1/ Biar harei karoi 22/12, Ủy viên mintri Chính trị, akaok Ủy ban Trung ương Mặt trận negar Việt Nam Nguyễn Thiện Nhân hu nao rivang, tadhau yuh Ủy ban Đoàn kết Công giáo Việt Nam tuk Giáng sinh 2015. Ong Nguyễn Thiện Nhân hu hatai jia mikva giáo dân gam pan tangin gauk ngak mbang kaya meda, khik ramik trật tự trị an, gam hong gauk dak padang môi trường diuk rai siam di dom palei hu agama.    

2/ Pasak Báo tin megei baoh taneh saong cảnh báo riyak paoh – Viện Vật lý địa cầu brei thau, barau rah tabiak sa mbang megei baoh taneh di huyện A Lưới di tỉnh Thừa Thiên-Huế. Mbang megei baoh taneh rah tabiak di 18 tuk 44 minit melam kabroi 22/12 hu cường độ 3,4 độ richter. Ralo bhap bini daok di A Lưới jeng thau lac megei baoh taneh kayua nyu megei hasit. Yau nan, meng bilan 5 thun bloh tal urak ini, di huyện A Lưới saong labik gah pai, ban sit Hương Trà jaik A Lưới hu rah tabiak 15 mbang megei baoh taneh, dalam nan mbang megei baoh taneh khang abih rah tabiak di harei 15/5/2014 di huyện A Lưới ngan saong cường độ 4,7 độ richter, độ dalam chấn tiêu jaik 10km.

3/ Kapuk Chữ thập đỏ tỉnh Đồng Nai pambuak bruk saong kapul bác sĩ halan hatian tỉnh Đồng Nai saong kapul chữ thập đỏ tỉnh Kon Tum barau peih bruk iek ruak, brei jru saoh saong alin hadiah pandap ka mikva bangsa takik kan kathaot huyện Kon Rẫy.  Kapul hu iek ruak saong brei jru saoh ka 500 mbang bhap bini kan kathaot 2 xã Đắk Tờ Lung saong Đắk Pờ Ne; tacei pato pacang cakak saong iek dom janih ruak thông thường, mbang daok hacih saat; alin hadiah 500 pandap ka urang kan kathaot.

4/ Di nyaom meyai taom gaok cử tri dom gah y tế saong pato megru hadei mbang nyaom ka 10, QH mbang XIII, kapul urang QH tỉnh Kon Tum hu pang ralo panuac ndom di cử tri ka chất lượng pato megru piah pato megru bác sĩ, bruk vệ sinh an toàn pandap mbang menyum, bruk ô nhiễm môi trường. Cử tri caong khin gah chức năng pasang iek cambaih chất lượng pato dom labik pato megru bác sĩ oh pambuak tal y học; caong khin jhul pakhang bruk pathau khan, jak ba bhap bini ngak siam bruk an toàn pandap mbang menyum.

5/ Tỉnh Vĩnh Long tacei pato dom doanh nghiệp kuhria caga pandar yaom 200 tỷ đồng duh ka darak pasar. Pandap tani tanat yaom kaom di drak pasar Tết tagok 20% duk saong bialn thường dalam thun. Pataom tame 9 pandap nan lac: lương thực, ralao athur, menuk ada, baoh menuk ada, kaya ikan, pandap ngak tabiak, saradang, menyek, bột ngọt… Urak ini dom doanh nghiệp kuhria khik mepiah pandap, liên kết đặt hàng saong sang bein khik kajap bruk ba pandap dil tukvak tết.

6/ Giáng sinh 2015, urang dang akaok tỉnh Tiền Giang hu nao rivang tangi sua, tadhau yuh dom tổ chức công giáo dalam tỉnh yau: Tòa Giám mục Mỹ Tho; Dòng nữ thánh Phaolo; Ủy ban đoàn kết Công giáo tỉnh saong Ban lambaok Tin Lành di ban sit Gò Công. Di dom labik hu nao rivang, kapul hu khan brei thau dom jak jeng patagok kinh tế - XH di tỉnh dalam thun, taphia di nan tadhau yuh dom giám mục, linh mục, tu sĩ saong bhap bini giáo dân taduan rok bilan Giáng sinh bui sambai, hanem phon.

7/ Mesup kabroi  (22/12) mintri công thương ngak bruk saong ủy ban bhap bini ban raya HCM ka bruk kuhria caga pandap duh ka tết anek sak kara saong bruk ngak pacang cakak buôn la65u5, bleik saleik dalam pablei salih saong pandap ja dalam ban raya. Di var ngak bruk, urang dang akaok ủy ban bhap bini ban raya brei thau, piah patagok bruk ngak ini, ban raya hu tabiak kế hoạch jhul pakhang pacang cakak buôn lậu, bleik saleik dalam pablei salih saong pandap ja dalam tuk tết. Ban raya patagok bruk pasang iek, kiểm soát khang kajap di dom cảng kapal haok dân dụng, dom jalan mbak, jalan pasei, dom darak, dom pasak pablei salih. Dom pandap hu pasang iek nan lac alak, mbia, pakao, thực phẩm. Ong Đỗ Thắng Hải, akaok mintri công thương lac: Ngan saong sở jien padai brei pambuak saong dom sở, ngành karei dalam bruk pasang iek, tani tanat yaom kaom, abih di nyu nan lac yaom cước jalan mbak, pajeng ba, du lịch. Ban raya jeng brei caik hatai tal dom xã, huyện langiu ban kan taom gaok, blei dom pandap thiết yếu.

Patui di ini dom khau tin dunya:

8/ Mesup kabroi (22/12) bol bala Hoàng gia Campuchia, Đại sứ quán Việt Nam saong bhap bini urang VN daok di Campuchia peih bruk nao sirah, pok bingu tagok di Đài kỷ niệm lin halan hatian VN daok di ban ine Phnôm Pênh. Mai sirah saong pok bingu di đài kỷ niệm lin halan hatian VN, dom urang dalam kapul hu am dom gilau piah hadar tal dom urang anek di VN ndih trun ka bruk ngak praong glaong, daong taneh ia Campuchia tabiak truh bala diệt chủng Pôn Pốt. Bruk hy sinh praong glaong nan lac hatai anit ranam di dua bangsa, dua taneh ia jaik taphia VN saong Campuchia.

9/ Biar harei kabroi 22/12, di ban ine Viêng Chăn, rah tabiak mbang jao saong ba tame pandar hệ thống mac papar binguk VHF 10 KW ka rayo papar binguk negar Lào. Hệ thống kayua rayo papar binguk VN daong. Brei panuac di mbang jao, ong Bun Chậu Phi Chít – Tổng giám đốc rayo papar binguk negar Lào ndom lac: Ngan saong thiết bị ini hu daong ka rayo papar binguk negar Lào patagok độ phủ sóng praong jang, abih di nyu nan lac dalam tuk jaik tal ini di lào hu rah tabiak ralo bruk praong yau: nyaom roya Đảng bhap bini cách mạng lào mbang ka 10, abih di nyu nan lac thun 2016 lào hu ngak akaok luân phiên ASEAN.

10/ Yaom menyek Biển Bắc hu patrun tal tanut biar di abih dalam 11 thun tapa, dalam tuk huac bruk pabak menyek ini patagok duk saong hatai caong. Dalam bruk cagar veik, yaom menyek ngọt nhẹ Mỹ di bilan 1 tagok 34,73 đô la sa thùng di drak Niu Oóc. Min, yaom menyek Biển Bắc bilan 2 hu trun daok 36,35 đô la sa thùng dalam mbang giao dịch harei kabroi di drak Luân đôn./.