1# Dalam tuk pahadar 70 thun harei bilan 8 saong harei negar 2/9, bair harei  12/8, di Hà Nội, Ủy viên mintri Chính trị, Akaok Ủy ban Trung ương Mặt trận negar Việt Nam Nguyễn Thiện Nhân hu nao ravang urang dahlau thiah ngak Tổng Bí thư Đỗ Mười saong ong  Vũ Oanh, urang dahlau thiah ngak Ủy viên mintri Chính trị, Chủ nhiệm Việt Minh thành Hoàng Diệu thun 1945. Akaok Ủy ban Trung ương Mặt trận Tnegar Việt Nam  Nguyễn Thiện Nhân hu daa ong Đỗ Mười dahlau thiah ngak Tổng Bí thư saong Vũ Oanh mai hu mbaok pahadar veik bruk mengkan saong thau dran puan urang lão thành cách mạng hu mbaok tapak tame Tổng khởi nghĩa cách mạng bilan 8/1945 kayua Ủy ban Trung ương  Mặt trận negar Việt Nam peih ngak di harei 19 bilan 8 tal.

2/ Harei kabroi 12/8, di Ha Noi, mintri công an peih bruk brei thau quyết định công nhận Học viện Cảnh sát bhap bini lac labik pato megru đại học di gah công an bhap bini. Akaok mintri công an Trần Đại Quang mai hu mbaok saong brei panuac. Akaok mintri, ong Trần Đại Quang jia lac, meng ilamu hadah hadai di đơn vị anh hùng saong dom jak jeng dalam pato megru dom thun tapa, Học viện cảnh sát bhap bini daok ngak hu ralo bruk jang, njauk lac labik pato megru đại học di gah Công an, njauk haong hatai jia di Đảng ủy công an TƯ, urang dang akaok mintri công an saong abih gah dalam công an bhap bini.

3# Jeng dalam harei 12/8, kapul daong uranaih Việt Nam njaom jru mek klik kruac di Pháp pambuak bruk saong uy mban bhapbini huyện Đại Lộc, tỉnh Quảng Nam nao ravang saong iek ruak ka urang njauk jru mek klik kruac pak tỉnh Quảng Nam saong ban sit Đà Nẵng. Di ini, kapul hu alin pandap  saong brei 35 paok jien bac, yaok paok yaom meng 1 triệu meteh tal 2 triệu đồng; nao iek ruak, brei jru saoh ka labaih 100 urang njauk jru mek klik kruac.

4/ Tal tukvak ini, tỉnh Quảng Trị barau hu 3 urang taong cap ikan hu mesraiy phun jien ngak kapal tui Nghị định 67. Dalam 3 sruh kapal ini, hu 2 kapal kanduh pasei saong sa kapal kanduh kayau. Tui kuhria, dom kapal ini hu ba pandar di puac thun ini. Urang taong cap ikan Đoàn Văn Dũng, daok di ban sit Cửa Việt, huyện Gio Linh, tỉnh Quảng Trị brei thau: Tuk hu Nghị định 67, adei saai kol dahlak khang hatai mesraiy jien di gilang pariak BIDV piah buh tame ngak sruh kapal barau, kuhria puac thun 2015 ini kapal dahlak hu ba trun ia piah nao tasik lavik harei. Tuk nan piah ngak brei kinh tế baoh sang dak harei dak kaya meda jang saong rik daong khik caga chủ quyền tasik pulao di taneh ia palei negar.

5# Thun ini, tỉnh Đắc Lắc hu 316 anek saih kathaot yam tapa kan kathaot bac joi hu taduan mek jien bac “ Daong pren nao bac”, saong yaom jien meng 700 rabau tal 1 triệu 200 rabau đồng yaok paok. Adei Ngô Thị Ngọc Lan, anek saih sang bac Trung học phổ thông Nguyễn Công Trứ, huyện Krông Pak hu taduan mek jien bac ndom lac  “Tuk taduan mek hu jien bac ini adei mboh biak bui sambai, jien bac Daong pren nao bac ini  hu makna biak praong ka adei saong sang adei, daong adei sahanang hatai bac megru, adei kham merat nao bac saong ngak tui caong khin di drei”

6/ Harei 12/8, di palei Triều Dương, xã Tam Thanh, huyện Phú Quý, tỉnh Bình Thuận, Trung ương Đoàn dam dara Cộng sản Hồ Chí Minh, Trung ương kapul Sinh viên Việt Nam, Tỉnh Đoàn Bình Thuận saong gilang pariak pablei salih cổ phần đầu tư saong patagok VN (BIDV) hu peih pakak geng dok chủ quyền taneh ia angaok pulao Phú Quý. Công trình hu takai caik geng dok, gai geng dok, bậc thềm saong mblang bein vir taom dar, geng dok glaong 22,6 m, abih tih yaom jien buh tame ngak labaih 1 tỷ 260 triệu đồng. Geng dok chủ quyền taneh ia hu peih pakak hu makna biak praong dalam bruk pathau khan, pato pakai hatai anit ranam taneh ia, palei negar ka rai rah dam dara, rik daong brei thau chủ quyền taneh ia angaok tasik.

7# Urang gaok động vật sahaneng lac dại kaik di ban raya Hồ Chí Minh tagok duk saong 6 bilan akaok thun 2015, di ban raya Hồ Chí Minh hu 16.400 urang gaok động vật sahaneng lac dại kaik njauk nao klauk vắc xin caga ruak, dalam nan uranaih hu 3.600 adei. Urang gaok athau kaik meblah tal 83%, tamoa kaik lac jaik 10%. Sa bruk patoah jamo lac dom urang ruak hu klauk vacxin caga ruak dại jeng hu siam, oh hu thei tagok cơn dại, tok hu dom phản ứng jhun di labik ngan saong tỷ lệ 1,2%.

Patui di ini dom khau tin dunya:

8/ Mintri Quoc phong Cộng hòa Séc meda ba 2.600 linh mai piah daong cảnh sát patagok bruk pasang iek saong khik caga jalan taphia negar dalam tuk dak harei dak hu ralo urang tị nạn duah jalan tame taneh ia ini. Rayo papar binguk pakat negar Cộng hòa séc harei 12/8 khan lac sa dự thảo pathau khan di mintri Quoc phong taneh ia ini brei thau bruk brei linh nao meda hu peih ngak tuk panuac cảnh báo khik caga jalan taphia negar hu patagok pakat 3.

9# Labaih 23 nghìn héc-ta taneh pala drak di Mi-an-ma gaok khut trak, oh meda daok pala drak hadei mbang xua sajarah di taneh ia dom harei tapa. Yaom lac urak ini, ia xua hu trun min caik veik hau qua praong ka raidiuk saong kinh te di aneh ia Đông Nam Á ini. Ia xua kayua hajan praong dui atah meng bilan 6 ngak kan kandah raidiuk ka jaik 1 trieu sang saong ngak metai lahik labaih 100 urang karei. Ia xua gam saong glut taneh jeng ngak tayah labaih 3 rabau sang bac di taneh ia ini.

10/ Harei kabroi 12/8, Thủ tướng Nhật Bản Xin-dô A-bê brei thau bruk payua pandap mai sirah kandi Ya-sư-kư-ni  di harei 15/8 tal, min dalam angan lac akaok đảng tự do dân chủ. Ini lac bruk ngak meda ba tal dom phản ứng meng Trung Quoc saong Han Quoc yau dom thun dahlau, abih di nyu nan lac dalam tuk ong Abê kuhria brei panuac ka dự thảo pahadar 70 thun kalin kan dunya mbang ka 2 di harei page 14/8./.