1/ Dalam danak dak uan raok thun bahrau 2015 kayua UB urang VN dok di negar langiu (mintri ngoại giao) pambuak bruk song UB bhap bini ban raya HCM peih ngak, harei kabroi 8/2 di ban raya HCM akaok negar Trương Tấn Sang song rilo urang VN daok di negar lingiu hu mai pok gilau dom Vua Hùng di mblang bein sajarah dak rai ilamu bangsa, pok gilau pahadar Chủ tịch Hồ Chí Minh di Bến cảng Nhà Rồng song palao ikan chép tui adat cambat meng kan di bangsa di ribaong Tàu Hũ.

2/ Tuk tết anek sak pabe 2015, ong Ngô Văn Dụ, Ủy viên mintri Chính trị, Bí thư Trung ương Đảng, Chủ nhiệm Ủy ban pasang iek Trung ương  hu mai rivang, alin hadiah pandap ka dom baoh sang sarak karja hadah krah dalam huyện Yên Lạc, tỉnh Vĩnh Phúc. Lambaok ka urang dang akaok Đảng, karja, ong Ngô Văn Dụ hu alin hadiah 150 paok pandap ka dom baoh sang amaik VN anh hùng, baoh sang sarak karja, baoh sang gaok kan kandah dalam xã Hồng Châu, Đại Tự, Liên Châu di huyện yên Lạc, tỉnh Vĩnh Phúc.

3/ Bahrau ni, kapul ngak bruk kayua amuk Hà Thị Khiết, Bí thư Trung ương Đảng, Trưởng Ban Dân vận Trung ương ba akaok kapul hu nao rivang song brei pandap “Tết kayua urang kan kathaot, urang njauk jru klik kruac” di dom huyen Chiêm Hóa, Hàm Yên, Lâm Bình, Nà Hang (Tuyên Quang). Kapul hu brei 20 pok pandap tết ka 20 boh sang, yaok pok 500 ribau đồng. Kapul jeng nao rivang song brei pandap ka dom boh sang dalam sarak karja, boh sang kan kathaot dok di 3 huyen Chiêm Hóa, Lâm Bình song Nà Hang, yaok huyện 50 pok pandap, yaok pok yaom 500 ribau đồng.

4/ Harei kabroi 8/2, dalam parang iek gah ngak nông VN, ban HN hu rah tabiak nyaom darak Xuân anek sak pabe kayua pasak xúc tiến pablei salih gah ngak nông, mintri ngak nông saong patagok palei pala peih tabiak. Labaih 300 gian hàng di jaik 200 đơn vị, doanh nghiệp hu ba mai ka nyaom darak pasar dom janih kaya nông di dom puk palei dalam taneh ia.

5/ Piah patrun patakik bruk hkuak patuh rah tabiak dalam tuk tết anek sak pabe, Sở cảnh sát pacang padam apui khuak, Công an ban sit Đà Nẵng jhul khang bruk pathau khan paglong akaok sahaneng ka bhap bini dalam bruk pandar điện piah trang trí, bruk pok kakuk song biển hiệu quảng cáo.Ban sit hu tacei dom đơn vị hu pagam tal patagok bruk pacang caga khuak patuh tui jalan “Pacang nan lac bruk prong”, kakei bhap bini khik caga bruk pandar điện, samar pacang caga khuak patuh.

6/ Peih ngak danak dak tết ka urang kan kathaot, kapul ngak bruk di gilang pariak sarak karja hu mai alin hadiah pandap Tết ka 273 baoh sang kan kathaot, baoh sang gaok kan kandah di xã Yang Mao, huyện Krông Bông, Đắk Lắk. Ini oh lac brei mboh bruk anit ranam daong ka urang kan kathaot saong baoh sang gaok kan kandah bo daok rik daong peih ngak dom sarak, jalan ngak di Đảng, karja dalam bruk khik kajap an sinh XH.

7/ Kapul urang Quốc Hội tỉnh Tiền Giang bahrau peih bruk nao rivang song brei pandap tết ka 90 cử tri lac boh sang dalam sarak karja, boh sang kan kathaot dok dalam tỉnh. Di dom boh sang hu kapul nao rivang,  kapul hu tangi sua, pachreih ba mik va  kham merat yam tapa kan kandah, tari traing ngak mbang tani tanat rai duik. Kapul hu brei ka yaok boh sang sa pok pandap yaom 400 ribau đồng. Langiu di nan, kapul dok nao rivang saong alin hadiah pandap ka 33 urang dahlau deih lac urang Quốc Hội umo taha, yaok pok pandap yaom 700 ribau đồng.

Patui di ini dom khau tin dunya:

8/ Harei kabroi, Tổng Lãnh sự quán Việt Nam di tỉnh Osaka, Nhật Bản, hu peih bruk pataom mbaok uan thun barau anek sak pabe 2015. Jaik 300 tuai lambaok ka karja, doanh nghiệp, hội đoàn, kapul hữu nghị saong VN, ayut sahabat dunya hu mai klah rabha bui sambai saong bhap bini urang VN, sinh viên, tu nghiệp sinh di tỉnh Osaka, Nhật Bản, rok thun barau tui ilamu meng kan saong tui adat cambat VN.

9/ Tổng thống Indonesia Joko Widodo (Giô-cô Uy-đô-đô) hu mbang rivang pakat karja mbang camereip tal negar Philippines. Ni lac labik padeih takai luac di abih dalam mbang nao rivang 3 negar Đông Nam Á di Tổng thống Widodo, dalam nan hu Malaysia song Brunei. Tui kuhria Tổng thống Widodo hu taom gaok tổng thống Philippines Benigno Aquino III (Bê-ni-nhô A-ki-nô III dalam harei ni piah mbaoh tangin tame dom harakk pambuak bruk di 2 gah.

10/ Jabat y tế tỉnh Quảng Đông (Trung Quốc) barau khan lac hu sa urang njom cúm A H7N9 barau abih di tỉnh ini, patagok urang njom cúm di tỉnh Quảng Đông jeng 40 urang kuhria meng akaok thun 2015 tal ini. Jabat y tế tỉnh Quảng Đông hu panuac lac, tukvak dahlau saong hadei Tết lac tukvak tabung glaong di bruk pajeng ba saong sik menuk ada, nan ye bruk njom mbak saong tamuh tabiak cúm A H7N9./.