1# Pambuak tal bruk Australia barau mboh sa urang njaom vi rút Zika hadei di tuk mai veik meng Việt Nam, Tiến sĩ Trần Đắc Phu, akaok Cục Y tế Dự phòng (mintri  Y tế) brei thau, hu ndom biai saong gah Y tế dunya saong dom jabat praong di  Australia piah  brei thau cambaih ka pabak mbang negar, tukvak tame, tabiak, labik daok bo urang ruak njaom virus Zika urang Australia mai tal tuk daok di VN. Urak ini oh ka cambaih laih nan ye oh ka thau urang nan njaom virus Zika dahlau si mai atau hadei di tuk tabiak truh Việt Nam. 

2/ Di 2 xã Dân Hóa saong Trọng Hóa, huyện Minh Hóa, tỉnh Quảng Bình dom thun ini mai, ia pandar di bhap bini gaok ralo kan kandah. Piah hu ia pandar, mikva njauk nao yaok mbaik jalan mek ia mai pandar. Barau ini, meng “Danak dak daong ia pandar  di thủ tướng rajaei”, UB bhap bini huyện Minh Hóa hu peih brei labaih 2.000 thùng caik ia, yaom abih tih labaih 3 tỷ đồng brei ka bhap bini bangsa takik 13 xã dalam tỉnh. Karja dom xã hu daong mikva rok, khoan bingun, salih nding ia khut meng dom bể caik mai tal sang piah pandar.  

3# Harei 28/3 tal, mbang akaok mereip rija ilimo tơ lụa Việt Nam - Châu Á 2016 meda peih pakak di palei lụa Hội An, ban sit Hội  An, tỉnh Quảng Nam. Rija ilimo tơ lụa Việt Nam - Châu Á 2016 lac bruk ngak praong di Hiệp hội Tơ lụa dunya, Hiệp hội Tơ lụa Châu Á piah jhul pakhang talei pambuak bruk ngak mbang pablei salih  gah tơ lụa, patui sajarah mengkan “jalan tơ lụa angaok tasik” meng dom abap dahlau di inem krung ilimo dunya Hội An.

4/ Yaom lac glaih glar pacang pandiak bhang min urak ini, urang nông bhum taneran kraong Cửu Long biak chreih chrai kayua yaom padai tagok. Di tukvak ini, urang nông pablei padai chất lượng glaong di hamu yaom labaih 7.000 đồng sa kg, padai mbiah  jaik 6.000 đồng sa kg. Tui yaom yau ini, hadei sa vụ pdai, urang nông hu laba labaih 30 triệu đồng sa ha.

5# Sở ngak nong saong patagok palei pala tỉnh Bến Tre brei thau, kuhria tal tukvak ini hu labaih 2.600 tấn hàu di jaik 500 sang bhapbini di huyện Bình Đại metai. Abih tih yaom khat lihik kuhria mboh labaih 45 tỷ đồng, dalam tuk nan makna hàu metai jeng oh ka thau hu. Ông Nguyễn Văn Đởm, Phó akaok uy mban bhapbini xã Thừa Đức, huyện Bình Đại, tỉnh Bến Tre brei thau: “Urak ini dom hàu metai jak ba bhapbini mek pablei hasit halei thau ye nan. Saong tukvak tal ini, uy mban bhapbini xã meda quy hoach veik labik raong khik caga oh brei ngak kandah ka bruk nao mai di kraong jeng ye khik caga ka mblang raong.

6/ Urak ini, di huyện Cai Lậy, tỉnh Tiền Giang hu yaok ribau ha phun Sầu Riêng daok njauk ia mbak njom tame, dalam nan hu labaih 1.500 ha bein durieng daok kurang ia taba mbuan metai. Ong Nguyễn Thanh Lâm, phaok akaok UB bhap bini xã Tam Bình, huyện Cai Lậy, tỉnh Tiền Giang lac: “Kol dahlak jak ba bhap bini kreik abih dom cống đập, bọng dalam ribaong bein, ngak paha ia nduac dom kraong ribaong dalam mblang hamu piah khik mepiah ia. Ramik hareik ka paha ia nduac piahmek ia tame khik mepiah”.

7# Pagaiy harei kabroi (23/3), Tỉnh uỷ Bình Phước peih bruk pahadar 41 thun harei peih paha gah meraong, yasa taneh ia saong tadun mek Bằng xếp hạng inem mek pakat negar đặc biệt - Căn cứ Bộ chỉ huy Quân peih paha gah meraong Việt Nam – di Tà Thiết. tapa nan, tui uỷ quyền di Thủ tướng rajaei, Thứ trưởng mintri ilimo, padhih saong du lịch Đặng Thị Bích Liên hu alin Bằng xếp hạng inem mek pakat negar đặc biệt di Căn cứ Bộ Chỉ huy Quân peih paha gah meraong Việt Nam ka tỉnh Bình Phước.

Patui di ini dom khau tin dunya:

8/ Dom urang dang akaok Mỹ hu panuac lên án khang bruk taong mbom di Bỉ meng bloh saong sanya ngak taong abih dom hagait meda ngak hu piah daong Bỉ saong châu Âu pacang khủng bố. 

9# Akaok mintri Ngoại giao Ôxtrâylia Giu-li-e Bi-sốp saong akaok mintri ngoai giao Inđônêsia hu ieu dom taneh ia pambuak bruk khang jang piah langyah bruk pablei salih menuac. Brei panuac peih nyaom biai pakat akaok mintri di Bali (indonesia) ka bruk pablei salih menuac, akaok mintri ngoai giao Inđônêsia Rét-nô Ma-xu-đi ndom khang, bruk ngak di nyaom biai piah paglaong bruk pacang caga  dom bruk darah samar, paglang jalan ngak tui adat hukum ngan saong kol tội phạm. 

10/ Harei 23/3, Ngoại trưởng Nga Séc-gây Lavrốp saong Ngoại trưởng Đức Phranh Oát-tơ Stên-mây-ơ  ieu patagok talei pambuak bruk dunya pacang khủng bố. 2 ngoại trưởng njuak hatai lac, dom bruk pambuak tal pacang khủng bố hu ruah duah cambaih dalam bruk di  tổ chức an ninh saong pambuak bruk châu Âu./.