1/ Harei ni, Qh ginum biai di hội trường, ginum biai ka dự thảo hukum pasiam veik, pabak dom paka di hukum sỹ quan Quân đội bhap bini Việt Nam song dự thảo hukum công an bhap bini (pasiam veik). Patui di nan, QH pang pathau khan, langyah, ramik veik song ginum biai ka dự thảo hukum công an bhap bini (pasiam veik).

2/ Pachreih tui “Harei hukum VN” (9/11/2013 - 9/11-2014), harei kabroi, di HN, mintri ngak nông saong patagok palei pala peih nyaom meyai pok meyaom harei hukum VN”. Harei hukum VN hu peih ngak di grauk labik dalam  negar, lac bruk praong dalam rai diuk chính trị - pháp lý di taneh ia, rik daong paglaong hatai iek praong saong ngak tui hukum di urang jakar, công chức, viên chức saong bhap bini dalam bruk “diuk rai saong ngak bruk tui Hukum negar saong adat hukum”.  

          3/ UB bhap bini ban sit Đà Nẵng bahrau peih tong yaom bruk cai nghiện ma túy dalam tỉnh. Tapa nan, dom urang dang akaok ban dit ni brei thau, halan hatain buh jien tỷ tabiak daong ka urang nyien jru phiel iek ruak. Meng akaok thun tal ni, ban sit chap hu 116 vụ án ma túy song labaih 160 urang vi phạm, chap mek  jaik 5kg kacha, labaih 4 kg ma túy patau song heroin

 4/ Mintri thông tin saong truyền thông gam saong UB bhap bini tỉnh Đắc Lắc barau peih họp báo ka harei pakacah dom kapul pathau khan lưu động ka an toàn jalan mbak thun 2014 bhum tây nguyên saong dom tỉnh jaik taphia. Harei pakacah rah tabiak meng harei ini 6/11 tal harei 8/11 di ban sit Buôn Ma Thuột, tỉnh Đắc Lắc, hu mbaok di 13 kapul pathau khan lưu động dom tỉnh, ban sit Nam Trung Bộ, Tây Nguyên saong Bình Phước.

          5/ Beir harei kabroi, di krong Long Bình, ban sit Trà Vinh, Sở ilamu thể thao song DL Trà Vinh hu peih giải pakacah gaiy ngo.. Ni lac sa dalam dom bruk ngak yaok thun tui harei rija Ok-om-bok di urang Khmer thun 2014. Giải mbang ni hu 7 kapul gaiy ngo, labaih 400 vận động viên lambaok ka dom huyện, ban sit dok dalam tỉnh. Dom kapul pakacah di cự ly 800m song 1.200m, tui thể thức vòng tròn kuhria điểm piah palih mek thứ hạng sa, dua, klau song khuyến khích.

6/ Di tỉnh Sóc Trăng, mintri ngak nông saong patagok palei pala pambuak bruk saong tỉnh Sóc Tăng barau peih nyaom meyai ngan saong kadha “Lương Định Của – urang nông bac kayua bhap bini, kayua taneh ia”. Di nyaom meyai, dom chuyên gia, urang ilamu hu pataom tame ruah duah, ngak brei cambaih laih dom asal, kadha yau Lương Định Của – kreih camin hadah ka hatai kham merat bac daa; Lương Định Của – sa trí thức kayua bhap bini, kayua taneh ia, tuk halei jeng pamaong ka taneh ia. Bác sĩ Nông học Lương Định Của – sa nhân cách praong, kreih camin piah ka dom urang ilamu, urang nông ranaih umo harei ini bac megru tui.

          7/ Di ban raya HCM, Ủy Ban An toàn giao thông pakat negar song Trung ương Giáo hội Phật giáo Việt Nam bahrau peih họp báo ka Đại lễ cầu siêu dom urang metai kayua radeih paoh gauk di angaok jalan thun 2014 hu rah tabiak tuk 8 tuk mesup harei adit 9/11 di baha Vĩnh Nghiêm. Ngan saong kadha “Hadar urang palang lihik, kayua urang dok haduik” Đại lễ Cầu siêu hu peih ngak dalam praong prang di Tổ đình Vĩnh Nghiêm, quận 3, ban raya Hồ Chí Minh. Ni lac sa bruk ngak hu makna siam, brei mboh hatai anit dom urang metai kayua njauk bala. Saong piah klah rabha dom pandik harao song gauk gar di dom urang nan.

Patui di ini dom khau tin dunya:

8/ Nyaom drak pandap ngak công Lào 2014 hu peih tabiak di kreh bilan 12 tal di ban ine Viêng-chăn (Lào). Ini lac tuk piah ka dom mintri, ngành, dom gah yaih khan dom jak jeng dalam ruah duah saong pandap ngak công di drei, abih di nyu nan lac daong ka dom mintri, ngành, dom công ty di Lào klah rabha ilamu ruah duah gah ngak công  saong dom taneh ia dalam ASEAN saong dom taneh ia pambuak bruk.

9/ Tui urang vak di Thông tấn xã Việt Nam daok di Jakatar, Jabat Thống kê negar Indonesia (BPS) hu panuac lac rajaei negar ni meda dang anak dom kan kandah prong dalam bruk tự cung tự cấp padai brah dalam thun 2018, tuk sản lượng padai di negar ni tui kuhria mboh dahlau meda patrun dalam thun ni song thun anak tal.

10/ harei kabroi, Thủ tướng Ôxtrâylia Tôny A-bót sanya daong jien padai ka Xiêra Lêôn piah pacang cakak jit Ebola. Panuac di Thủ tướng A-bót ndom lac, hu daong 20 triệu đôla Ôxtrâylia (jaik 17,5 triệu đôla Mỹ) piah padang ngak sa pasak iek ruak Ebola, hu 100 gaiy ndih iek ruak di Xiêra Lêôn. Dahlau di nan, taneh ia ini jeng hu sanya daong 18 triệu đôla Ôxtrâylia ka bruk pacang cakak Ebola./.