1 # Brei panuac tacei pato di  nyaom  biai peih bruk ngak thun 2016 di Tòa án Bhap bani bal Đà Nẵng, ong Trương Hòa Bình, Ủy viên Bộ Chính trị, Chánh án Tòa án Bhap bani pakat glaong pandar Tòa án bhap bani bal Đà Nẵng oh caik rah tabiak án oan sai dalam xét xử. Thun 2015, Tòa án bhap bani 2 pakat bal Đà Nẵng hu xét xử labaih 6000 vụ án, meblah labaih 98%, khik kajap bruk njauk manuac njauk tội, njauk hukum, oh caik oan sai, chất lượng meriak gauk pak tòa, chất lượng bayar hồ sơ hu paglaong. Bruk án quá hạn kayua chủ quan hu pasiam veik, bruk pasang iek, duah thau, langyah khiếu nại tố cáo, bruk hội thẩm bhap bani hu peih ngak siam jang.

2/ Kapul ngak bruk TƯ hội urang njauk jru mek klik kruoc  đi ô xin VN barau alin hadiah pandap yaom 100 triệu đồng ka dom urang njauk jru mek klik kruoc đi ô xin tỉnh Lào Cai. Gam saong bruk sangka di đảng, karja, bruk daong abih hatai jai di dom kapul nyaom, doanh nghiệp, urang ngak pahala dalam taneh ia saong langiu taneh ia, phun jien daong di TƯ hội urang njauk jru mek klik kruoc đi ô xin biak hu makna dalam bruk ba tangin tame, daong dom urang njauk jru mek klik kruoc đi ô xin dalam tỉnh patrun meneng kan kandah, ba drei tame cộng đồng.

3 # Ủy ban bhap bani tỉnh Thanh Hóa bahrau mboh tangin brei adat dự toán yaom jien blei brah daong ka baoh sang kathaot di dom puk palei labik tapen negar di tỉnh dalam tukvak tapa oh ka caga hu pandap mbang thun 2016 tui Nghị quyết ka 30a/2008/NQ-CP. Tui nan, Thanh Hóa caik tabiak labaih 8 tỷ đồng meng phun jien di danak dak bruk ngak negar patrun kathaot khang kajap dalam dự toán kadung jien tỉnh thun 2016 piah blei, pajeng ba saong jao brah tal pasak dom xã tapen negar. Tui nan, 3.254 baoh sang pak 55 puk palei tapen negar dalam dom huyện: Mường Lát, Quan Sơn, Quan Hóa, Lang Chánh, Thường Xuân hu daong klau bilan brah mbang, meng 15 kg sa urang sa bilan.

4/ UB bhap bini tỉnh Đắc Nông barau peih bruk pok meyaom 175 sinh viên lac urang bangsa takik yam tapa kan kandah, bac da-a naih joi thun 2015. Ini lac dom sinh viên ưu tú lambaok ka labaih 1.200 sinh viên urang bangsa takik di tỉnh urak ini daok bac di dom sang bac đại học, cao đẳng dalam taneh ia. Di var taom gaok, dom sinh viên hu ndom meyai nao mai, đề xuất dom chế độ, sarak saong caong khin hadei di tuk bac bloh hu mai ngak bruk di tỉnh drei. Urang dang akaok tỉnh Đắc Nông brei thau, ini lac nguồn nhân lực praong piah ba Đắc Nông patagok di anak tal.

5 # Meng akaok bilan thun tal ini, Ban tacei pato pacang caga khuah glai di Khu Bảo tồn Thiên nhiên – Văn hóa Đồng Nai hu patagok bruk pasang iek saong parabha manuac urang khik iek harei melam pak dom labik mbuah khuah; parabha panuac urang pacang cakak oh brei ka mikva tame glai jah tak phun, glang limo kubao, mek dangka... bruk pathau khan j ka bhap bani daok jaik taphia glai jeng hu caik caik hatai. Ban Tacei pato pacang caga khuah glai di Khu Bảo tồn Thiên nhiên – Văn hóa Đồng Nai jeng patagok bruk ngak jalan pacang cakak apui, ramik hacih hareik thu, phun thu piah patrun khuah. Langiu di nan, daok bhian peih bruk pasram padam khuah ka dom lâm trường, dân quân tự vệ saong mikva daok tapen glai, bhap bani urang bangsa takik. 

