1# Yam tapa adit ngak bruk ka dua di mbang nyaom yaka 11, Quốc hội mbang 13, harei (28/3), dom urang jakar caik sa harei ngak bruk di hội trường piah ginum biai brei thau ka bruk ngak nhiệm kỳ di Quốc hội, dom jabat di Quốc hội saong Tổng Kiểm toán karja. Sa asal kadha praong di adit ngak bruk ini di Quốc hội lac caik tukvak pasang iek,  quyết định ka bruk menuac urang karja, cambaih laih lac pilih chức danh akaok Quốc hội, akaok Hội đồng pilih ruah negar saong akaok taneh ia. Quốc hội jeng ginum biai, biểu quyết brei tapa Nghị quyết ka bruk  miễn nhiệm Phó akaok Quốc hội, dom urang dalam Ủy ban thường vụ Quốc hội, akaok Hội đồng bangsa, Chủ nhiệm dom Ủy ban di Quốc hội, Tổng kiểm toán Nhà nước.

2/ UB bhap bini ban raya HCM barau peih bruk pahadar 40 thun dak padang saong patagok kapul thanh niên xung phong ban raya (28/3/1976 – 28/3/2016). Akaok negar ong Trương Tấn Sang mai hu mbaok. Tapa nan kapul thanh niên xung phong ban raya HCM hu akaok negar alin brei huân chương độc lập hạng III; Thành ủy – UB bhap bini ban raya HCM jeng hu lin bức tướng saong dok truyền thống ka kapul thanh niên xung phong kayua hu ralo rik daong ka bruk patagok di ban raya.

3# Bair harei 27/3, akaok  Quốc hội Nguyễn Sinh Hùng hu nao ravang saong ngak bruk di Khu Phức hợp ô tô Chu Lai - Trường Hải. Ndom puac saong akaok Công ty Ô tô Trường Hải, akaok Quốc hội Nguyễn Sinh Hùng pandar aakok  doanh nghiệp sangka rilo jang tal raidiuk urang ngak sangka bruk Đảng, kapul nyaom, khik caga alam môi trường.

4/ Di labik trạm biên phòng Lũng Pô ở xã A Mú Sung, huyện Bát Xát, tỉnh Lào Cai, dam dara dom bangsa tỉnh Lào Cai hu peih bruk padang ngak geng dok Lũng Pô hu angan ginup lac “geng dok Lũng Pô – labik kraong Hồng nduah tame taneh Việt”. Công trình hu padang ngak meng taong kabih phun jien ieu pataom di dom kapul nyaom, menuac urang, doanh nghiệp dalam, langiu tỉnh saong rik daong di urang đoàn, dam dara, dom pakat bộ đoàn dalam tỉnh. Abih tih phun jien ieu pataom nan hu labaih 12 tỷ đồng.

5#  Ủy ban bhapbibni tỉnh Ninh Thuận brei thau, turiya tukvak tapa ngak kan kandah praong tak bruk pala drak saong raidiuk di urang bhapbini. Bruk kurang ia pandar saong ia pala drak rah tabiak di rilo labik. Rilo taneh phun pala gaok khat lihik, dalam nan labaih 5.770 ha njauk padheih pala drak di bilan Đông xuân ini. Hu labik urak ini hu 5 vụ hamiet oh pala drak hu, urang bhapbini oh hu pandap mbang, raidiuk gaok rilo kan kandah. Tỉnh Ninh Thuận cần jaik 6.000 tấn brah piah daong ka urang bhapbini bhum tua. Sở Lao động – Thương binh saong  Xã hội hu ba tabiak uy mban bhapbini tỉnh bruk likau daong labaih 1.900 tấn brak piah daong eik ka labaih 30.900 sang ngan saong jaik 130.200 menuac urang .

6/ Dom sở ilamu – công nghệ, pato megru, thông tin, truyền thông saong dam dara cộng sản HCM tỉnh Sóc Trăng hu pambuak bruk peih harei pataom công nghệ saong tư vấn palih ruah anek saih thun 2016. Harei pataom pachreih jaik 1000 adei anek saih mai meng dom sang bac THPT dalam tỉnh Sóc Trăng mai hu mbaok. Adei Nguyễn Bảo Hân, anek saih di sang bac THPT An Lạc Thôn, huyện Kế Sách brei thau: “Harei pataom ini biak hu kein lagaih, abih di nyu nan lac ngan saong anek saih tal bac 12 yau kol adei, daong ka kol adei mboh hu sang bac bo kol adei bac dalam tukvak anak tal jeng yau gah bac. Harei pataom ini jeng lac tuk piah dom adei bac megru ilamu ka bruk ruah duah ilamu kỹ thuật hong gauk  saong jeng lac jalan peih tabiak ka bruk ruah duah ilamu dalam ranaih umo di tỉnh Sóc Trăng dak harei dak tagok jang”.

7# Barau blaoh,  bhapbini di phường Trảng Dài, ban sit Biên Hòa, tỉnh Đồng Nai hu daong công an mek dua urang nghiện ma túy daok klaik drap ar. Di jabat công an, 2 urang hu brei thau lac Nguyễn Văn Minh (22 thun ) saong Châu Hoài Thương (25 thun ), dua urang gaom daok di huyện Vĩnh Cửu. Akaok mereip dua urang hu khai, klaik mac kakak tasiay ini di sa tiệm cơ khí, angaok jalan ba nao pablei piah mek jien pandar ma túy lac gaok mek.  

Patui di ini dom khau tin dunya:

8/ TT barau đe dọa cuh tên lửa tầm atah tame HQ meyah tổng thống HQ Pắc Cưn Hê oh likau duac saong oh trừng phạt dom urang tabiak jalan tấn công dom urang dang akaok TT. Ini lac panuac ndom barau abih dalam dom phản ứng  di TT ngan saong dom lệnh trừng phạt di  Hội đồng Bảo an Liên hợp quốc caik ka TT, jang yau dua bruk tâp trận hong gauk yaok thun di HQ saong Mỹ.  

9# Cảnh sát Italia barau  mek kareik da urang sahaneng lac menuac di An-giê-ri gaok cáo buộc ba dom hồ sơ giả ka dom phiến quân Hồi giáo hu pambuak tal dom mbang mesruh barau ini di ban Brúc-xen (Brussels), Bỉ saong di ban Pa-ri (Paris), Pháp meng bilan 11 thun dahlau. Tui bruk ba tabiak, urang ini meda ba nao tal Bỉ di dom harei tal .

10/ Mintri tài nguyên ia saong khí tượng CPC brei thau, hadei di tuk vak TQ peih ia meng thượng nguồn trun, ia di kraong Mê Kong di CPC hu tagok. Cambaih laih nan lac, ia di kraong Mê Kong  labik tỉnh Kratie, atah ban ine Phnôm Pênh jaik 330km duk hu jaik 3m, glaong jang 2 harei dahlau nan lac 5cm. Di tỉnh Kompong Cham, puk palei atah ban ine Phnôm Pênh jaik130km,  ia duk hu mesup harei 27/3, lac 2,66m, glaong jang dua harei dahlau lac 16cm. Di ban ine Phnôm Pênh, ia duk hu dalam harei 27-3 lac 1,81m, glaong jang 2 harei dahlau lac 15cm. Eng ia di kraong Ba sắc  khu vực jaik taphia negar Việt Nam hu tagok 1,94m, glaong jang dua harei dahlau  28cm./.