1 # Hadei di 8 harei ngak bruk, biar harei kabroi (21/12) pak Hà Nội, Nyaom biai mbang ka 13, Ban Chấp hành Trung ương Đảng khóa XI hu tamat blaoh. Tổng Bí thư Nguyễn Phú Trọng pal akaok saong hu kadha ndom puac prong dalam van tamat nyaom biai.  TBT khan lac: Nyaom biai hu jak jeng siam mekre; ralo asal kadha prong kuhria caga ka Nyaom roya mbang XII di Đảng hu ngak blaoh tui njauk jalan ba tabiak.

2/ Thủ tướng rajaei barau abiak quyết định công nhận dom đơn vị hành chính di tỉnh Kiên Giang saong tỉnh Khánh Hòa lac xã pulao. Cambaih laih nan lac, công nhận 17 xã, ban sit di 4 đơn vị hành chính pakat huyện di tỉnh Kiên Giang lac xã pulao. Dalam nan, huyện Phú Quốc hu 10 đơn vị. Huyện Kiên Hải hu 4 đơn vị. Huyện Kiên Lương hu 2 đơn vị. Di tỉnh Khánh Hòa, thủ tướng rajaei công nhận 6 đơn vị hành chính pakat xã.

3 # Pak jabat Raja-ei, Phaok Thủ tướng Hoàng Trung Hải bahrau taduan raok kapul urang lambaok Mentri Thương mại, Công nghiệp saong Môi trường Timor Leste kayua akaok mentri Côn-stăng-si-ô Pin- Tô (Constancio da Conceicao Pinto) ba akaok mai rivang saong ngak bruk pak Việt Nam. Phaok Thủ tướng Hoàng Trung Hải hu panuac lac, talei rohim pambuak bruk nao mai di Việt Nam saong  Timor Leste  daok cakrok patagok siam, abih di nyu NAN LAC dalam gah ngak mbang kinh tế, pablei salih. Pak van taduan raok, Akaok mentri Constancio Pinto jeng ba tabiak kadha pambuk bruk, abih di nyu bruk Việt Nam pachreih tui Timor Leste hu mbaok tame ASEAN, ba urang hu ilamu tapa daong ka Timor Leste gah pato megru, ilamo.

4/ Di ban raya HCM, tổng cty điện lực gah meraong hu peih bruk tabiak mbaok pasak iek glang tuai damuai. Pasak lac labik pataom bruk iek glang tuai damuai, tham mưu dalam bruk dak padang sarak, jalan ngak dom danak dak iek glang, dịch vụ tuai damuai ka tổng công ty. Ini lac labik pabak ka tuai damuai dom kênh liên lac yau điện thoại, SMS, email, web, chat, mobile apps..., brei adat tuai damuai giao tiếp saong tổng công ty, dom công ty điện lực saong điện lực dom quận, huyện yaok tuk, yaok labik.

5 # Uỷ ban bhap bani tỉnh Bình Định bahrau buh brei dahlau jaik 29 tỷ đồng ka Công ty Sài Gòn – Coop Bình Định, Công ty pablei salih ngak tabiak pablei tabiak blei tame Anh Nhật saong dom huyện bhum ceik piah khik piah dom janih pandap thiết yếu, daong khik caga tani tanat yaom kaom darak pasar di puac thun saong pablei Tết Nguyên đán Bính Thân 2016. Dom janih pandap hu mbaok dalam danak dak nan lac: brah, menjek mbang, bột ngọt, rilo athur, rilo – baoh menuk ada, njam patam, baoh karaoh, dom janih har tết v.v... Tukvak peih ngak danak dak grap tanat yaom kaom nan lac 3 bilan, meng harei 20-12-2015 tal harei 20/3/2016.

6/ Ralo radaih abih tukvak kiểm định min jeng daok nduac hu jabat chức năng tỉnh Bình Thuận pasang iek, duah mboh. Dalam nan hu dom radaih daok hợp đồng pajeng ba anek saih saong pajeng ba công nhân dom khu công nghiệp. meng akaok thun tal ini, kapul thanh tra jalan mbak saong liên ngành hu duah mboh, langyah 89 radaih pajeng tuai damuai (Dalam nan hu tal 7 radaih pajeng anek saih saong công nhân) vi phạm ka điều kiện pablei salih pajeng ba meng ô tô saong trật tự pajeng ba; hu quyết định cap khik 8 radaih, mek harak peih radaih di 53 urang, cap mek 2 harak peih radaih ja saong sa harak chứng nhận kiểm định kỹ thuật saong khik caga môi trường ja.  

Patui di ini dom khau tin dunya:

7 # “Ilamu ngak báo ka dom kadha praong ka urang pal akaok jabat báo chí Lào" nan lac angan di tal pasram megru paglaong ilamu ngak báo hu peih pakak page harei kabroi (21/12) pak bal ine Viêng Chăn (Vientiane)-Lào. Pak tal pasram mbang ini, dom gru pato nan lac dom nhà báo di Mentri thông tin saong truyền thông Việt Nam saong Rayo sap ndom Việt Nam meng ilamu lavik thun dalam bruk ngak meda klah rabha haong dom ayut sahabat Lào dom ilamu di drei dalam bruk ba tin dom kadha prong, abih di nyu nan lac dalam tuk Nyaom roya Đảng bhap bani cách mạng Lào meda hu peih tabiak dalam bilan 1/2016 gam haong dom kadha dalam thun Lào ngak Akaok salih gauk ASEAN.

8/ Dom akaok mintri ngoại giao, akaok mintri QP Ôxtrâylia saong Inđônêxia barau hu mbang taom gaok di ban Xit-ni, Ôxtrâylia. Ini lac mbang nyaom dua gah 2 pagam 2 piah ginum meyai ka bruk pacang khủng bố. Thỏa thuận ka bruk pacang khủng bố di Ôxtrâylia saong Inđônêxia mek hu dalam tuk Inđônêxia daok peih bruk pagui cap pamaong tame sa mạng lưới khủng bố di labik Đông Nam Á praong abih meng dahlau tal ini.

9 # Urang jakar Trung Quốc harei kabroi (21/12) brei khik catang an ninh pak labik megei baoh taneh  lam lihik 33 baoh sang di Đặc khu Kinh tế Thâm Quyến dalam tỉnh Quảng Đông, Trung Quốc. Thủ tướng Trung Quốc Lý Khắc Cường hu tabiak lệnh peih bruk duah thau ka  bala ini. Labaih 3 ribau urang jarka daong duah urang njauk bala hu ba mai. Kuhria tal urak ini, hu takik abih 91 urang jeng daok lahik hadei di mbang glut jaleih taneh ini. Bol lin urang jakar daong duah urang njauk bala daong duah hu 14 urang. Kayua huac lac gluh bok meda glut jaleih veik, urang jakar Trung Quốc hu peih bruk panduan ba nao labik karei jaik 900 urang daok jaik taphia labik ini./.