1 # Tukvak pahadar 71 thun harei padang Bol bala bhap bani Việt Nam saong 21 thun harei nyaom quốc phòng taong abih bhap bani, Kapul urang jakar Ban Tacei pato Tây Nam bộ kayua Thiếu tướng Nguyễn Đoàn Kết, Akaok Vụ An ninh - Quốc phòng Ban Tacei pato Tây Nam bộ dang akaok kapul  nao rivang dom jabat quân sự  dalam tỉnh Tiền Giang. Jeng dalam tukvak nan, kapul jeng hu nai rivang, tadhau ayuh Giáng sinh  dom labik thờ tự Công giáo saong Tin Lành dalam tỉnh.   

2/ Di HN, mintri lao động – TB saong XH barau peih bruk pahadar 25 thun VN mbaoh tangin tame công ước LHQ ka quyền uranaih. Brei panuac di mbang peih bruk, phaok Thủ tướng Vũ Đức Đam ndom lac, công ước di LHQ ka quyền uranaih nan lac harak ndung bak tính nhân văn brei mboh meta maong “uranaih harei ini dunya harei hadai” saong caong khin “brei ka uranaih hu dom siam mekre di abih” di 0menuac sia dunya. VN hadah mbaok lac taneh ia akaok meti di Châu Á mbaoh tangin tame công ước. Hukum, sarak di karja gam saong ralo bruk ngak di bhap bini piah khik caga dom quyền di uranaih. 

3 # kapul khik iek di đồn biên phòng Quảng Đức, huyện Hải Hà, tỉnh Quảng Ninh bahrau duah mboh saong cap khik jaik 40kg pháo patuh pajeng ba lậu. Pak jabat điều tra, urang angan Lê Văn Chánh menek thun 1986, daok pak thôn 6, xã Quảng Long, huyện Hải Hà, tỉnh Quảng Ninh brei thau lac blei veik pháo nan meng Trung Quốc ba mai Việt Nam piah pablei. Urak ini đồn biên phòng Quảng Đức daok cap khik urang ini gam haong số pháo patuh angaok nan piah patui veik bruk psang iek, hoàn thiện harak ba-ar hồ sơ saong peih bruk taong phạt njauk tui adat hukum di karja. 

4/ Tal urak ini, tỉnh Quảng Ngãi hu jaik 1 triệu urang hu mbaok blei BHYT, mek hu jaik 80% menuac sia dalam tỉnh. BHXH saong dom ngành, puk palei di tỉnh Quảng Ngãi patui pathau khan jak ba bhap bini blei BHYT, kham merat tal thun 2020, tỉnh ini hu peih ngak njauk lộ trình BHYT toàn dân. 

5 # Tỉnh Phú Yên bahrau peih dom mbang tabung glaong nao pasang iek an toàn vệ sinh pandap panda tukvak tết Nguyên đán. Dom kapul nyaom pasang iek liên ngành pataom tame dom labik pablei tabiak pandap panda prong yau siêu thị, labik blei tame pandap panda, tapa nan pacang caga bruk ngak tabiak, pablei salih pandap ja, pandap ngak mblah, pandap oh hu chất lượng, tapa vaktu pandar, oh thau cambaih laih asal di nyu saong pandar nguyên liệu thực phẩm oh grap tanat an toàn. 

6/ Jalan ba ia pandar ka  Phước Trung huyện Bác Ái, tỉnh Ninh Thuận barau hu ngak salah bloh saong ba tame pandar langyah hu bruk  kurang ia di bhap bini labik ini. Sang mac ia hacih Phước trung hu công suất 354 m3 sa harei melam, ngak bruk luac harei melam pabak ginup ia hacih ka taong abih 4 palei dalam xã. Dom jalan nding hu padang ngak tal puk palai. Saai Katơ Thị Dí, bhap bini palei Tham Dú bui sambai khan lac: “Kayua hu ia hacih, drei cadu glaih glar. Bloh hu ginup ia menay ka anek hu hacih”.

7 # Piah khik ramik saong patagok yaom ilamo meng kan di bhap bani Cam, Phân viện roh duah ilamo thông tin bal raya Hồ Chí Minh, Chi hội bangsa Cam bahrau peih pakak tal roh duah saong pato tacei kadha daoh bhap bani Cam ka 39 urang nan lac anek saih, sinh viên Cam. Urang bac hu dom urang taha, nghệ nhân Cam pato dom cấu trúc âm thanh, dom ragu ragam di kadha daoh bhap bani Cam, dom jalan daoh kadha daoh bhap bani yau: daoh dam dara, daoh  ngâm…sa-ai Abdol Halim daok ngak bruk pak bal Hồ Chí Minh hu mbaok dalam tal bac brei thau:

Băng tiếng Chăm:   

Patui di ini dom khau tin dunya:

8/ Cảnh sát pacang khủng bố Inđônêsia barau khan brei thau cap hu dom urang medil lac phiến quân hồi giáo di 5 ban angaok pulao Gia-va, taphia di nan ngak tayah bruk bruk kuhria taong mbom khủng bố tame bhap bini bangsa takik urang Si-ai dalam tuk giáng sinh saong thun barau jaik tal. Bruk pagui cap di cảnh sát pacang khủng bố Inđônêsia hu peih tabiak dalam dua harei tapa, meng hu tình báo liên bang Mỹ saong cảnh sát liên bang Ôxtrâylia brei thau. Inđônêsia hu ba labaih 150 ribau urang an ninh tabiak khik caga dalam tuk giáng sinh saong thun barau ini.  

9 # Mentri Quốc phòng Thái Lan brei thau, tapa duah thau bruk tham nhũng padang ngak mblang bein Rát-chạ-pác (Ratchapakdi) daok iew lac Mblang bein 7 patao Thái Lan daok hu peih ngak saong hu poktagok ka Phaok Thủ tướng gam lacAkaok Mentri Quốc phòng Pra-vít (Prawit Wongsuwan) dalam puac bilan ini. Ini lac mbang akaok meti Mentri Quốc phòng Thái Lan brei thau vaktu  điều tra bruk tham nhũng daok ngak megei chính trường Thái Lan urak ini. Meyah mboh lac dự án hu tham nhũng, nyu meda ngak patrun angan je di Thủ tướng Pra-dút kayua lac tapa pasang iek duah thau dalam labaih sa thun tapa hu mboh, bhap bani Thái Lan tuk halei jeng caik tanut tín nhiệm glaong tame bruk tapak tape dalam bruk ngak di Thủ tướng Pra-dút (Prayuth Chan-ocha).

10/  Dom urang ngak praong 3 taneh ia TQ, NB saong HQ barau peih bruk ginum meyai 3 gah di ban Thanh Đảo, TQ ka gah ilamu saong njauk hatai ka sa jalan ngak piah ndom meyai nao mai ilamu. Dom urang iek gah ilamu di 3 taneh ia hu ginum meyai dom kadha pambuak tal bruk peih Olympic Games di 3 taneh ia dalam tukvak tal nan lac:  Olympic bilan brak 2018 tại Piêng-chang, Hàn Quốc, Olympic bilan Hè 2020 di Tokyo, Nhật Bản saong Olympic bilan brak 2022 di Bắc Kinh, Trung Quốc. Lambaok Trung - Nhật - Hàn njauk hatai peih bruk ginum meyai 3 gah ka bruk thể thao di Seoul (Hàn Quốc) di bilan 5/2016./.