1 #  Thủ tướng Raja-ei bahrau mboh tangin tame harak pasiam veik, pabak Quyết định ka 42/2012/QĐ-TTg harei 8/10/2012 di Thủ tướng raja-ei ka bruk daong kapul nyaom, jabat pandar urang ngak lac urang bangsa takik daok pak bhum ceik, bhum biak kandah. Tui nan, kapul nyaom, jabat pandar urang ngak hu áp dụng định mức lao động samu 80% định mức lao động chung di kapul nyaom, jabat piah khoán atau bayar công ka urang ngak nan lac urang bangsa takik. Tukvak pandar nan lac 5 thun ngan haong sa urang ngak tame ngak bruk dalam jabat.

2/ Tổ máy ka 1 công trình thủy điện Lai Châu hu công suất 400 MW barau ba điện mbang akaok meti tame jalan điện negar. Ini lac công trình thủy điện hu yaom glaong dalam bruk phát điện, pabak ia ka bhum taneran kraong Hồng di bilan pandiak saong daok peih tabiak jalan daong patagok kinh tế - XH dua tỉnh Lai Châu saong Điện Biên,  khik kajap an ninh QP bhum Tây Bắc.

3 # Tui Sở Pato megru tỉnh Sơn La, yaom lac jaik abih học kỳ I thun bac  2015-2016 min anek saih di dom sang bac bhum glaong, bhum atah bayah jeng oh ka ginup tapuk giáo khoa dom môn mỹ thuật, âm nhạc, công nghệ saong giáo dục công dân. Abih di nyu hu jaik 2.000 anek saih klak bac meteh dhi. Makna di bruk klaak bac meteh dhi nan kayua rai diuk sang kan kandah, sang kurang urang ngak nan ye anek saih njauk daok sang daong ngak bruk sang.

4/ Nyaom darak thời trang VN 2014 hu rah tabiak meng harei 22 tal harei 27/12/2015 di HN. Nyaom darak pachreih hu 250 doanh nghiệp gam saong 400 gian hàng yaih khan dom pandap menyim jhik, takhaok, mỹ phẩm. Ini lac bruk xúc tiến pablei salih saong daok lac tuk piah ka dom doanh nghiệp yaih khan dom pandap barau pabak bruk blei pandar di bhap bini dalam bilan giáng sinh saong thun barau 2016.

5 # Ngan haong kadha “Hành khúc quân ca”, Ủy ban Mặt trận negar Việt Nam bal raya Hồ Chí Minh pambuak haong Rayo papar binguk bahrau peih ngak danak dak giao lưu, taom gaok haong dom kapul nyaom urang jakar bol lin naih gheih dalam bruk khik caga chủ quyền tapen negar. Pok panuac dalam van giao lưu, ong Nguyễn Hoàng Năng, Akaok Ủy ban Mặt trận Negar Việt Nam bal raya Hồ Chí Minh ndom lac: “Công lao di dom urang jakar urang lin hu mbaok harei ini, lac bruk sa hatung hatai haong gauk dalam negar njauk glaong jang piah ka khaol drei kham merat ngak siam bruk ngak di drei. Bhap bani bal raya jeng daok nao gam haong dom sa-ai peih ngak bruk ngak prong glaong ini”.

6/ Tỉnh Tiền Giang barau peih bruk brei thau tỉnh mek hu tanut chuẩn phổ cập pato megru mầm non ka uranaih umo 5 thun. Piah hu yau nan, tỉnh TG hu ralo jalan ngak yau: Pathau khan dalam dalam dom pakat, ngành saong bhap bini ka bruk pachreih uranaih dalam umo nao bac; buh jien padang ngak sang bac , tal bac, jhul pakhang XH hóa bruk phổ cập pato megru mầm non ka uranaih umo 5 thun. 

7 # Công ty cổ phần caoh mbanh chuyên nghiệp Việt Nam (VPF) saong  24 đội mbanh hu mbaok dalam V-League saong giải pakat sa negar thun  2016 bahrau nyaom pak Hà Nội piah kuhria caga ka mùa giải 2016. Nyaom biai hu ndom tal ralo bruk di mùa giải bahrau yau daong tài trợ, patagok cổ động viên, pacang cakak tiêu cực... meng panuac ndom di dom câu lạc bộ, VPF ba tabiak điều lệ ka mùa mbanh 2016 piah peih ngak. 

Patui di ini dom khau tin dunya:

8/ Karja Xinh-ga-po barau brei thau, sa kapal pajeng menyek saong sa kapal pajeng pandap  paoh gauk di labik eo tasik Xing-ga-po, atah pulao Ba-tam di Inđônêxia 11 ki-lô-mét, ngak brei kapal pajeng pandap kram saong 6 urang lahik. Urak ini karja Xinh-ga-po hu pambuak bruk saong In-đô-nê-xi-a daok duah 6 urang lahik.

9 # Ginum biai vòng 7 pakat chuyên viên parabha lbhum đặc quyền ka kinh tế Việt Nam – In-đô-nê-xi-a bahrau rah tabiak pak Hà Nội. Pak mbang nyaom ini, dua gah patui veik ginum biai dom kadha pambuak pagam tal bruk parabha ranh giới bhum đặc quyền kinh tế di dua negar tui adat hukum dunya, abih di nyu nan lac công ước di Liên hợp quốc ka Hukum taskik thun 1982. Akaok kapul nyaom ginum biai dua negar njauk hatai haong gauk bruk ginum biai ini meda daong ngak brei patagok talei pambuak bruk di Việt Nam – In-đô-nê-xi-a.

10/ Hội đồng Bảo an Liên hợp quốc barau tabiak panuac ieu dom taneh ia thành viên brei hu trách nhiệm pháp lý dalam bruk mesruh pacang pablei menuac, taphia di nan kham merat pacang cakak kol pablei menuac. Dalam sa panuac ndom barau ini, hội đồng bảo an brei thau, bruk pablei menuac daok ngak xói mòn dom adat hukum, ngak jeng rilo janih tội phạm hu tổ chức saong meda ngak catang tagok dom bruk srau kadau jeng yau lahik an ninh./.