6/ Anak bruk pandiak bhang, ia mbak daok rah tabiak khang, tỉnh Hậu Giang brei buh tabiak jaik 20 tỷ đồng piah peih bruk khoan iek 8 mũi khoan di dom puk palei dalam tỉnh duah ia taba pabak ka bhap bini pandar. Tui ong Lê Phước Đại – akaok chi cục thủy lợi tỉnh Hậu Giang bruk njom mbak saong nồng độ tagok glaong dalam dom harei tapa daok mbuan ngak brei kurang ia taba  di dom puk palei dalam tỉnh. Bruk buh jien ngak 8 bingun ia ngầm ini meda langyah hu bruk kurang ia pandar.

7 # Ủy ban bhap bani xã Sinh Tồn, huyện pulao Trường Sa, tỉnh Khánh Hòa bahrau peih bruk jao urang taong ikan Anthongradulet njauk bala angaok tasik ka gah Philippines. Dahlau di nan, dalam harei 9.2 ( lac harei 2 bingunTết), urang jakar, bol lin pulao Sinh Tồn mong mboh 1 sruh ghe vah di urang taong ikan tatheik mai gah pulao njauk taguak, gah likuk hu sa urang ndam tame thành ghe yen tangin likau daong. Oh huac kanda langik tasik jhak, urang jakar bol lin pulao Sinh Tồn kham merat sraong veih ka bahu urang nan. Tal 9 tuk 30 harei nan urang jakar, bol lin pulao Sinh Tồn sraong hu sruh ghe nan, ba urang njauk bala nan tagok pulao saong cấp cứu, iek glang.

Patui di ini dom khau tin dunya:

8/ Urang vak di rayo sap ndom VN daok di Lào brei thau: thun 2016 ini, Lào taduan bruk dang akaok ASEAN. Ini lac thun akaok meti padang cộng đồng chung ASEAN saong jeng lac thun akaok meti peih bruk tầm nhìn cộng đồng ASEAN 2025. Kayua yau nan ye Lào brei mek angan ieu di thun akaok ASEAN 2016 lac “Ngak ka meta maong jeng bruk biak kayua sa cộng đồng ASEAN sami samar”. Dahlau di tuk peih nyaom meyai sit akaok mintri ngoại giao ASEAN, di harei 25 saong 26/2/2016, Lào hu peih nyaom meyai UB thường trực ASEAN saong nyaom meyai urang ngak praong pakat glaong ASEAN.

9 # Sa mbang megei baoh taneh 5 độ rích-te bahrau rah tabiak di Đài Trung, Đài Loan (Trung Quốc). Tui Pasak mạng lưới megei baoh taneh Trung Quốc, pasak libik megei daok di labik dalam 10 ki-lô-mét, pak 23,04 độ vĩ Bắc saong 120,88 độ kinh  Đông. Urak ini oh ka thau hadom urang njauk rambuis atau khat lahik ka manuac urang jang yau drap ar. Dahlau di nan, harei 6/2 sa mbang megei baoh taneh khang 6,4 độ rích-te pak Đài Nam, Đài Loan ngak takik abih 116 urang metai.

10/ Akaok UB châu âu Giăng Clôt Giăng cơ brei thau, ong jia lac dom urang dang akaok châu Âu meda ginum biai njauk gauk saong Anh ka harei hadei di taneh ia ini dalam angan lac sa thành viên di liên minh châu Âu. Brei panuac anak báo giới dahlau di tuk peih nyaom meyai pakat glaong di abih Liên minh châu Âu di Brucxen, ong Giăngcơ brei thau, ong caong khin Anh lac sa thành viên kham merat di liên minh châu Âu. Dahlau nan, akaok hội đồng châu Âu jeng taih klak bruk lac Anh meda tabiak truh liên minh châu Âu./.