1./Mintri Y tế bahrau padang rilo kapul pasang iek bruk kuhria caga y tế saong bruk trực Tết di dom sang iek ruak di Trung ương saong puk palei. Bruk  trực Tết hu padang tagok tui bruk di yaok sang iek ruak, min meyah hu rilo urang ruak, dom sang iek ruak njauk ieu dom urang jakar, dom nhân viên nao ngak yau yaok harei piah samar langyah dom bruk cấp cứu, abih di nyu nan lac urang njuak bala radaih paoh gauk, urang ndih tapui.

2/ Piah nyaik kan kandah dalam pajeng ba atau pabak brei meda rah tabiak, abih di nyu nan lac di dom huyện taphia negar biak kan kandah yau Mường Tè, Nậm Nhùn, Sìn Hồ, dhar xăng menyek Lai Châu hu kế hoạch yaok harei pajeng ba meng 600 tal 700 m3 xăng menyek. Taphia di nan, đơn vị jeng hu peih bruk pasang iek 19 labik pablei mac móc, thiết bị, kho khik mepiah, bruk pacang, padam khuah.

3./ Di sang bac Đại học Vinh (Nghệ An) bahrau rah tabiak danak dak "Tết ấm ka anek saih, sinh viên kan kathaot – Sak Pabe 2015”. Tui nan, 724 pok pandap Tết yaom abih tih labaih 300 triệu đồng hu alin brei ka dom sinh viên kan kathaot daok bac megru di sang bac Đại học Vinh. Ini lac yaom jien hu kaoh tabiak meng jien rik daong di dom gru pato, dom urang jakar, urang ngak dalam sang bac Đại học Vinh saong bruk pachreih daong di dom đơn vị, doanh nghiệp, dom urang ngak pahla daok dalam tỉnh Nghệ An.

4/ Tuk tết anek sak pabe, kapul urang njauk jru mek klik kruoc/Dioxin ban sit Cần Thơ alin hadiah 2.300 paok pandap ka urang gaok kan kandah rok tết. Ini lac bruk ngak pahadar 11 thun harei kapul urang njauk jru mek klik kroc/dioxin Việt Nam. Meng kadung jien jak ba saong jien kayua kapul TƯ daong, Kapul urang njauk jru mek klik kroc Cần Thơ parabha ka dom quận huyện tal dom urang njauk jru mek gaok kan kandah.

5./Thun ini, Ủy ban bhap bini tỉnh Cà Mau hu tacei pato dom pakat, dom ngành saong puk palei mbang Tết patak pataom, piah pataom tame iek glang Tết ka sang sarak karja, sang kan kathaot, urang lin daok ngak bruk di tasik, pulao. Tết sak pabe thun 2015, Ủy ban bhap bini tỉnh kaoh tabiak meng kadung jien karja labaih 28 tỷ đồng piah daong ka dom urang lac amaik Việt Nam Anh hùng, Anh hùng tapon nyom bol pan phao kraong, dom urang daok ngak bruk khik caga tasik pulao, labaih 30.000 urang dalam sarak karja, 16.000 baoh sang kan kathaot saong labaih 10.000 baoh sang kan kathaot hu taduan pandap tết.

6/ Hadei di 7 bilan padang ngak, barau ini, di xã pulao Hòn Tre, huyện Kiên Hải, Công ty Điện lực Kiên Giang peih bruk đóng điện jalan talei 22kV, ba điện negar meng huyện Hòn Đất tapa tasik nao tal pasak hành chính huyện pulao Kiên Hải. Jalan điện tapa tasik meng labik takai tasik xã Thổ Sơn, huyện Hòn Đất saong tiếp đất di gah brak pulao Hòn Tre, huyện Kiên Hải.

7./ Di Đồng Nai, tal tukvak ini, lingiu dom doanh nghiệp pajeng tuai damuai meng gah barak saong gah kreih negar peih bruk pablei harak radaih tết ka dom jalan meng Đồng Nai nao dom tỉnh, ban gah barak saong gah kreh negar, daok hu rilo radaih peih hợp đồng pajeng công nhân, anek saih, sinh viên mai palei. Urak ini dom doanh nghiệp pablei hu labaih 2.500 harak radaih pajeng tuai meng Đồng Nai nao dom tỉnh, ban gah brak, gah kreh negar. Lingiu di nan, daok hu 6 đơn vị pajeng tuai hu 60 sruh radaih, hợp đồng pajeng labaih 3 ribau urang ngak. Dom radaih ini pajeng urang ngak nao palei saong daok veik dom tỉnh tapa tết, hadei di nan pajeng công nhân mai veik Đồng Nai. 

Patui di ini dom khau tin dunya:

8/ Dalam lingik xuân li-an bingi di ban ine Ca-ra-cát, Đại sứ quán Việt Nam di Vê-nê-xu-ê-la hu peih bruk taom mbaok yaok thun, rok tết, sambai xuân barau ka dom urang jakar, urang ngak dalam Đại sứ quán, doanh nhân saong bhap bini Việt Nam daok ngak bruk saong diuk rai di Vê-nê-xu-ê-la. Dalam không khí thân mật, Đại sứ gam saong bhap bini urang Việt hu pok glau anak papan kakuh Wa Hồ, sambai me-in saong mbang dom janih pandap mbang tết meng kan di bangsa kayua dom urang jakar, urang ngak dalam Đại sứ quán kuhria caga.

9./Mbang padeih Tết di Trung Quốc hu maong yau mbang “di cư” praong abih di dunya, ngan saong yaok rituh triệu urang Trung Quốc mai palei mbang tết haong gauk gar. Thun ini, dalam 40 harei dahlau saong hadei Tết, hu tal  jaik 3 tỉ menuac mai palei, rilo jang labaih 3%  dut saong thun bloh. Mintri jalan mbak pajeng ba Trung Quốc brei thau, dom harei jaik Tết, Mintri brei pabak yaok rituh radaih pui saong yaok ribau mbang par pakat dunya yaok harei./.

10/ Mintri ngoại giao Anh brei thau, nhân viên ngoại giao di Anh daok di Yê-men barau tabiak truh taneh ia ini saong đại sứ quán Anh di Yê-men jeng kreik pabah mbang kayua an ninh. Tui harak khan di mintri ngoại giao Anh, dom urang Anh njauk tabiak truh taneh ia châu phi ini kayua bruk nguy hiểm daok patagok. Dahlau di nan, Mỹ jeng kreih pabah mbang sú quán saong panduan ba nhân viên ngoại giao di drei di Yê-men./.