1/ Harei kabroi 16/2 akaok negar Trương Tấn Sang song kapul ngak bruk TƯ hu nao rivang urang dalam sarak karja, mik va bangsa takik, tapon nyom bol pan phao kraong labik tapen negar  di tỉnh Lạng Sơn. Akaok negar ndom lac tỉnh Lạng Sơn njauk jhul pakhang bruk padang ngak palei pala bahrau, mong ini lac jalan tabiak truh kathaot khang kajap di dom bhum palei hu rai duik dok kan kandah.

2# Bruk pilih ruah, ieu bhapbini nhập ngũ thun 2016 hu peih ngak aval, sumu gauk saong hu rilo bruk barau. Ini lac thun akaok mereip peih ngak hukum Nghĩa vụ quân sự pasiam veik hu Quốc hội mbang 13 ba tabiak di thun  2015. Thun ini lac thun đột phá ka chất lượng pilih ruah urang lin ngan saong bruk sangka pilih ruah dom urang bac tamat đại học, cao đẳng chính quy min oh ka hu bruk ngak saong anek kamuan urang bangsa takik piah paglaong chất lượng saong trun takik bruk pato pakai dalam bol bala .

3/ Tuk vak 2016-2020, dalam negar kham merat pato bruk ngak ka 5 triệu 5 ribau urang ngak palei pala, dalam nan dong pato pakai trình độ sơ cấp song pato megru alal 3 bilan tui sarak di đề án 1956 labaih 3 triệu 2 ribau urang. Hadei di tuk hu bac megru bruk ngak, hu meng 80% urang bac hu bruk ngak bahrau atau ngak bruk klauk min hu năng xuất song jien bilan glong jang. Ong Dương Đức Lân, Akaok Tổng cục pato bruk ngak, Mintri Lao động Thương binh song Xã hội brei thau: Urang ngak palei pala urak ni hu labaih 47% urang dok hu mbaok ngak bruk dalam XH rilo meng lac oh ka bac megru. Piah tagok pren meriak gauk, dahlau di abih khol drei njauk pato pakai ka urang ngak ni, piah urang meda tagok năng xuất ngak bruk dalam bruk ngak nong jang yau urang ngak hu ngak bruk dalam dom khu công nghiệp song dịch vụ.

4# Anak jit ruak kayua vi rút Zika daok patagok di dunya, mintri y te kakei urang kamei saong urang kamei hu tung litran jhui nao dom taneh ia daok hu jit ruak kayua vi rút Zika tuk oh njauk nao. Urang kamei daok hu tung litran atau kuhria  litran njauk  caga jamaok pambak ruak duit piah khik caga rup drei oh njaom vi rút Zika ye : pandar dom jru traoch jamaok; ndih dalam daning, kuhria gam tuk pagaiy. Abih di nyu nan lac, dom sang njauk duah maong saong yah klak dom libik jamaok meda caih anek.

5/ Harei 16/2, di xã Suối Giàng, Ủy ban bhap bini huyện Văn Chấn, tỉnh Yên Bái peih bruk taduan mek harak pok meyaom quần thể 400 phun te Shan tuyết di xã Suối Giàng lac phun inem krung VN. Quần thể phun te Shan tuyết cổ thụ di xã Suối Giàng tamuh eng di  labik glaong meng1.300 m dut song mbaok ia tasik dok di ceik Hoàng Liên Sơn luac thun hu aih ngin pacang me-om. Ni hu mong lac bhum te cổ thụ prong hu umo meng 100 tal 300 thun. Tapa yaok rituh thun pambuak song rai duik di uerang Mông, phun tea hu mik va iek glang song patagok.

6# Jeng dalam harei 16/2, di ấp 5, xã Tân Khai, huyện Hớn Quản, tỉnh Bình Phước rah tabiak harei pataom ginuh kubao Hớn Quản thun 2016, pachreih hu labaih 10.000 rabau bhapbini dalam tỉnh saong tuai du lich mai maong. Harei pataom ginuh kubao thun ini hu 30 po kabao mai meng 11 huyện, thị xã, dom sang, trang trại, hợp tác xã, doanh nghiệp saong dom công ty cao su dalam tỉnh. Harei pataom ginuh kabao lac tuk pachreih urang nong raong kabao, pilih ruah tabiak dom pajaih kabao siam piah ngak kabao pajaih, patagok tapol kabao dalam tỉnh Bình Phước; taphia nan, yaih khan brei menuac urang atah jaik thau ka pren khang patagok kinh te, kaya nong di puk palei, khik ramik saong patagok ilimo ngak nong gheih mekre di bangsa. 

7/ Thun 2015 tỉnh Sóc Trăng hu buh brei labaih 16 tỷ đồng meng rilo danak dak, sarak piah jhul patagok bhum  urang bangsa takik. Dalam nan padang ngak cơ sở hạ tầng song peih ngak 112 danak dak song ngak pasiam veik, dong patagok bruk rong glang, peih ngak danak dak định canh định cư ka mik va bangsa takik. Kayua yau nan ye, rai duik mbang ngui dok dang di mik va dom bangsa oh padeih patagok. Boh sang kathaot di tỉnh Sóc Trăng trun daok takik

Khaw tin dunya

8# Pagaiy harei kabroi (16/2), sa sruh kapal ahaok quân sự di Iraq laik di tỉnh Wasit (Oa-dít), gah timul taneh ia ini, ngak takik abih 9 urang metai, dalam nan hu dua sĩ quan. Sruh trực thăng Mi-17 kayua Nga ngak tabiak ini gaok bala hu maong lac kayua trục trặc kỹ thuật tuk daok par di jalan meng căn cứ quân sự di (Bát-xra), gah meraong Iraq tal Baghdad. Min, urak ini oh ka thau cambaih lac sruh kapal ahaok ini hu pajeng tuai tuk gaok bala hai oh.

9/ Pasak langyah sarak Canada bahrau ba tabiak 2 roh duah bahrau khan lac bruk iek glang y tế di Canada meda dang anak dom tavak tavaiy song chi phí y tế tagok glong tuk hu mbaok tame Hiệp định Đối tác xuyên Thái Bình Dương (TPP). Dom roh duah mboh lac dom paka dalam TPP nyu pacap Canada dui atah tuk vak bằng sáng chế ka dom angan je jru tavoa piah pabak tame bruk suai damuai dalam phê duyệt dom janih jru. Bruk salih bahrau ni meda ngak ka yaom jru di Canada tagok 636 triệu dollar Canada yaok thun, ngak khat lihik ka danak dak iek glang y tế.

10# Anek di dom urang amaik mbang rilo ikan tuk daok litran, cambaih laih lac labaih 3 var sa adit mbuan si gaok ruak limek phì di dom thun barau praong duk saong dom uranaih hu amaik mbang takik ikan tuk litran. Tui dom urang alamu Mỹ, ikan saong dom janih kaya ikan dalam ia karei brei rilo dinh dưỡng ka dom urang litran saong anek kamal, daong uranaih patagok glo akaok. Min, piah oh ngak phản tác dụng, dom urang litran njauk caik hatai tok mbang rilo abih 3 var sa adit saong abih di nyu nan lac  tok mbang dom janih ikan tự nhiên, oh njaom  hóa chất di labik raong  công nghiệp./.