1# Tame harei ngak bruk akaok meti di adit ngak bruk ka 4, harei ini (8/6), Quốc hội ngak bruk di hội trường piah ginum biai taong yaom pabak veik bruk peih jalan patagok kinh te – xa hoi saong kadung jien karja thun 2014; bruk peih jalan patagok kinh te – xa hoi saong kadung jien karja dom bilan akaok thun 2015. Dalam adit ngak bruk ini, Quốc hội meda biểu quyết barei tabiak harak ka danandak dak padang adat hukum, pháp lệnh thun 2016, pasaim veik danakdak padang ngak adat hukum, pháp lệnh mbang 13 saong thun 2015; biểu quyết brei tabiak hukum Mặt trận negar Việt Nam pasiam veik saong Nghị quyết ka quyết toán kadung jien sarak karja thun 2013.

2/ Anak bruk rah tabiak di hội chứng laka jalan suak yava cấp bhum Trung Đông (ieu lac MERS) di dunya, ong Vũ Xuân Diện, Giám đốc Sở Y tế tỉnh Quảng Ninh, pandar dom đơn vị y tế dalam tỉnh kuhria peih dom jalan ngak pacang cakak jit ruak. Dalam nan, dom đơn vị pataom tame peih ngak tui jalan di mintri y tế saong sở y tế; padang kịch bản pacang cakak ruak di puk palei. 

3# Pagaiy harei ini (8/6), di mblang tasik Mỹ Khê, xã Tịnh Khê, ban sit Quảng Ngãi, tỉnh Quảng Ngãi rah tabaiak mít tinh pahadar harei Đại dương dunya saong adit tasik saong pulao kaoh Việt Nam thun 2015. Adit tasik saong pulao kaoh Vn thun ini hu kadha “ Đai dương khang kajap, hành tinh siam mekre” kayua mintri Tài nguyên saong Môi trường pambuak bruk saong  Uỷ ban bhapbini tỉnh Quảng Ngãi peih ngak lac harei pathau khan, jak ba bhapbini paglaong akaok sahaneng ka khik caga yaom glaong di tài nguyên saong môi trường tasik, pulao.

4/ Nyaom ginum meyai ASEM  patagok talei pambuak bruk ngak dalam khik iek ia piah patabiak danak dak ginum biai patagok hadei thun 2015” kayua mintri ngoại giao pambuak bruk saong mintri tài nguyên saong môi trường jeng yau dom thành viên ASEM peih tabiak di tỉnh bến Tre hu tamat bloh. Di nyaom meyai, dom urang hu njauk hatai tapa harak pathau khan piah pok tagok nyaom meyai akaok mintri ngoại giao ASEM mbang ka 12 di Lúc-xăm-bua di bilan 11/2015 saong nyaom meyai pakat glaong ASEM mbang 11 di Mông Cổ thun 2016. Ong Trần Ngọc An, akaok vụ pambuak bruk kinh tế ralo gah – mintri ngoại giao lac: Dom taneh ia ASEM peih nyaom meyai ini piah rik daong hong gauk, kham merat di bhap bini dunya pamaong tal bruk khik iek khang kajap halau ia. Ka dua peih nyaom meyai nan lac caong khin dom taneh ia Á –Âu patagok bruk ginum meyai nao mai ilamu saong ba tabiak dom jalan ngak cambaih laih, thiết thức piah ngak yau habar patagok hu jalan pambuak bruk, khik iek halau ia. 

5# Pambuak tal bruk jaik 400 urang ngak njauk tame iek ruak kayua sahanneg lac ngộ độc pandap mbang menyum di công ty trách nhiệm hữu hạn kadung teik SiMone (di labik công nghiệp Tân Hương, huyện Châu Thành, tỉnh Tiền Giang).  Harei kabroi , Sở Y tế Tiền Giang brei thau : tapa mek 18 mẫu ia menyum saong pandap mbang kiểm nghiệm hu dauh mboh 6 mẫu pandap mbang njaom vi sinh vật hu Coliforms, E.Coli yam tagok tanut brei adat, rilo jang di dua janih pandap mbang : cải ngọt xào saong baok chiên. Pandap mbang  ini ngak di sang ging di công ty trách nhiệm hữu hạn kadung teik SiMone kayua Công ty trách nhiệm hữu hạn Tín Thảo (ban raya Hồ Chí Minh) dang ngak. Sở y tế Tiền Giang daok ngak dom thủ tục taong phạt doanh nghiệp chế biến pandap mbang menyum takik chất lượng ini tui Nghị định 178 di rajaei ka an toan hacih saat pandap mbang menyum. 

6/ Sở pato megru ban raya HCM brei thau, thun ini dalam ban raya hu labaih 77 ribau anek saih hu pakacah tame tal 10, ralo jang 9 ribau adei duk saong thun 2014. dalam abih tih jaik 78 ribau anek saih hu pakacah tame  tal 10 thun ini ye hu labaih 70 ribau adei pakacah tame tal 10 THPT thường saong labaih 7 ribau adei pakacah tame tal 10 chuyên. Dalam ban raya hu 135 hội đồng iek pakacah ngan saong labaih 3 ribau duk pakacah, dalam nan hu 11 hội đồng pakacah chuyên ngan saong 335 duk pakacah. Mbang pakacah tame tal 10 thun ini hu rah tabiak dalam dua harei 11 saong harei 12/6, avar jang 10 harei duk saong dom thun dahlau. 

7# Gam saong dua baok huy chuong ameh cá nhân saong đồng đội 10m phao katut hơi likei di đội tuyển cuh phao, harei kabroi , kapul thể thao Việt Nam daok mek veik sa Huy chương ameh wuhsu di Dương Thúy Vi ka kiếm thuật, tapa nan tagok hu 16 Huy chương ameh, dang ka 2 dalam bảng tổng sắp hadei kapul po sang Singapore (21 Huy chương ameh). 

Patui di ini dom khau tin dunya:

8/ Dom urang dang akaok kapul 7 taneh ia công nghiệp patagok (ieu lac G7) daok hu mbang nyaom di Đức. Nyaom meyai thun ini caik tabiak ralo bruk kan kandah ngan saong dom urang dang akaok dunya tuk nyom biai rah tabiak dalam tuk dunya daok dang anak rilo bruk praong yau bruk khủng hoảng Ucraina, srau kadau daok pambak praong di Trung Đông gam saong bruk njom mbak di gah IS… Dom bruk ini dak kan lanyah jang tuk kurang Nga di nyaom meyai, jeng yau kurang talei pambuak bruk khang kajap di Nga saong kapul ini. 

9# Sa kapul cứu hộ hu ba nao daong bruk tuk mbang megaiy taneh khang 6,0 độ richte  ngak jaleih taneh di tapbung ceik Ki-na-ba-lu glaong abih Malaisia. Tui dom urang dang akaok Malaisia, kuhria abih tih hu 137 urang ndik ceik gar veik tuk megaiy taneh rah tabiak min oh njauk hagait saong hu mai  veik pasak tut angan di takai ceik Ki-na-ba-lu. Urak ini kapul cứu hộ daok duah 8 urang  ndik ceik daok lahik. 

10/ HQ hu gilac 9 urang njom virus ngak jeng hội chứng suy hô hấp cấp bhum Trung Đông (MERS), patagok dom urang njauk ruak nan lac 50 urang. Gah urang ngak praong HQ ndom lac, jit oh ka njom mbak kayua urang njom ruak ini dahlau nan hu cách li./.