1# Piah duh ka mbang nyaom 49 di UB Thường vụ Quốc hội,  tui kuhria hu rah tabiak meng harei 13 – 16/6/2016, Thủ tướng rajaei bahrau brei bruk ka 2 akaok mintri caga pathau khan di rajaei. Tui nan, Thủ tướng rajaei brei bruk ka akaok mintri Kế hoạch song Đầu tư caga pathau khan di rajaei ka bruk patagok KTXH 6 bilan akaok thun 2016 song dom jalan ngak 6 bilan puac thun ni. Akaok mintri jien padai caga pathau khan di rajaei ka bruk peih ngak kadung jien karja 6 bilan akaok thun 2016 song dom jalan ngak 6 bilan puac thun 2016.

2/ Phaok thủ tướng Vương Đình Huệ njauk hatai bruk ramik veik dalam tổng mức kế hoạch phun jien đầu tư kadung jien karja thun 2016 di mintri ngak nông saong patagok palei pala piah pabak phun jien ka dự án Khu kinh tế sara công nghiệp saong xuất khẩu Quán Thẻ, tỉnh Ninh Thuận peih bruk daong dom baoh sang bhap bini njauk khat lahik kayua njom mbak daok veik (jaik 43 tỷ đồng). Phaok Thủ tướng jao mintri Kế hoạch saong Đầu tư dang tabiak, pambuak bruk saong mintri ngak nông saong patagok palei pala, mintri jien padai langyah tui quy định.

3#/ UB bhap bini tỉnh Lạng Sơn bahrau patabiak jalan peih ngak đề án patagok urang jakar, công chức, viên chức urang bangsa takik dalam tỉnh. Tal thun 2020, urang jakar, công chức, viên chức urang bangsa takik ngak bruk di dom jabat, kapul nyaom đơn vị pakat tỉnh takik di abih lac 20% biên chế hu jao, urang jakar công chức, viên chức urang bangsa takik dang akaok dom jabat, đơn vị pakat tỉnh takik di abih lac 10%, pakat huyện lac 20%, xã lac 30% dalam tổng số urang jakar, công chức, viên chức urang bangsa takik dalam tỉnh.

4/ Peih bruk pathau khan ka bầu cử, dom đơn vị tỉnh Đắc Nông hu in 3.200 blah cih cổ động, 3.200 blah áp-phích meng sap Việt – M’nông; Việt – Mông; ngak barau saong salih barau 314 m2 pa-nô, 60 pa-nô lá saong yaok ribau hala dok dom janih; peih var chiếu phim saong 15 var parang iek daoh tamia lưu động di bhum atah bayah, dom xã taphia negar; roh duah 30 rup thaot, parang iek 300 bản tapuk saong dom tài liệu ka bầu cử QH saong HĐ bhap bini dom pakat.  

5#/ Urak ni, dom danao ia di tỉnh Bình Định dok labaih 300 triệu mét khối ia, lac  meteh dung tích thiết kế. Dalam tỉnh urak ni hu 71 danao ia thu lagu dok di dom huyện Phù Mỹ, Tây Sơn, Phù Cát...Tuk vak anak tal, meyah lingik oh hijan song pandiak bhang yau urak ni, tui kuhria meda hu labaih 7000 ha phun pala bilan hè thu kurang ia di puac vụ.

6/ Piah taong yaom dom kanjah jhak di bruk pandiak bhang, duah tabiak jalan pasiam veik, patagok kinh tế -XH, patagok gah ngak nông, khik iek ia ginup dalam bruk pandiak bhang, UB bhap bini tỉnh NT pambuak bruk saong jabat patagok Bỉ peih nyaom meyai pandiak bhang saong dom jalan pasiam veik di dom tỉnh tapen tasik bhum kreih negar – VN. Tapa nan, jabat patagok Bỉ, mintri kế hoạch saong đầu tư saong UB bhap bini tỉnh NT hu mbaoh tangin tame hiệp định daong dự án tăng trưởng xanh di NT ngan saong yaom daong 470.000 Euro, dalam tukvak 18 bilan, meng harei 1/6/2016.

7#/ Piah dong yaih khan ilamu Japon tal dom urang puac tapuk Việt Nam, abih di nyu nan lac urang puac tapuk daok ranaih umo,  Tổng lãnh sự quán Japon  peih adit tapuk sap Japon song peih gian hàng tapuk sap Japon di sang tapuk Fahasa Nguyễn Huệ song Fahasa Tân Định. Parang iek yaih khan tal 2000 angan tapuk ngan song labaih 12.000 tapuk dom janih, kuhria tabiak yaom jien abih tih dalam mbang parang iek lac 5 tỷ đồng, ni hu mong lac mbang paranfg iek tapuk sap Japon camereip song prong di abih di ban raya HCM. Adit parang eik tapuk Japon hu rah tabiak meng harei 12 -19/5.

Patui di ini dom khau tin dunya:

8/ Rajaei Prang hu yam tapa bruk buh phiếu bất tín nhiệm di Hạ Viện. Bruk buh phiếu hu peih ngak tui panuac caong di gah đối lập hadei di tuk rajaei pandar sa sắc lệnh piah patabiak dom điều khoản pasiam veik hukum ngak bruk ba tal  tranh cãi bo oh cang bruk brei tapa di QH.

9#/ Rajaei Ma-lai-xi-a brei thau, hu 2 candiak pacah, hu duah mboh di Nam Phi song palao  Rô-đri-ghê di Mô-ri-xơ, lac di sruh kapan haoh MH370 lihik di Hãng kapan haoh Ma-lai-xi-a.

10/ Rajaei Chilê brei thau, sa mbang thủy triều meriah daok pambak praong di bhum tasik gah meraong taneh ia ini, labik hu gah ngak ikan tagok khang./.