1/Patui danak dak mbang nyaom ka 9, QH mbang 13, mesup harei ini (18/6) QH ginum biai di hội trường. Dom urang QH pang harak pathau khan, langyah panuac di urang QH ka bruk pasang iek di QH thun 2016, pang dự thảo nghị quyết ka bruk pasang iek di QH thun 2016 saong biểu quyết brei tapa nghị quyết ini. Tukvak daok veik, dom urang QH ginum meyai ka dự án hukum phí saong lệ phí.

2/ Pahadar 90 thun harei Báo chí Cách mạng Việt Nam, harei kabroi 17/6, rayo papar binguk ban rayo HCM papar binguk tapak harei pataom “Labik taom bilan 6”. Danak dak ni kayua thường trực Ban tuyên giáo Trung ương di ban raya Hồ Chí Minh, Hội nhà báo Việt Nam di ban raya Hồ Chí Minh, dom jabat Báo chí, Sở Thông tin Truyền thông ban raya Hồ Chí Minh pambuak bruk peih tabiak. Mban peih bruk hu jao 3 giải ka dom đơn vị naih gheih dalam nan hu giải Nhất, Nhì và Ba. Jabat rayo sap ndom VN daok di ban raya HCM jeng mek hu giải 3 dalam asal kadha “tài năng”

3/ Di ban Đà Nẵng, jabat DL dom taneh ia tiểu vùng Mê K ông peih praong saong rilo doanh nghiệp DL dalam saong langiu taneh ia hu mbaok tame nyaom meyai đầu tư DL Mê Kông. Nyaom meyai nan lac bruk kuhria caga ka diễn đàn DL Mê Kông 2015 kayua VN dang akaok hu peih tabiak di harei 18/6. 

4/ Pandiak bhang dui atah meng rilo bilan tapa song dok rah tabiak trak di tỉnh Bình Định. Ong Nguyễn Hữu Vui, phó giám đốc Sở ngak nong song patagok palei tỉnh Bình Định brei thau, dalam tỉnh hu 76/161 danao thu abih, ia di dom danao ia urak ni dok 274 triệu m3.. Kayua yau nan ye, mblang taneh 42.000ha padai hè thu di tỉnh Bình Định urak ni hu labaih 8000ha kurang ia pruh, dalam nan hu 7.000ha padai song 1.500ha njam patam. 

5/ Tỉnh Đoàn Bình Thuận hu pambuak bruk saong UB bhap bini huyện Phú Quý barau peih bruk padang ngak geng dok chủ quyền angaok pulao. Geng dok chủ quyền hu padang ngak di labik Đồi Chuối di xã Tam Thanh, huyện Phú Quý angaok taneh praong labaih 176 m2, glaong 19,58m kuhria meng mbaok haluk, đế trụ dok saong móng geng dok meng bê tông cốt thép, mbaok mbaiy tabiak tasik. Abih tih jien padang ngak geng dok chủ quyền labaih 1,2 tỷ đồng kayua gilang pariak pablei salih cổ phần đầu tư saong patagok VN daong. Bruk padang ngak nan tui kuhria hu ngak salah bloh di puac bilan 7 thun ini.

6/ Dalam 5 thun tapa Kapul Chữ Thập đỏ tỉnh Sóc Trăng  jak ba hu 240 tỷ đồng pabak ka bruk XH song iek glang pren yava ka boh kan kathaot, boh sang dalam sarak karja hu rai duik kan kandah, urang njom jru klik kruac, urang jaoh jo, anek saih, SV kham merat bac megru. Taphia di nan, bruk brei darah halan hatain dak harei dak hu rilo kapul nyaom menuac urang brei labaih 25 ribau đơn vị darah, rik dong biak prong ka bruk cấp cứu song iek ruak.

7/ Tui ban tacei jalan pacang cakak bala saong daong duah urang njauk bala tỉnh Cà Mau, dalam tỉnh urak ini hu 27 labik taneh tapen kraong atah abih tih jaik 40km glut jaleih. 3 huyện Đầm Dơi, Năm Căn saong Ngọc Hiển urak ini hu ralo taneh tapen kraong daok mbuan jaleih, ngak kan kandah tal tính mạng, rai diuk bruk ngak mbang di labaih 1000 baoh sang bhap bini. Makna jaleih haluk nan lac kayua ia tagok glaong, dom ca nô, kapal tasik công suất praong bhian peih nao mai ngak ka bruk jaleih taneh rah tabiak samar saong biak catang.  

Patui di ni dom khau tin dunya:

8/ Urang Xyri salam uan bilan eik Ramadan, sa bilan biak prong di urang Islam, meng harei 18/6 dalam tuk bruk srau kadau dok rah tabiak song yaom kaom tagok. Dalam bilan eik Ramadan, meng suboh mesup tal tuk ia harei tame, urang Islam (oh lac urang taha, uranaih) eik mbang, eik menyum, eik njuk pakao tuk harei, tal tuk ia harei tame meng hu taom gauk piah taleik eik.

9/ Akaok mintri năng lượng Nga A-lếch-xan-đơ Nô-vắc  brei thau Nga saong TNK daok caga mbaoh tangin tame dom văn kiện ka dự án padang ngak jalan nding ba khí tapa TNK di puac bialn 6 ini. Jalan nding khí đốt nan hu nao tapa Biển Đen dui atah tal taphia negar di TNK song Hy Lạp, hu công suất  63 tỷ m3 khí đốt sa thun. Tui kuhria dự án ini hu ba tame ngak meng bilan 12/2016.

 10/ Bahrau ni, dom urang ngak praong HQ hu panuac khan lac hu sa urang metai kayua virut gây Hội chứng suy hô hấp cấp vùng Trung Đông  (MERS), patagok urang metai  kayua jit ruak ni jeng 20 urang. Tui mintri y tế HQ, dalam 123 urang ruak dok iek ruak ye hu 17 urang pren yava oh siam. Dom urang metai kayua jit MERS rilo meng lac dom urang dahlau di nan njauk ruak ung thư, me eik saradang atau ruak phổi thận, boh hatai./.