1/ Di HN, mintri ilamu song Công nghệ pambuak bruk song Liên minh phần mềm BSA bahrau peih bruk pathau khan danak dak “Bilan pachreih tui harei sở hữu trí tuệ dunya thun 26/4”. Tui nan, mintri ilamu song công nghệ pambuak bruk song dom mintri, ban, ngành song puk palei peih bruk pathau khan paglong kaok sahneng ka bruk sở hữu trí tuệ di bhap bini, paglong bruk khik ramik quyền sở hữu trí tuệ, patagok bruk tui iek, duah thau bruk ngak tui dom quy định ka sở hữu trí tuệ meda peih ngak song jhul pakhang dalam bilan 5 song dom bilan patui nan.

2/ Di HN, UB tư pháp barau peih mbang nyaom toàn thể mbang ka 16 taong yaom ka dự án hukum tố tụng hình sự (pasiam veik), dự án hukum hình sự (pasiam veik) dự án hukum tổ chức dom jabat điều tra hình sự, dự án hukum tạm giữ, tạm giam. Dự thảo hukum hu abih tih 483 paka hu 9 kadha, 38 chương, ralo jang 137 paka duk saong hukum urak ini, dalam nan pasiam veik 290 paka, pabak barau 166 paka, yah klak 19 paka, tok khik tamo 27 paka.

3/ Tập đoàn Điện lực Việt Nam (EVN) brei thau, anak bruk langik tasik oh siam lagaih pandiak bhang rah tabiak avar jang di dom tỉnh gah kreik negar, - Tây Nguyên, jalan điện pakat negar biak kham merat kuhria caga dom jalan ngak piah peih ngak siam bruk khik ramik song pabak điện ka bhap bini dalam taneh ia.

4/ Tukvak tapa, di tỉnh Ninh Thuận hu rah tabiak ralo mbang vi phạm dalam bruk pablei salih, pambak tal quyền lợi di urang blei pandar, dalam nan hu ralo mbang pablei salih pandap ja, pandap oh siam min urang blei pandar oh thau khiếu nại labik halei. Piah khik kajap quyền lợi di urang blei pandar di tỉnh Ninh Thuận, ongNguyễn Thanh Hoan, Giám đốc Sở Công thương tỉnh Ninh Thuận brei thau: Sở hu payua harak ka dom đơn vị pambuak tal, brei urang jakar hu mbaok tame mban jak ba padang hội khik caga quyền lợi ka urang blei pandar di tỉnh. Tui kuhria nyaom roya pilih ruah mban chấp hành hội hu peih tabiak di kreih thun 2015.

5/ Hadei di 6 harei rah tabiak (meng harei 26 tal melam 31/3) Harei pataom tapuk song parang iek yaih khan tư liệu “Hoàng Sa, Trường Sa di Việt Nam – dom bằng chứng sajarah dak rai song adat hukum” hu tamat bloh dalam siam mekre. Tui kuhria di mban peih bruk, Harei pataom tapuk song parang iek ka Hoàng Sa Trường Sa mbang ka sa hu labaih 230 gian hàng di 58 đơn vị hu mbaok, dalam nan hu dom nhà xuất bản, công ty phát hành sách, công ty truyền thông song văn hóa phẩm. Dalam 6 harei rah tabiak Harei pataom tapuk Cần Thơ mbang ka sa, hu labaih 160 ribau tapuk song jiak 2 triệu bản, sản phẩm truyền thông song văn hóa phẩm hu parang tabiak song pablei tabiak, tui kuhria pablei hu  abih tih jiak 11 tỷ đồng.

6/ Barau ini, 27 trí thức ranaih umo trúng tuyển dalam mbang pakacah palih ruah trí thức ranaih umo mai palei pala di tỉnh Trà Vinh hu mai puk palei taduan bruk ngak. Dom trí thức ranaih umo trúng tuyển hu brei bruk ngak di 27 xã, ban sit di 5 huyện Càng Long, Cầu Kè, Châu Thành, Trà Cú saong Duyên Hải; ngak dom bruk di urang công chức gah Văn phòng - Thống kê, Jien padai - Kế toán, Địa chính – Ngak nông – padang ngak dựng saong Môi trường, Tư pháp - Hộ tịch saong văn hóa xã hội.

7/ Lac sa dalam 5 kapul nhì bảng hu ja yah siam di abih di vòng loại, Kapul U23 Việt Nam hu tame vòng chung kết giải dat blong U23 châu Á 2016. Hadei di ja yah 7-0 di kapul U23 Việt Nam anak Macao (Trung Quốc), U23 Nhật Bản yam tapa kapul U23 Malaysia song tỷ số 1-0, bàn thắng kayua Kubo dit tame. Yau nan, U23 Việt Nam hu 6 điểm dang dhi 2 bảng I, hadei di Japon (9 điểm song 3 mbang dat mek hu ja yah).Malaysia dang ka 3 song 3 tanut, dang puac bảng nan lac Macao (Trung Quốc) oh hu điểm halei hadei di 3 mbang dat alah abih.

Patui di ini dom khau tin dunya:

8/ Tui Tổng cục Thống kê, bilan ini, jien mek tame meng bruk pablei pandap tabiak negar langiu di taneh ia tui kuhria hu 12 tỷ 700 triệu đô la Mỹ, ralo jang duk saong bilan dahlau. Pandap pablei tabiak negar langiu hu jien mek tame rilo jang bilan dahlau nan lac: brah; talei điện saong cáp điện; cao su, kadung bak, pandap limin… Kuhria dalam  quý 1 thun ini, jien mek tame meng pandap panda pablei tabiak negar langiu dalam taneh ia nan lac 35 tỷ 700 triệu đô la Mỹ, ralo jang 7% duk saong dom bilan ini thun dahlau.

9/ Urang Italy dak harei dak taha song umo prong di urang dak harei dak glong jang, song bruk menuac sia daok taha nao daok ngak jeng sa naong trak ka taneh ia ni. Umo dak praong daok ngak jeng jeng sa áp lực biak khang ka kadung jien phúc lợi xã hội, dalam tukvak Italy dok dalam bruk khủng hoảng KT, saong daok mbuan ngak ka Italy patrun patakik urang ngak dalam harei hadei.

10/ Tổng thống Ghi-nê An-pha Côn-đơ barau brei thau, bruk y tế khẩn cấp dalam 45 harei di 5 khu vực piah pacang cakak bruk njom mbak di jit Ebola. Dom labik hu jit tamuh khang di abih nan lac gah pai saong Tây Nam Ghi –nê./.