1# Melam kroi 17/2, Thủ tướng Nguyễn Tấn Dũng song kapul pakat glong rajaei negar drei hu mai tal HN, tamat siam mekre mbang nao hu mbaok tame nyaom biai pakat glong  ASEAN – Hoa Kỳ rah tabiak dalam 2 harei tapa di California, Hoa Kỳ. Jak jeng di mbang nyaom ni oh lac hu ba tabiak rilo jalan ngak cambaih laih piah ba talei pambuak bruk ASEAN - Hoa Kỳ hu tame dalam song kein laba, abih di nyu nan lac ka KT song an ninh di 2 gah, bo dok brei mboh bruk di VN, sa negar tuk halei jeng sami samar kham merat hu trách nhiệm song bruk patagok di ASEAN.

2# Phó Thủ tướng barau jao mintri ngak nong saong patagok palei pala saong jabat rajaei dự thảo Nghị quyết di rajaei, dalam nan caik dahlau jien đầu tư dom dự án ka bhum gah meraong saong dom tỉnh taneran kraong Cửu Long piah caga tua, mbak. Phó Thủ tướng pandar dom mintri, nganh, puk palei sahaneng njauk ka bruk tua riya trak saong njom mbak, maongbruk  caga bala meng lingik tasik lac bruk praong njauk ngak dahlau piah hu  tacei pato khang. Dom puk palei njauk pataom tame pasang iek raidiuk ka bhapbini, oh caik ka bhapbini eik, oh hu ia ngak mbang ngak huak saong oh caik patuh tabiak jit ruak kayua tua riya, ia mbak njom tame dui atah.

3#/ Danak dak pacang caga bala, njauk rambuac uranaih tuk vak 2016 – 2020 bahrau hu thủ tướng rajaei mbaoh tangin tame ngan song bruk pasang iek bala njauk rambuac uranaih, abih di nyu nan lac bala mblung ia song bala di angaok jalan mbak piah khik caga siam mekre ka uranaih, haniem phol ka boh sang song XH. Bruk ngak di danak dak lac patrun uranaih gaok bala, njauk rambuac trun dok 600/100.000 uranaih, trun bruk uranaih metai kayua gaok bala, njauk rambuac trun 17/100.000 uranaih. 5.000.000  sang di dom sang hu uranaih mek hu tanut boh sang siam mekre,  10.000 sang bac mek hu tanut chuẩn sang bac siam mekre, 300 xã, phường, ban sit mek hu tanut chuẩn Cộng đồng an toàn;  trun 25% uranaih metai kayua bala di angaok jalan mbak dut song thun 2015.

4# Kapul ngak bruk Trung ương di urang njauk jru mek kalik kruac /đi-ô-xin Việt Nam barau alin pandap jaik 100 triệu đồng ka dom urang njauk jru mek kalik kruac /đi-ô-xin tỉnh Lào Cai. Gam saong bruk sangka di Đảng, karja, bruk daong di dom libik, doanh nghiệp, urang hảo tâm dalam taneh ia saong taneh ia lingiu, paok jien daong di Trung ương kapul urang njauk jru mek kalik kruac/đi-ô-xin hu makan dalam bruk daong dom urang njauk jru mek kalik kruac /đi-ô-xin dalam tỉnh trun takik kan kandah, ba drei tame bhapbini …

5#/ Di Bon N'JRiêng, xã Đắk Nia, ban sit Gia Nghĩa, tỉnh Đắk Nông bahrau rah tabiak Hội Xuân Liêng Nung hu angan “ Sambo màu bangsa” Hội Xuân pachreih hu labaih 200 nghệ nhân, vận động viên di dom Bon song 8 xã, phường di ban sit Gia Nghĩa song yaok ribau bhap bini dok dalam song langiu tỉnh. Di lễ hội, dom taha palei hu padang ngak veik adat kết bạn, adat ieu yang mebhang di urang M'Nông, song cong khin dom bruk ngak siam dalam thun bahrau, likau ka ka hajan siam hangin lagaih, pala drak njauk

6# Di huyện bhum ceik Trà Bồng, tỉnh Quảng Ngãi barau rah tabiak harei pataom nghệ thuật pakacah chiêng, capi saong daoh kadha daoh bhapbini mbang yaka 1 thun 2016. Harei pataom hu labaih 200 diễn viên di 10 kapul dom xã, thị trấn dalam huyện Trà Bồng. Meng bruk kuhria caga siam, dàn dựng công phu saong bruk mein abih drei di dom diễn viên, nghệ nhân, rilo lễ hội đặc sắc di bhapbini bangsa takik Kor hu ngak veik di harei pataom ini. Ông Nguyễn Thanh Tùng, akaok phòng ilimo Thông tin huyện Trà Bồng, tỉnh Quảng Ngãi brei thau :  Harei pataom nghệ thuật pakacah chiêng, capi saong daoh kadha daoh bhapbini piah ba jalan praong bruk jhul khang, khik inem krung ilimo bangsa Kor. Tapa harei pataom mbang ini caong khin dom rairah ranaih umo khik, patagok saong pato veik meng rairah ini tapa rairah thiah. 

7#/ Jiak sa triệu uranaih di gah pai song gah merong negar châu Phi dok njauk “lavang lavah trak” hadei di 2 thun pandiak bhang song El Nino khang di abih dalam 50 thun tapa di labik ni. Tui panuac khan harei 17/2 di Quỹ uranaih Liên hợp quốc (UNICEF), uranaih di labik ni dang anak bruk kurang pandap mbang song ia menyum dak harei dak trak, yaom kaom glong, dom boh sang brei klak mbang huak. Urang dang akaok di UNICEF Leila Gharagozloo-Pakkala (Lây-la Ga-ra-gô-dơ-lu Pác-ca-la) brei thau yaom lac El Nino daok trun, min kan kandah di nyu tal uranaih meda dui atah tapa dom thun tal.

8# Bol bala  Campuchia brei thau, pagaiy harei 17/2 klau sruh kapal chiến barau di Nhật bản hu nao tal cảng Sihanuok (Xi-ha-núc) di taneh ia ini. Mbang ravang Campuchia di kapal chiến Nhật Bản meda rah tabiak di 4 harei meng harei 17- 20/2. Thông cáo di Đại sứ quán Nhật Bản di Campuchia hu brei thau cambaih di mbang ravang ini lac khik kajap bruk hữu nghị di Nhật Bản saong Campuchia, ba mbuan lagaih ka dom thủy thủ đoàn ginum biai, duah thau ka ilimo jeng ye  quốc phòng di Campuchia. Ttui tukvak, harei ini 18/2, đoàn di Chỉ huy Mizoe meda tal ban ine Phnom Penh gaok Chỉ huy Lực lượng Hải quân Campuchia.

9#/ Tui hãng tin Kyodo, harei 17/2,  3 kapan di gah khik caga takai tasik Trung Quốc tame bhum tasik jiak palao dok meriak gauk song Japon bo Tokyo ieu lac Senkaku (Xên-ca-cư) dalam tuk nan Trung Quốc ieu lac Điếu Ngư di tasik Hoa Đông. Gah khik caga takai tasik Japon brei thau lac bruk nan rah tabiak tuk beir harei song dom kapan nao tabiak truh bhum tasik ni hadei di labaih 1 tuk 30 minite Gah khik caga tasik Japon brei thau ni lac mbang ka 5 Trung Quốc nao tame bhum taneh di Japon meng akaok thun tal ni./.