Thứ trưởng Bộ Tình trạng khẩn cấp Nga Ôlếch Vô-rô-nốp brei thau pandap dong hu 100 tấn padai brah song jru tavoa hu pajeng di angaok 20 radeih tải tal bhum Lu-gan-xcơ song  Đô-nhét-xcơ.

10/ Akaok gilang pariak dunya Dim Dâng Kim hu pachreih châu Á brei urang y tế hu pato megru bloh mai daong pacang cakak jit Ebola di tây Phi, taphia di nan, hu panuac lac bruk pataom tame pasang iek labik taphia negar oh lac jalan ngak hu kein lagaih. Brei panuac saong dom urang vak di Sơ-un (Hàn Quốc), ông Dim Dâng Kim pok meyaom bruk TQ, HQ, NB brei urang y tế saong trang thiết bị tal Tây Phi./.