1/ Mesup harei ni, Ủy ban Thường vụ Quốc hội peih mbang nyaom ka 37. Mbang nyaom hu caik rilo tukvak ka bruk padang ngak hukum. Ủy ban Thường vụ Quốc hội hu brei panuac tame 9 dự án hukum dalam nan hu dự án Bộ luật hình sự (pasiam veik) Bộ luật tố tụng hình sự (pasiam veik); Hukum pilih ruah urang ka Quốc hội song Hội đồng bhap bini;  Hukum padang rajaei (pasiam veik); Hukum padang kajar puk palei song dom dự án hukum karei karei. 

2/ Harei kabroi, kapul ngak bruk di mintri ngak nong saong patagok palei pala kayua akaok mintri Cao Đức Phát ba akaok hu nao pasang iek bruk pandiak bhang di tỉnh Ninh Thuận. Ong Cao Đức Phát gam saong kapul ngak bruk hu nao duah thau tapak di dom labik pandiak di abih dalam tỉnh. Palei Xóm Bằng, xã Bắc Sơn, huyện Thuận Bắc hu jaik 600 baoh sang bhap bini daok kurang ia pandar. Meng thun 2014 tal urak ini, taong abih dom danao, bingun dalam palei thu ia. Bhap bini njauk mek ia meng labik karei mai pandar. Ong Cao Đức Phát hu tame tal sang bhap bini, sua rivang bruk saong pachreih mikva yam tapa kan kandah di anak meta.

            3/ Dalam tukvak ni, di gah barak tỉnh Bình Thuận dok dang anak kan kandah trak kayua pandiak bhang. Bruk kurang ia dui atah ngak ka rai duik di bhap bini labik ni dak harei dak gleih glar. Hồ Đá Bạc padang hu jiak 4,5 triệu mét khối, lac labik pabak ia pruh ka bhum taneh ngak nong prong di xã Vĩnh Hảo, Vĩnh Tân song Hòa Minh di  huyện Tuy Phong. Min ia dalam danao urak ni daok biak takik. Jiak 800 ha padai song njam patam mek ia pruh di hồ Đá Bạc dok klak saoh.

4/ Di Hà Nội, Tổng cục DL barau peih mbang ginum meyai “paglaong kein lagaih hu mbaok tame dom nyaom darak pasar du lịch dunya” piah ginum meyai, taong yaom ka bruk di anak meta jeng yau ba tabiak dom jalan ngak salih barau saong paglaong kein lagaih di bruk xúc tiến DL di dom nyaom darak pasar dunya dalam tukvak anak tal. Di nyaom darak, dom đại biểu ndom lac, bruk hu mbaok tame nyaom darak DL dunya hu makna biak praong dalam bruk paglaong duah thau ka rup binguk, định vị saong thông điệp di DL VN, peih praong darak, daong jalan ka dom doanh nghiệp DL Việt tiếp cận, peih praong darak, rik daong jhul pakhang tuai damuai dunya mai tal VN.  

 5/ Mban tacei jalan jak ba brei darah ngak pahla ban sit Cần Thơ bahrau peih bruk mít tinh pachreih tui harei tong abih bhap bini halan hatain brei darah 7/4 song pataom iek veik Lễ hội Xuân hồng 2015 hu angan “Brei darah dong ka menuac urang, njauk caik hatai sangka”. Di harei pataom, ong Lê Văn Tâm – Phó Chủ tịch thường trực Uỷ ban bhap bini ban sit Cần Thơ, drah nan lac sa janih jru iek ruak siam oh ka hu jru haeli salih hu song hu brei meng dom menuac urang hu hatai anit ranam, hu trách nhiệm glong song bhap bini. Kayua yau nan ye, urang jakar dom pakat, dom gah di palei pala song tong abih bhap bini brei kham merat song pachreih ba menuac urang hu mbaok tame brei darah, mong iek yau sa bruk ngak prong glong di yaok urang khol drei.

6/ Harei kabroi, rah tabiak bruk khuah glai di xã An Minh Bắc, huyện U Minh Thượng, tỉnh Kiên Giang. Pandiak gam saong ngin khang ngak ka pui pambak samar hadei di nan. Mban tacei jalan pacang cakak khuah glai tỉnh KG hu mbaok chip piah tacei pato bruk padam khuah. Tui ong Mai Anh Nhịn, phaok akaok UB bhap bini tỉnh Kiên Giang, tui kuhria hu jaik 30 ha glai khuah. Makna oh ka thau mai meng halei.

   7/ Lac sa ban hu 10 triệu menuac, yaok harei, ban raya HCM pandar labaih 127 tấn njam patam boh karaoh. Njam patam boh karaoh hu pablei di 124 darak pasa meng kan song jiak 100 siêu thị. Kayua huac njam oh hacih, rilo bhap bini nao tal siêu thị piah blei njam patam boh karaoh, song cong khin hu pandar njam hacih saat. Min kayua njam patam siam hu takik, nan ye dom siêu thị nao blei meng rilo labik oh khik hu chất lượng, dalam nan hu njam meng Trung Quốc.

Patui di ini dom khau tin dunya:

8/ Mintri môi trường NB kuhria mboh lac, tal thun 2030, taneh ia ini meda patagok jang dua mbang atau 3 mbang sản lượng điện meng dom nguồn năng lượng tái tạo. Tui mintri môi trường NB, meyah bruk pandar điện dalam taneh ia jeng daok khik yau urak ini ye điện hu meng dom nguồn tái tạo yau ia harei, ngin meda pabak 24 tal 35% bruk pandar, tagok khang duk saong 11% di thun jien padai 2013.

9/ # Tổng thống Ucraina Pô-rô-xen-cô vừa thông báo, vào tuần này, 4 ngoại trưởng nhóm Nooc-măn-đi (gồm Nga, Pháp, Đức và Ucraina) sẽ tổ chức một cuộc họp để thảo luận về tình hình tại miền Đông Ucraina và kế hoạch triển khai lực lượng gìn giữ hòa bình quốc tế tới vùng Đôn-bát cũng như việc thực thi thỏa thuận ngừng bắn Minxcơ.

10/ Tổng thống Thổ Nhĩ Kỳ Tai-íp Éc-đô-gan hu nao rivang Tê-hê-ran di harei 7/4, piah ngak cadu dom căng thẳng jaik di ini pambuak tal bruk mesruh tame Y-ê-men di liên quân kayua A Rập Xê út dang akaok./.