1/ Di mbang nyaom bilan 10 thun 2014, rajaei hu ginum biai, njauk gauk brei patui bruk tacei pato ka nyu yau gauk, siam lagaih dom jalan ngak jhul pakhang bruk langyah sraiy jhak gam song bruk pasiam veik labik brei mesraiy tui đề án hu ba tabiak. Jalan langyah sraiy jhak nan lac pasiam thanh khoản, patagok bruk siam mekre, khang kadang saong kein laba bruk ngak di dom labik brei mesraiy, palagaih ka bruk peih prong bruk brei mesraiy, daong lang yah kan kandah, jhul patagpok bruk sx, pablei salih.

2/ Patui danak dak mbang nyaom ka 8, QH mbang 13, harei ini 31/10, QH hu ginum meyai ka bruk kinh tế - xã hội thun 2014 saong bruk ngak thun 2015. Patui di nan, dom urang QH hu ginum meyai bruk peih ngak kadung karja thun 2014; kuhria kadung jien karja saong jalan parabha kadung jien TƯ thun 2015.  

3/ Di HN, mBan tacei jalan Tây Bắc pambuak bruk song Ban Tuyên giáo Trung ương, Ủy ban bangsa, Mintri ilamu, Thể thao song Du lịch bahrau peih mbang họp báo yaih khan danak dak nghệ thuật “Nghĩa tình Tây Bắc”. Ni lac bruk ngak hu makna chính trị, xã hội piah pathau khan bruk sajarah dak rai, bhum taneh, anek menuac, tiềm năng, kein lagaih dalam tuk vak patagok KTXH, khik caga an ninh, quốc phòng bhum Tây Bắc. Taphia di nan, danak dak dok brei mboh hatung hatai di taneh ia brei ka Tây Bắc song Tây Bắc brei ka taneh ia.

4/ Hadei di 5 thun peih bruk “jak ba urang VN pandar pandap VN”, di ban sit Đà Nẵng, pandap Việt pablei di dom darak, siêu thị, pasak pablei salih patagok 30%. Cambaih laih, thun 2009 hu jaik 50% pandap Việt Nam hu pablei ye urak ini patagok tal 80%. Bruk jak ba ini hu tác động praong, ngak salih akaok saneng, bruk randap pandar pandap Việt Nam di urang blei pandar, rik daong tani tanat pandap panda, patagok bruk blei pandap VN.

5/ Tỉnh Gia Lai hu labaih 1 triệu 300 ribau urang, song 34 bangsa adei saai, dalam nan bangsa takik hu labaih 44%. Meng thun 2009 tal ni, hu 11 sarak di karja daong ka mik va urang bangsa takik dok di tỉnh Gia Lai dalam dom bruk yau: pato pakai, y tế, ilamu, brei mesraiy, daong yaom, oh mek jien dom janih pandap dalam sarak karja, dong brei sang dok, taneh riya định canh định cư,…Nan ye, nyu dong paglaong rai duik mik va bangsa takik dok dalam tỉnh. Nyaom roya dom bangsa takik mbang ka 2 tỉnh Gia Lai ba tabiak jalan ngak praong nan lac patagok KTXH, patagok jalan mbak nao mai, patrun kan kathaot song patagok nguồn lực, dak harei dak padang ngak dom pasak KT bhum urang bangsa takik.

6/ UB bhap bini tỉnh Đắc Lắc barau peih mbang pataom iek veik vụ ngak padai Đông xuân 2013 – 2014 saong peih tabiak jalan pala vụ đông xuân 2014 – 2015. Thun ini, abih tih sản lượng lương thực di tỉnh Đắc Lắc tui kuhria mek hu labaih 1 triệu tấn, yam tapa labaih 150 ribau tấn duk saong bruk ba tabiak. Tui taong yaom bruk langik tasik, khí hậu saong halau ia, vụ đông xuân 2014 – 2015, tỉnh Đắc Lắc drak jaik 44 ribau ha phun pala dom janih, ralo jang jaik 500 ha duk saong vụ dahlau.

7/ Urak ni, rilo urang tong ikan di dom puk palei dalam negar biak chreih chrai anak bruk taduan hu Nghị định 67 kayua Thủ tướng rajaei ba tabiak. Meng nghị định ni, rilo urang tong ikan hu dong phun jien piah pasiam jamriak, ngak bahrau kapan gaiy tong chap ikan. Di tỉnh Bến Tre urang ngak ikan rilo meng ngak cào đôi, oh dok dalam Nghị định 67 di thủ tướng rajaei yau nan ye bruk peih prong gah ngak inin gaok rilo kan kandah. Karja song urang tong ikan di Bến Tre cong hu mbang tui sarak dong phun jien piah pabak ka bruk tong chap ikan di tasik atah, dong khik caga chủ quyền bhum tasik palei negar.

Patui di ini dom khau tin dunya:

8/ Biar harei kabroi 30/10, thủ tướng TL Prayút Chan-ô-cha nao rivang tanhe ia KPC dalam dua harei tui panuac daa di thủ tướng Hunsen. Hadei di mbang taduan rok di cung hòa bình di ban ine Phnôm Pênh, dua Thủ tướng hu mbang ginum meyai dua gah. Thủ tướng Thái Lan caong khin patagok dom mbang nao rivang saong ngak bruk di dom urang dang akaok pakat glaong dua tneh ia; jhul pakhang talei pambuak bruk dua gah dalam bruk kinh tế, du lịch, y tế, pambuak hạ tầng cơ sở, patagok darak chứng khoán. 

9/ Di ban ine Mat-xcơ-va (Liên bang Nga), Đại sứ 10 taneh ia dalam ASEAN daok di Liên bang Nga hu pambuak bruk peih “Harei ASEAN”. Brei panuac salam uan dom tuai damuai song pasang iek veik dom bruk njauk caik hatai di angaok jalan patagok di dom taneh ia  ĐNÁ luac 47 thun tapa, ong Haini Hashim, Đại sứ Bruney di Liên bang Nga brei mboh labik dang prong di ASEAN dalam bruk dak padang song patagok bhum ĐNÁ siam mekre sron mbon song pamong tal sa Cộng đồng ASEAN di thun  2015.

10/ Mintri y tế Arập Xêút harei kabroi brei thau, mboh hu gilac 6 urang njom virut ngak hội chứng hô hấp bhum trung đông. Ini lac dom urang njom virut ralo di abih kuhria tui harei dalam dom bilan tapa di taneh ia ini, kayua oh ka ngak catang bruk langyah saong iek ruak an toàn di sang iek ruak./.