1# Harei kabroi 28/3, Quốc hội nyaom  di hội trường, ginum biai ka dự thảo pathau khan bruk ngak dalam nhiệm kỳ mbang XIII di Quốc hội, dom jabat di  Quốc hội nhiệm kỳ mbang XIII (2011-2016); pathau khan bruk ngak nhiệm kỳ 2011-2016 di Tổng kiểm toán karja. Harei ini, Quốc hội ginum biai di hội trường pathau khan bruk nhiệm kỳ 2011-2016 di akaok taneh ia; pathau khan bruk nhiệm kỳ 2011-2016 di rajaei, Thủ tướng rajaei; Pathau khan bruk nhiệm kỳ 2011-2016 di Chánh án Tòa án bhapbini tối cao; Pathau khan bruk nhiệm kỳ 2011-2016 di Viện trưởng Viện kiểm sát bhapbini tối cao. Var nyaom ni hu paparsap, papar binguk tapak.

2/ Di jabat ngak bruk di rajaei, Thủ tướng Nguyễn Tấn Dũng barau taduan phaok Thủ tướng Lào Xổm-xa-vạt Lênh-xa-vắt daok rivang saong ngak bruk di VN. Thủ tướng Nguyễn Tấn Dũng ndom lac: talei pambuak bruk meng kan di VN – Lào lac talei pambuak brukjum pataom hu dom rai rah urang dang akaok saong bhap bini dua taneh ia oh padeih dak padang saong pabak, kayua yau nan ye bruk oh padeih khang kajap, patagok talei pambuak bruk VN – Lào, Lào – VN dak harei dak khang kajap jang lac bruk di yaok urang jakar, urang đảng, di dom rai rah urang dang akaok saong bhap bini dua taneh ia.

3# Mintri pato megru barau brei thau bruk xét tuyển di 234 sang bac  đại học saong cao đẳng gah Brak; 206 sang bac đại học saong cao đẳng gah meraong. Thun 2016, di mbang xét tuyển akaok mereip, yaok thí sinh hu tut angan rilo abih 2 sang bac, yaok sang bac hu tut angan rilo abih 2 ngành xếp tui thứ tự ưu tiên meng 1 tal 2, thí sinh oh hu salih nguyện vọng di mbang xét tuyển. Di dom mbang xét tuyển bổ sung, yaok mbang  thí sinh hu tut angan rilo abih di 3 sang bac, yaok sang bac hu tut angan rilo abih dua ngành xếp tui thứ tự ưu tiên meng 1 tal 2, thí sinh oh hu salih nguyện vọng dalam yaok mbang xét tuyển.

4/ Harei ini 29/3, di tỉnh Lạng Sơn hu rah tabiak dom bruk ngak dalam danak dak taom gaok ndom meyai nao mai gah QP taphia negar VN – TQ mbang ka 3 thun 2016. Tui danak dak, kapul urang pakat glaong mintri QP 2 taneh ia hu maong mboh bruk nao khik caga hong gauk di kapul taphia negar dua taneh ia di geng jameng 1223 (di pabah mbang negar Chi Ma, huyện Lộc Bình); hu mbaok peih pakak sang ilamu hữu nghị taphia negar Việt – Trung, rivang mban chỉ huy quân sự huyện Lộc Bình. Biar harei, dom urang maong iek urang jakar, lin bộ đội biên phòng tỉnh Lạng Sơn parang iek võ thuật di mblang vận động Đông Kinh.

5# Urak ini, tỉnh Lai Châu jeng daok brei hu thẻ bảo hiểm y tế ka dom urang lac urang kathaot, bangsa takik hu kadung jien karja đóng bảo hiểm y tế. Puk palei ini hu jaik 280 rabau urang njauk iek ruak meng thẻ bảo hiểm y tế thun 2015 piah cang tal tuk brei thẻ barau. Makna di dom harak ba ar di karja quy định dom xã, palei, bản kan kandah, abih di nyu nan lac kan kandah tukvak meng thun 2016 tagok nao oh hu ba tabiak.

6/ Ban sit Hội An, tỉnh Quảng Nam hu pambuak bruk saong palei lụa Hội An barau peih Festival ilamu tơ lụa Việt Nam - châu Á thun 2016. Ngan saong kadha “ba tơ lụa mai veik rai diuk urak ini”, Festival ilamu tơ lụa Việt Nam - châu Á 2016 lac sa harei pataom ilamu pakat dunya hu peih tabiak di ban klak Hội An hu mbaok di dom palei hadah krah di VN saong dom taneh ia ngak lụa hu angan dalam khu vực yau  Ấn Độ, Thái Lan, Nhật Bản, Trung Quốc, Lào, Myanmar… Festival jeng yaih khan saong parang iek ilamu meng kan di dom palei ngak Tân Châu ngan saong pataih Mỹ A hu angan, yaih khan kỹ thuật menyim bingu la klah di urang Chăm.

7# Tal 18 tuk bair harei kabroi 28/3, kapul chức năng di tỉnh Kon Tum hu padam hu mbang khuah glai di beir Quốc gia Chư Mom Ray. Harei ini, dom labik chức năng meda peih bruk dut iek manak mbang khuah. Dahlau nan jaik 11 tuk var dala kabroi, di tiểu khu 607, beir quốc gia Chư Mom Ray, daok dalam palei 2, xã Sa Sơn, huyện Sa Thầy (Kon Tum) hu rah tabiak bruk khuah glai. Mbang khuah  ngak khat lahik 5 ha glai. Biak patoah mbang khuah atah apuh di bhapbini puk palei.

Patui di ini dom khau tin dunya:

8/ Đại sứ quán Việt Nam urak ini daok kham merat daong ka dom urang taong cap ikan VN barau njauk cap kreik di tỉnh Songkhla, gah meraongThái Lan hu iek glang njauk tui hukum dunya saong hukum di taneh ia TL. Dahlau di nan, báo chí TL brei thau hu 38 urang taong cap ikan VN angaok 7 kapal njauk gah tuần tra di hải quân TL cap kreik tuk daok taong cap ikan di labik pulao Koh Kra atah takai tasik gah meraong tỉnh Nakhong Si Thamarat 30 hải lý. Dom urang taong cap ikan ini njauk kaoh nduac “taong cap sung hukum” angaok bhum tasik TL saong hadei di nan hu ba mai căn cứ hải quân Songkhla, di bhum hải quân 2 piah jao ka cảnh sát.

9# Anak dom bruk đe dọa di dom hệ thống phóng rốc-két đa nòng saong pháo tầm atah di Triều Tiên, bol bala Hàn Quốc daok dak padang sa hệ thống pacang cakak di gah pháo binh. Bol bala Hàn Quốc jeng daok vận hành sa hệ thống pasang iek hu dom janih thiết bị tình báo,pasang iek saong duah thau, dalam nan hu gam dom sruh kapal ahaok oh hu urang peih saong hệ thống ra-đa phòng không.

10/ Ralo kapul longiu rajaei, truyền thông đại chúng, jabat an ninh taneh ia langiu loa pambuak gauk  peih sa bruk bôi nhọ angan je di tổng thống Nga Pu tin saong dom urang njauk gauk saong ong. Brei panuac saong báo giới harei 28/3, urang brei panuac di tổng thống Nga, ong Pê-scốp, khan lac yau nan. Ong ndom lac dom bruk ngak ini hu peih ngak tui đơn đặt hàng saong oh klah tui gah mật vụ negar langiu piah can thiệp tame bruk bầu cử di Nga, piah duah jalan ngak kan kandah tal bruk taneh ia Nga./.