1 # Biar harei (17/12) pak Hà Nội, Tiểu ban Văn bản pháp luật saong Thông tin tuyên truyền di Hội đồng Bầu cử Quốc gia hu peih mbang ginum biai ka sa. Taong yaom siam ka dự thảo quy chế ngak bruk di Tiểu ban, Phaok Akaok Quốc hội Tòng Thị Phóng pandar lac dalam bruk pathau khan ka bầu cử njauk caik hatai tal bruk khan brei thau dahlau, dalam saong hadei di bầu cử. Quy chế jeng hu ndom cambaih laih trách nhiệm pambuak bruk haong dom jabat chức năng piah ngak bruk di drei.

2/ Thủ tướng rajaei brei parabha 377 tỷ đồng ka 16 tỉnh meng phun jien tăng thu, patak pataom pandar cai kadung jien Tư thun 2014 piah peih bruk định canh, định cư ka bhap bini bangsa takik du canh, du cư. Nan lac dom tỉnh Cao Bằng; Yên Bái; Phú Thọ; Sơn La; Lai Châu; Điện Biên; Quảng Trị; Quảng Nam; Thừa Thiên Huế; Quảng Ngãi; Bình Định; Ninh Thuận; Gia Lai; Kon Tum; Bình Phước; Sóc Trăng.

3 # Pak Hà Nội, Mentri Tư pháp bahrau peih van taom mbaok ban soạn thảo, tổ biên tập saong dom jabat kapul nyaom, manuac urang hu mbaok tame bruk padang ngak Dự án Bộ luật dân sự pasiam veik saong Bộ luật hình sự pasiam veik bahrau hu brei tapa di mbang nyaom ka 10 Quốc hội mbang 13. Ini lac 2 văn bản pháp lý biak prong pambuak pagam tal quyền anek manuac saong quyền công dân.

4/ Harei kabroi 17/12 di jabat ngak bruk mintri ngoại giao, phaok thủ tướng, akaok mintri ngoại giao Phạm Bình Minh hu taduan phaok akaok thường trực karja bhap bini khu tự trị bangsa Choang Quảng Tây, TQ Đường Nhân Kiện. Phaok Thủ tướng Phạm Bình Minh caong khin dalam tukvak tal, Quảng Tây patui pambuak bruk khang kajap saong dom mintri, ngành, puk palei di VN, kham merat jhul pakhang talei pambuak bruk dalam dom gah kinh tế, pablei salih, đầu tư, jalan mbak pajeng ba, ngak nông, du lịch.  

5 # Pak Hà Nội bahrau rah tabiak Nyaom biai di Thành đoàn Hà Nội saong Thành đoàn Viêng Chăn- Lào, mboh tangin tame harak kanal hadar patagok talei rohim pambuak bruk nao mai di dua gah vaktu 2016 - 2020. Tui nan patui jalan palaghaih piah ka dom kapul nyaom, đơn vị kinh tế, doanh nghiệp ranaih dalam dua bal pambuak bruk haong gauk patagok taong abih gah.

6/ Di HN, mintri ngoại giao pambuak bruk saong mintri ngak nông saong patagok palei pala barau peih nyaom meyai pakat dunya ‘paglaong kein laba talei pambuak bruk ngak nông dalam tukvak barau tuk mbeik drei tame dunya”. Di nyaom meyai dom tham luận hu pataom tame ngak brei cambaih laih dom mbuan lagaih saong dom tavak tavaiy dalam bruk jhul pakhang pablei kaya nông tabiak negar langiu di VN; dom jalan ngak jhul pakhang pablei salih kaya nông.

7 # Meng akaok thun tal ini, bal Đà Nẵng peih bruk pasang iek labaih 7.000 labik pablei salih pandap mbang menyum, duah mboh saong taong phạt labaih 100 cơ sở, ngan haong yaom jien 250 triệu đồng. Dom bruk suan adat hukum hu mboh ralo nan lac  vệ sinh cơ sở oh ka njauk haong adat hukum, urang dang ngak oh ka hu pato pathram saong pasang iek pren yava tui định kỳ, pandap mbang langiu jalan oh grap tanat vệ sinh an toàn thực phẩm. Ong Đặng Việt Dũng, Phaok Akaok Ủy ban bhap bani bal Đà Nẵng lac: “Kayua Tết ini, khaol drei hu padeih ralo harei, mbang menyum pandap panda pablei langiu jalan ralo nan ye njauk patagok pasang iek. Njauk pataom tame pasang iek dom janih pandap mbang menyum, nan lac labik pablei tabiak, hu bhap bani blei ralo. Bruk ni njauk peih ngak dahlaui tết âm lịch saong dương lịch”

Patui di ini dom khau tin dunya:

8/ Đại sứ Việt Nam di Indonesia Hoàng Anh Tuấn barau hu var taom gaok akaok mintri patagaok palei pala – dom bhum kan kandah saong di trú taneh ia cộng hòa Indonesia Marwan Jafar. Akaok mintri Marwan Jafar tadhau yuh ong Hoàng Anh Tuấn  taduan bruk barau nan lac Đại sứ đặc mệnh toàn quyền Việt Nam di Indonesia;  brei thau hatai bui sambai anak dom bruk patagok siam mekre dalam talei pambuak bruk dua taneh ia dalam yaok gah meng kinh tế, pablei salih, đầu tư, ilamu, pato megru tal bruk ngak nông. 

9 # Phi-líp-pin saong Ti-mô Lét-tê (Timor-Leste) harei 17/12 njauk gauk brei jhul pakhang jang talei pambuak bruk nao mai di dua negar, abih di nyu nan lac dalam bruk ngak mbang kinh tế. Bruk nan rah tabiak hadei di mbang taom gaok di Akaok Mentri Ngoại giao Phi-líp-pin An-bớt đen Rô-xa-ni-ô (Albert del Rosario) saong Akaok Mentri Ngoại giao Ti-mô Lét-tê, Hê-na-ni Cô-en-hô Đa Xin-va (Hernani Coelho Da Silva) rah tabiak dalam harei nan pak bal ine Ma-ni-la (Manila) di Phi-líp-pin.

10/ Nga saong TQ barau mbaoh tangin tame labaih 30 harak pambuak bruk ka dom gah năng lượng, đầu tư, jien padai, công nghệ glaong saong ralo gah karei. Thủ tướng TQ Lý Khắc Cường ndom lac bruk mbaoh tangin tame dom harak nan, brei mboh talei pambuak bruk di TQ – Nga daok yam tagok glaong jang./.