#/ Harei 20/1, Hội Nhà báo tỉnh  Sơn  La pambuak bruk song gilang tapuk tỉnh  Sơn La peih Hội báo – tapuk thun anek sak menuk thun 2017. Ni lac bruk ngak yaok thun piah tagok khau tin song độc giả, abih di nyu nabn lac dom độc giả urang bangsa takik, dom adei uranaih, dom urang lin biên phòng. Hội báo tapuk thun anek sak menuk thun ni parang iek labaih 200 ấn phẩm tạp chí, báo xuân dalam nan hu báo TƯ song puk palei, labaih 1000 bản sách bahrau patabiak thun 2017 song dom chủ đề uan Đảng, uan xuân, pok meyaom Wa Hồ, sambo màu ilamu dom bangsa Sơn  L, ilamu uranaih, tasik palao palei negar.

#/ Hadei di tuk yuak kuak blaoh, baoh sang amuk H’Đát, bangsa Ê Đê daok di xã Ea Ning, huyện Cư Kuin, tỉnh Dak Lak jar var caga dom ché alak cần pahe, tuk pey nung, blei khan ao barau, har, mứt, kẹo… piah baoh sang gam sum họp dalam harei akaok thun barau. Tui amuk H’Đát, harei tết, langiu bruk sum họp baoh sang, daok lac tukvak piah yaok urang hadar ka muk kei, pathau khan saong ong muk kei dom bruk ngak hu dalam thun tapa saong likau ong muk daong brei thun barau gaok ralo patuah jamo. 

#/ Tui kuhria mboh dahlau di Sở Công Thương tỉnh Gia Lai, yaom pajeng ba pandap panda di darak pasa dahlau, dalam song hadei Tết nguyên đán anek sak menuk  thun 2017 meda tagok labaih 20% dut song dom bilan dalam thu, abih di nyu nan lac bilan jiak tết urang blei meda tagok tal 30%. Kayua piah tani tanat darka pasa song tani tanat yaom dom pandap panda pabak siam hatai khin di bhap bini song jalan ngak oh piah “ kurang pandap tagok yaom”

#/ Dom thun jaik di ini, langikoh siam, bruk triều cường,  ia sua dak harei dak tagok, ba tal jaleih takai tasik di tỉnh Bình Thuận  dak harei dak khang. Tỉnh hu tacei pato dom puk palei samar pasiam veik bruk jaleih. Dom puk palei pambuak bruk saong sở ngak nông patagok palei pala, sở kế hoạch saong đầu tư tỉnh peih padang ngak kè tạm khik caga takai tasik, ngak pakhang dom labik kè khik caga khu dân cư njauk khut , abih di nyu nan lac bhum jaleih piah bhap bini tani tanat rai diuk uan rok tết nguyên đán anek sak menuk.

#/ Di pasak ilamu tỉnh Tây Ninh, Sở  Ilamu, thể thao song du lịch peih ngak harei patom “ tamia lân meng kan” tỉnh Tây Ninh mbang ka 15, uan thun bahrau anek sak menuk 2017. Harei patom ilamu thun ni taduan hu 12 kapul tamia lân mai meng Pasak ilamu thể thao ban Tây Ninh song dom huyện. Harei pataom ilamu hu rah tabiak dalam dom melam 20,21/ 1/2017. Mban peih bruk meda tong yaom song jao giải di malam luac abih.

  #/ Di sang uranaih Long An barau rah tabiak hội trại xuân thiếu nhi ngan saong kadha “Xuân anit ranam” kayua sang uranaih tỉnh peih tabiak. Ini lac bruk ngak pahadar 87 thun harei padang Đảng Cộng sản VN (3/2/1930-3/2/2017) saong uan Xuân anek sak menuk 2017. Hội trại hu mbaok di labaih 500 adei thiếu niên, nhi đồng, đội viên thiếu niên tiền phong Hồ Chí Minh kham merat hu mbaok tame bruk ngak di 15 huyện, thị, ban dalam tỉnh Long An.

#/ Harei ni 20/1, di Viện Khoa học Xã hội bhum gah merong, Chi Hội Văn học Nghệ bangsa CHăm di Hội Văn học Nghệ Thuật dom bangsa takik ban raya  Hồ Chí Minh hu peih bruk taom mbaok uan thun bahrau 2017.

Jiak 50 Hội viên Chi hội Hội Văn học Nghệ Thuật dom bangsa takik  ban raya Hồ Chí Minh hu mbaok di mbang taom gaok uan thun bahrau anek sak menuk thun 2017. Di labik ni, Tiến sĩ Phú Văn Hẳn – Chi hội trưởng Chi Hội Văn học Nghệ thuật bangsa  Chăm hu khan veik dom bruk ngak siam gheih di Chi hội dalam thun 2016. Yau pa tabiak tapuk  “Urang  Chăm song Wa Hồ”, “Urang Chăm ban raya Hồ Chí Minh”,  “Ilamu urang Chăm gah merong”; yaik khan 10 kadha doh  Chăm di tác giả Quãng Đại Hội.Langiu di nan, Chi hội hu pambuak bruk song dom urang roh duah ilamu, sap ndom Chăm piah padang ngak “Bộ tài liệu pato soong bac sap Chăm”.Danak dak ni hu dom tỉnh yau An Giang, Đồng Nai song Tây Ninh sangka  buh jien tabiak, dong ba song palagaih ka nyaom roh duah ngak salah bộ tài liệu ni dalam thun 2017..

Patui di ini dom khau tin dunya:

#/ Phaok Tổng thống barau Mỹ Mai Pen-xơ brei thau, karja barau di Mỹ halan hatian salih barau talei pambuak bruk saong Nga saong caong hu bruk iek praong di taneh ia ini ngan saong Mỹ. Calei tangi sua di rayo papar binguk MSNBC di Mỹ, Phaok Tổng thống barau Mai Pen-xơ ndom cambaih ,  Mỹ saong Nga meda duah hu sa jalan dalam bruk mesruh pacang  chủ nghĩa khủng bố, abih di nyu lac kol IS, tuk talei pambuak bruk dua gah hu pasiam veik.

#/ Thủ tướng Thái Lan Pra-dút Chan-ô-cha (Prayut Chan-o-cha) bahrau ni brei thau, rajaei Thái Lan dok  peih bruk pagam veik bruk peih ngak phiên đấu thầu pablei brah dalam quý 1/2017, piah brei abih brah di gliang khik piah pakat negar dalam thun ni. Urak ni, tong abih khối lượng brah khik piah pakat negar di tanut 8 triệu tấn, rilo meng lac brah patih. Dalam brah ni, meda hu labaih 3 triệu tầln lac agaih ka bruk mbang huak. Dok veik lac lagaih ngak pandap mbang ka athur atau pandar dalam bruk ngak công./. 

#/ Liên hợp quốc hu panuac lac Xô-ma-li meda laik tame bruk eik lipa kayua pandiak bhang daok rah tabiak, ngak yaok triệu urang oh hu lương thực, ia menyum saong oh hu iek glang pren yava. Bruk eik lipa di Xô-ma-li thun 2011 jeng hu ngak metai 260 ribau urang. LHQ daok ieu patagok bruk daong piah daong bhap bini pacang cakak saong bruk srau kadau an ninh lương thực, oh brei rah tabiak bruk metai menuac ralo yau bruk eik lipa dahlau nan./.