1# Patui mbang yaom ya ka 11, quốc hội mbang 13, harei ini 25/3, Quốc hội nyaom di hội trường. Var pagaiy quốc hội pang Ủy viên Ủy ban thường vụ Quốc hội, Chủ nhiệm Ủy ban ka dom bruk xã hội di Quốc hội Trương Thị Mai pathau khan, langyah, taduan mek panuac, ramik pasiam dự thảo hukum jru tavao (pasiam veik) saong ginum biai ka dom asal kadha daok hu hatai sahneng karei di gauk dalam dự thảo hukum ini. Var bair harei, Quốc hội pang Ủy viên Ủy ban thường vụ Quốc hội, Chủ nhiệm Ủy ban jien padai, kadung jien di Quốc hội Phùng Quốc Hiển pathau khan, langyah, ramik pasiam dự thảo hukum thuế xuất khẩu, thuế nhập khẩu (pasiam veik) saong ginum biai ka dom asal kadha daok hu panuac karei di gauk dalam dự thảo hukum ini.

2/ Jit laka cambuai tapaok kakau di athur raong daok rah tabiak di dua xã taphia negar Nậm Xe saong Sin Suối Hồ di huyện Phong Thổ, tỉnh Lai ngak ka 109 drei kabau, limo di mikva urang nông njom ruak. Urak ini, gah chuyên môn daok pambuak bruk saong karja palei iek ruak ka dom drei kabau, limo nan. Taphia di nan tacei pato mikva peih dom jalan ngak piah pacang cakak, padam jit.

3# Hadei di tuk rayo sap ndom VN paparsap saong  brei thau ka bruk ikan raong dalam lồng bè jaik labik pasak nhiệt điện Vĩnh Tân metai rilo. Akaok uy mban bhapbini tỉnh Bình Thuận jao ka Sở ngak nong saong patagok palei pala dang akaok pambuak bruk saong Sở Tài nguyên saong Môi trường, Ủy ban bhapbini huyện Tuy Phong saong dom sở, ngành, puk palei pambuak tal : pasang iek, duah thau kadha bo rayo sap ndom VN hu khan; taphia nan, duah thau cambaih makna bruk ini, hu jalan langyah tuk akaok mereip saong ba tabiak jalan ngak ka nyu lagaih dahlau di harei 4/4 tal.

4/ Pasak pachreih nông pachreih ngư, sở ngak nông saong patagok palei pala Đắc Nông daok pambuak bruk saong dom gah pagam tal, peih praong danak dak pambuak bruk công tư dalam bruk pala cà phê. Hadei di 4 thun peih ngak, dalam tỉnh hu labaih 1.200 baoh sang hu mbaok tame, ngan saong taneh praong abih tih jaik 2.300 ha saong sản lượng jaik 7.000 tấn. Meda lac, bruk peih ngak, peih praong danak dak pambuak bruk công tư dalam bruk pala cà phê daok ba mai kein laba ka taong abih dom gah.

5# Piah trun khat lahik di urang nong, akaok huyện Chợ Lách, tỉnh Bến Tre  paglaong bruk pasram, tacei pato jalan pasang iek, khik caga phun pala; duk mbak saong tacei pato bhapbini mek ia tui yaok tukvak cambaih laih. Min, kayua dom kraong ribaong pacang tua, mbak takik, ngak ka bruk pala drak di huyen khat lahik praong Ông Phạm Văn Linh, Phó akaok uy mban bhapbini huyện Chợ Lách ndom lac “Anak meta lac tacei pato mikva ka gah alamu pasang iak piah trun takik ảnh hưởng. Dahlau thiah hệ thống thủy lợi di huyện hu đầu tư jeng tương đối, min meng bruk pacang caga ia xua lac rilo jang, dalam tuk nan urak ini, langiu pacang mbak njauk caik piah hu ia taba meng trun takik khat lahik.”.

6/ Anak dom kan kandah di bhap bini ngan saong bruk kurang ia hacih piah pandar dalam tukvak pandiak bhang dui atah yau urak ini, barau ini, chi đoàn dam dara pasak ia hacih saong vệ sinh môi trường palei pala tỉnh Sóc Trăng hu peih ngak dom công trình dua nding ba ia hacih mai brei ka bhap bini bhum tapen tasik palei Phủ Quyết, xã Vĩnh Hải, ban sit Vĩnh Châu. Công trình hu makna biak praong saong langyah hu meneng kan kandah ka bruk pandar ia hacih dalam bilan pandiak thun 2016 ini ka dom baoh sang bhap bini.

7 # Pambuak tal sa urang tuai du lich Úc hadei di tuk nao du lich di dom taneh ia, dalam nan hu VN hu gaok ruak Zika, harei kabroi 24/3, Viện Pasteur ban raya  Hồ Chí Minh brei thau, maong tame tukvak ủ ruak di urang ruak ini lac ban raya HCM mbuan si njaom mbak virus Zika. 

Patui di ini dom khau tin dunya:

8/ Cộng hòa dân chủ bhap bini TT brei thau, taneh ia ini ngak iek hu jak jeng tên lửa pandar nhiên liệu khang. Hãng thông tấn TƯ TT ba panuac urang dang akaok TT Kim Châng Un  brei thau, bruk jak jeng di mbang ngak iek ini hu daong TT jhul khang bruk ngak tên lửa đạn đạo piah pacang cakak kol khamang.

9# Takik di abih 19 urang metai di mbang glut jaleih mỏ than di tỉnh Sơn Tây, gah Brak Trung Quốc. Mỏ than ini di Tập đoàn Than đá Datong. Hu jaik 129 urang dalam mỏ than di tukvak bala rah tabiak, dalam nan hu110 urang hu daong tagok. Makna di mbang bala daok hu duah thau.

10/ Urang brei panuac rajaei Ban Lan Ra-fan Bô-chê-nếch brei thau, taneh ia ini urak ini oh taduan urang tị nạn halei, hadei di mbang khủng bố di Brúc-xen - negar Bỉ./.