1/ Di HN, Phó akaok negar Nguyễn Thị Doan hu taduan raok 39 urang taha akaok palei, nghệ  nhân, urang hu angan je dom bangsa takik dok di dom tỉnh Điện Biên, Lai Châu, Hà Giang, Nghệ An song Kon Tum. Phó akaok negar Nguyễn Thị Doan hu payua panuac tadhau yhut thun bahrau pren yava khang kajap, haniem phol tal dom akaok palei, nghệ nhân, urang hu angan je dom bangsa takik. Phok akaok negar jeng hu panuac brei mintri ilamu Thể thao song Du lịch hu cơ chế, jalan ngak siam lagaih dalam bruk pablah dom sarak khik ramik song patagok ilamu dom bangsa dalam sarak patagok kinh tế xã hội di puk palei.

2/ Ong Lê Hồng Anh, Ủy viên mintri Chính trị, Thường trực Ban Bí thư Trung ương Ðảng ba akaok kapul ngak bruk TƯ Hội chữ thập đỏ VN hu mai rivang, tadhau yuh tết, alin hadiah pandap “tết ka urang kan kathaot, urang njauk jru mek klik kruoc” di xã Thạnh Quới, huyện Mỹ Xuyên, tỉnh Sóc Trăng. Kapul hu alin hadiah 100 paoak pandap ka dom baoh sang kan kathaot, urang njauk jru mek klik kruoc, yaok paok pandap yaom 1 triệu đồng meng kadung jien di TƯ Hội chữ thập đỏ VN. Ong Lê Hồng Anh lac: “Drei kham merat ngak yau habar baoh sang kan kathaot tagok jaik si kan kathaot, jaik si kan kathaot jeng yam tagok, kham merat ngak yau habar oh hu veik baoh sang kan kathaot. Kayua yau nan ye drei kham merat ngak, meda lac sa tal 2 thun tra trun daok ala 5% baoh sang kan kathaot, meyah trun gac nan lac biak siam, meng meda mek hu tanut  palei pala barau”.

3/ Mintri pato megru bahrau hu công điện payua ka dom Sở pato megru, dom sang bac đại họ, cao đẳng ka bruk ngak kuhria caga raok Tết Nguyên đán anek sak pabe 2015.Tui nan, mintri pato megru pambuak bruk song dom pakat, kapul công đoàn, Kapul dam dara Cộng sản Hồ Chí Minh pathau khan, pato pakai paglong akaok sahanang ka tong abih urang jakar, công chức, viên chức song anek saih, SV paglong bruk khik ramik an ninh trật tự xã hội, peih bruk patak patom, pacang palai pajoa dalam tuk tết. Abih di nyu nan lac sangka tal dom anek saih, SV di bhum atah bayah, bhum kan kandah, oh hu jien mai palei mbang tết.

4/ Hội báo xuân anek sak pabe tỉnh Thừa Thiên - Huế hu peih tabiak di miuyim HCM dhar Thừa Thiên - Huế hu mbaok di 20 jabat, đơn vị báo chí. Dom ấn phẩm dalam hội báo xuân di Huế thun ini hu ngak mekre iek, hu rfuilo asal kadha, hu bạn đọc biak takre. Hadei di hội báo xuân ini, taong abih dom ấn phẩm hu ba mai parang iek di jabat hội nhà báo tỉnh Thừa  Thiên- Huế, brei ka bạn đọc dalam tuk tết nguyên đán, hadei di nan hu payua alin dom chiến sỹ biên phòng daok ngak bruk di bhum taphia negar, bhum atah bayah.

5/ Tết ni, langiu di 2 labik cuh phao bingu taduan giao thừa di mblang bein ban sit Quảng Ngãi saong huyện Minh Long, rilo labik karei dalam tỉnh Q.Ngãi hu peih dom bruk ngak “Uan Đảng, raok xuân” yau peih parang iek thoat binguk nghệ thuật, pakacah sap doh bingi pang, peih hội vui xuân gam song dom bruk main sambai bhap bini, pakacah gaiy meng kan.

6/ Dalam tuk tết anek sak pabe, baha Tịnh Nghiêm, ban sit Mỹ Tho, tỉnh Tiền Giang hu brei ralo kapul nao rivang, alin hadiah labaih 1.000 paok pandap tết ka dom baoh sang kan kathaot, uranaih gaok kan kandah daok dalam tỉnh. Yaok paok pandap yaom meng 300 tal 500 ribau đồng. Yaom jien nan, hu baha Tịnh Nghiêm nao jak ba dom urang ngak pahala, dom doanh nghiệp dalam saong langiu tỉnh.

7/ Tỉnh Hậu Giang bahrua peih bruk tom gaok song brei pandap tết ka 100 urang bangsa takik , chức sắc agama dok dalam tỉnh.Dom sarak iek glang, jhul pakhang bruk patagok KT buhm urang bangsa takik song dom danak dak, dự án jang yau bruk kham merat yam tagok di mik va bangsa, abih di nyu nan lac dom kreih camin mik va bangsa dalam bruk ngak mbang, pablei salih naih joi dong patagok rai duik ka mik va, ilamu bangsa hu khik ramik song patagok, dom chức sắc, tín đồ agama song mik va bangsa takik hu palagaih piah peih ngak dom harei rija meng kan dalam bui sambai, jum pataom.

Patui di ini dom khau tin dunya:

8/ Đại sứ quán taneh ia drei di Phnom Pênh, negar Campuchia barau peih bruk payak rok tết anek sak pabe 2015, hu mbaok di ralo urang jakar, nhân viên sứ quán, lambaok bhap bini Việt daok di KPC, dom doanh nghiệp VN daok ngak mbang di KPC; lambaok Bộ tư lệnh quân khu 7 bol bala bhap bini VN saong ralo tỉnh gah meraong jaik taphia KPC.

9/ Dalam mbang tapa rivang Philippines di Tổng thống Indonesia Joko Widodo (Giô-cô Uy-đô-đô), 2 negar hu mbaoh tangin tame 4 hiệp ước piah jhul pakhang talei pambuak  rilo gah, dalam nan hu bruk roh duah ka an ninh song quốc phòng. Ni lac mbang nao rivang pakat karja akaok meti tal Philippines song jeng lac labik padeih takai luac di abih dalam mbang nao rivang 3 negar Đông Nam Á di Tổng thống Widodo, dalam nan hu Malaysia song Brunei.

10/ Tết nguyên đán daok mai tal saong menuk hu iek lac sa pandap mbang rilo dalam dom harei tết di TQ, nan ye dom urang ngak praong y tế taneh ia ini pachreih bhap bini nyaik atah dom darak menuk ada diuk saong dom pandap ralo menuk oh thau mai meng halei. Tui UB y tế saong kế hoạch hóa gia đình tỉnh Chiết Giang, kayua hu kreik pabah mbang taong abih dom drak menuk ada diuk daok di labik thành thị dalam tỉnh nan ye oh hu urang halei njom cúm H7N9 hu khan brei thau di labik ban praong./.