1 # Harei kabroi (22/2), akaok negar Trương Tấn Sang nao rivang saong ngak bruk pak tỉnh Quảng Ngãi. Akaok negar taong yaom glaong karja, bhap bani saong tapon nyom bol pan phao kraong, hu sangka tal raidiuk bhap bini, pasiam jalan mbak nao mai, jalan điện, khik caga môi trường sinh thái. Akaok negar pandar karja tỉnh ngak siam bruk quy hoạch, pamong tal bruk patagok tui jalan atah prong; daong ka Lý Sơn dalam harei hadei hu ginup meda saong gheih mekre.

2/ Biar harei karoi 22/2, Ủy viên mintri chính trị, Bí thư thành ủy ban raya HCM Đinh La Thăng saong dom urang dang akaok UB bhap bini ban raya, urang dang akaok sở y tế hu nao rivang saong tadhau yuh bác sĩ Trần Đông A di tuk pahadar harei “gru jru VN 27/2”. Bác sĩ Trần Đông A dahlau daih lac phaok Giám đốc sang iek ruak nhi đồng 2. Ong dane angan dalam saong langiu taneh ia ka bruk blac daraih dua anek naih gam gauk Việt – Đức di thun 1988. Ini lac sa bruk blac draih oh ka hu tacei dalam y văn kayua sa dalam dua kamuan njauk bại não saong hu klau gah takai min. Meng dom rik daong ka gah y tế karja, giáo sư, tiến sĩ, bác sĩ Trần Đông A hu pok brei huân chương lao động, angan gru jru Nhân dân.

3 # Page harei kabroi (22/2), Ủy viên Bộ Chính trị - Phó Thủ tướng Nguyễn Xuân Phúc hu nao pasang iek saong tacei pato bruk pacang tua riya pandiak bhang pak tỉnh Ninh Thuận. Pathau khan haong Phaok Thủ tướng, ong Lưu Xuân Vĩnh, Akaok Ủy ban Bhap bani tỉnh Ninh Thuận ndom lac: binek sông Sắt hu dung tích thiết kế labaih 69 triệu mét khối, min urak ini aia daok hu jaik 19 triệu mét khối min, oh ka tal 27% dung tích thiết kế. Tal bilan 4, meyah oh hu hajan, bilan Hè - Thu bhum Bác Ái oh daok pala drak hu. Tacei pato bruk pacang tua riya pandiak bhang di ini, Phaok Thủ tướng Nguyễn Xuân Phúc lac: “jalan ngak  nan lac oh caik mikva kurang brah mbang, aia menyum ginup abih. Nan lac dua kadha praong urak ini dalam bilan ini. Njauk tacei pato brei salih janih phun pala anek athur raong ka nyu catang jang. Taong abih bruk ini njauk ba tame sarak di Huyện ủy, tacei pandar Đảng bộ yaok xã, jak ba mikva ngak tui. Tacei pato khang, cambaih laih, abih di nyu lac ginup aia, ginup brah, oh caik rah tabiak jit ruak, khuah glai”.

4/ Oh ka thun halei ia mbak njom samar saong njom dalam tame baoh taneh yau thun ini. Bruk ini nyu ngak ka gah chức năng saong urang nông tỉnh bến tre yaom lac hu caga pacang meng camereip min oh pacang hu. Yaok pluh ribau ha padai njauk khat lahik kayua độ mbak biak trak, dalam tuk yaok ribau ha phun mbang baoh, njam patam mbuan khat lahik abih.

5 # Dom harei ini mai tal pulao huyện Tân Phú Đông, tỉnh Tiền Giang manuac urang drei hu mong mboh pandiak bhang khang, mbaok taneh thu talah, phun kayau thu lagu kayua kurang aia. Abih di nyu nan lac , aia khik piah ngak mbang ngak huak menei gei dalam sang jeng thu abih, njauk pandar aia meng dom balai xử lý aia. Yau nan min dom danao kavei padang aia angaok pulao ini thu abih. Piah caga pandiak bhang, mbak, ralo baoh sang di bhum pulao ini hu padang ngak hồ, kavei atau takac danao tauk blaoh ni-lông padang aia piah pandar dalam bilan thu. Min, ini lac jalan ngak di anak meta saong aia tok ginup pandar dalam sa tukvak katut panak.

6/ Nyaom darak DL dunya Vn 2016 hu rah tabiak meng harei 14 tal harei 17/4 di pasak nyaom darak parang iek VN di HN. Ini lac panuac hu ba tabiak di mbang họp báo kayua hiệp hội lữ hành VN pambuak saong tổng cục DL saong Ub bhap bini ban HN peih tabiak biar harei karoi 22/2 di HN. Nyaom darak DL dunya VN thun ini hu angan “VN – suraga tasik pulao”, tui kuhria hu jaik 500 gian hàng, ngan saong yaok ribau pandap DL VN jeng yau DL tasik pulao piah yaih khan, pabak ka doanh nghiệp saong tuai damuai dalam saong langiu taneh ia. 

7 # Dalam harei aia bulan bak baoh BILAN SA yaok thun, bhap bani Dao bhong di huyện Bảo Thắng, tỉnh Lào Cai pataom gauk peih ngak adat kakuh yang glai. Ini lac sa adat cambat meng kan mai. Kalan kakuh yang glai di urang Dao bhong hu caik pak palei Đông Căm, xã Gia Phú, huyện Bảo Thắng, tỉnh Lào  ka palei sa thun hu angin siam hajan laghaih, pala tangeiy hu tangeiy ngak padai hu padai, anek taco khang tangin kajap takai, athur raong oh njauk jit ruak.

Patui di ini dom khau tin dunya:

8/ Biar harei kabroi 22/2, di ban ine Viêng Chăn, Ủy ban bầu cử negar Lào hu peih họp báo brei thau dom asal kadha pambuak tal bruk bầu cử QH Lào mbang 8 saong hội đồng bhap bini pakat tỉnh. Tiến sỹ Ku-kẹo Ắc-khạ-môn-ty - Chủ nhiệm Ủy ban Đối ngoại negar Lào, urang brei panuac di UB bầu cử negar Lào brei thau 3 asal kadha praong di bruk bầu cử urang ka QH lào mbang 8 saong urang ka hội đồng bhap bini pakat tỉnh, nan lac, tanut chuẩn di urang tabiak ứng cử, số lượng cử tri saong bruk kuhria caga ka harei bầu cử dalam taneh ia di harei 20/3/2016.

 9 # Harei kabroi (22/2), urang jakar Fiji brei thau takik abih 20 urang metai tuk ribuk nhiệt đới Uyn-xtơn tuh tame negar pulao Thái Bình Dương ini. Ribuk nhiệt đới Uyn-xtơn hu mong yau sa dalam dom mbang ribuk khang abih di labik Nam Bán cầu, nyu nao tapa  Fiji ngan haong pren angin tagok tal 230 kilômét sa tuk. Mbang ribuk ini ngak klaoh talei điện, aia saong liên lạc pak negar pulao hu 900 ribau urang ini. Raja-ei Fiji hu tabiak bruk khẩn cấp dalam 30 harei.

10/ Harei kabroi 22/2, yaom menyek dunya tagok veik hadei di tuk jabat năng lượng dunya kuhria mboh dahlau lac sản lượng menyek đá phiến di Mỹ meda trun dalam thun ini saong thun tal. Bruk ini hu daong patrun bruk ngak tabiak menyek rilo jang pandar yau urak ini di drak dunya, daok ngak ka yaom menyek trun biar di abih dalam labaih pluh thun tapa./.