# Hadei di tuk hu Quốc hội pok ngak Thủ tướng Raja-ei, ong Nguyễn Xuân Phúc hu ngak adat nhậm chức. Ralo urang Quốc hội saong cử tri dalam negar brei mboh hatai bui sambai saong caong tame Thủ tướng bahrau saong dom urang dalam Raja-ei meda ba taneh aia yam tapa kan kandah, ngak brei salih bahrau ralo gah. Cử tri Nguyễn Dũng daok di phường 2, quận Phú Nhuận, Bal raya Hồ Chí Minh lac: Tukvak anak tal, dahlak caong pak ong dom bruk yau an ninh trật tự, tội phạm. Ngak habar piah patrun kaol kanjah jhak. Daok gah pato megru, dahlak caong ong ngak habar piah bruk pato pakai di negar drei dak harei dak patagok. Dalam nan anek saih sinh viên hu mbaok tame dom mbang pakacah hu njuan njaih jang, siam lagaih jang, daok cử nhân tuk bac tamat bloh hu bruk ngak tani tanat. Cử tri Trần Đình Hằng, daok pak phường Tự An, bal Buôn Ma Thuột, tỉnh Đắc Lắc brei thau: “Dahlak jia lac yaok harei kapul urang jakar dak harei dak ranaih jang, abih hatai ka bruk ngak jang saong dak harei dak jak jeng siam mekre jang. Ong Nguyễn Xuân Phúc, ong Trần Đại Quang, amuk Nguyễn Thị Kim Ngân thei thei jeng mek hu bruk tín nhiệm glaong di Quốc hội, nan ye meda hu daong ralo ka raja-ei, ka Đảng. Khaol dahlak jia lac, taneh aia meda taduan hu dom jak jeng prong glaong jang dalam dom harei anak tal meng dom urang pal akaok bahrau”. #/ Thủ tướng rajaei bahrau jao ka dom tỉnh, ban di Trung ương kế hoạch phun jien trái phiếu rajaei thun 2016 peih ngak danak dak bruk ngak negar padang ngak palei pala bahrau. Tui nan, ưu tiên phun jien dong ka dom xã biak kan kandah, xã tapen negar, xã an toàn khu, dom xã biak kan kandah bhum tapen tasik song palao kaoh, dom xã kathaot, huyện hu boh sang kathaot glong hu mbang tui cơ chế, sarak đầu tư cơ sở hạ tầng yau dom huyện kathaot. # Thủ tướng Raja-ei bahrau hu Quyết định ka 402/QĐ-TTg harei 14-3-2016 brei peih ngak Đề án patagok kapul urang jakar, công chức, viên chức urang bangsa takik dalam tukvak bahrau. Quyết định 402 di Raja-ei peih ngak meda daong ka dom sarak dui pachreih, pandar, caga menuac ngak, patao pakai, pathram urang jakar, công chức, viên chức urang bangsa takik; paglaong tỷ lệ urang jakar, công chức, viên chức urang bangsa takik ngak praong dang akaok akaok dom jabat, đơn vị, puk palei, bhum urang bangsa takik…, rik daong patagok ilamo, kinh tế - xã hội saong patruh eik patrun kathaot khang kajap bhum urang bangsa takik dalam tukvak bahrau. #/ Hadei di tuk 2 urang njom vi rút Zika hu khan brei thau, bruk pabak jit di gah y tế tỉnh Đắc Lắc hu ba tagok tanut 2, dom sang eik ruak dalam t ỉnh jeng dok caga taduan mek, iek ruak dom urang njom vi rút. Anak meta gah y tế Đắc Lắc jhul pakhang bruk pathau khan piah ka bhap bini kham merat pametai bọ gậy, piah pacang cakak anek ruak njom vi rút Zika. Pasak y tế Dự phòng tỉnh Đắc Lắc hu peih bruk pato pakai ka urang jakar y tế cơ sở duah mboh samar dom triệu chứng song mek darah dut iek tong abih dom urang medhi njom ruak, piah pasang iek, samar pacang cakak bhum jit ruak. # Harei pataom ilamo cồng chiêng tỉnh Lâm Đồng mbang ka 10 bahrau hu peih tabiak pak huyện Đức Trọng. Labaih 10 thun tapa, “ilamo Cồng chiêng Tây Nguyên” hu UNESCO pok brei angan lac “Kiệt tác truyền khẩu saong drap ar oh mboh di meta di manuac sia dunya” tuk halei jeng hu Lâm Đồng khik ramik saong patagok. Harei pataom lac tukvak piah ka dom nghệ nhân ranaih bangsa takik pak ini taom gaok gauk, bac megru ilamo di gauk, pamedeih tagok bruk tự hào saong meyaih khan, khik tamik drap ar ilamo bangsa… Tapa nan hu ralo bruk ilamo, thể thao biak karei yau: adat ngak kabo di urang Chu-ru, adat mbang akaok padai bahrau di urang Mạ, Dak dalikan phun nêu di urang Cơ Ho #/ Harei 7/4 di ban raya HCM, Kapul SV ban raya HCM pambuak bruk song sang bac ĐH Quốc gia ban raya Hồ Chí Minh mbang camereip peih ginum biai khoa học sinh viên dunya hu angan “ SV hội nhập” danak dak hu mbaok di dom chuyên gia, urang ilamu song 100 urang lac SV dok dalam song langiu negar. Dalam nan hu 35 urang lac SV mai meng dom negar dalam khu vực ASEAN song dom negar Châu Á yau Campuchia, Indonesia, Lào, Nhật Bản, Singapore, Thái Lan, Trung Quốc song 65 urang lambaok ka SV VN mai meng dom sang bac ĐH dalam taneh ia. Dalam 4 kadha hu ba tabiak di diễn đàn, dom urang caik hatai rilo di abih tame kadha biến đổi khí hậu song khik caga alam môi trường. Saai Lâm Đình Thắng – Phó Bí Thư Thành Đoàn ban raya Hồ Chí Minh lac: Khol hulin cong khin tapa diễn đàn ni dom ayhut SV ban raya HCM jang yau dom urang ilamu ranaih meda hu sa jalan pambuak gam tính chất khoa học ngan song urang khoa học di dunya. Bac megru dom ilamu roh duah piah langyah dom bruk urak ni di ban raya. Khaw tin dunya: # Labaih 50 urang nan lac dom giáo sư, chuyên gia gam haong ralo urang lambaok doanh nghiệp di Nhật Bản hu mbaok tame Nyaom biai pambuak bruk khoa học saong công nghệ di Việt Nam saong bhum taneh Ô-xa-ca - Can-xai, kayua Tổng lãnh sự quán Việt Nam pak Ô-xa-ca pambuak haong Pasak Khoa học - Công nghệ Ô-xa-ca peih ngak. Nyaom biai piah meyaih khan pren khang saong bruk roh duah ilamo, patagok công nghệ di Việt Nam, jalan ngak saong breik ngak dahlau dalam talei pambuak bruk haong Nhật Bản. Rajaei Panama bahrau tabiak panuac lac, brei padang sa ủy ban độc lập piah tui iek veik bruk jien ndua di negar ni, hadei di mbang rò rỉ dữ liệu hu ieu lac “Hồ sơ Panama”, ngak oh siam tal angan je di rilo urang pan akaok di dunya. Hồ sơ Pa-na-ma” hu labaih 11,5 triệu TÀI liệu meng công ty luật Mô-dách Phôn-xê-ca (Mossack Fonseca) dok di Pa-na-ma, brei thau dom brku trốn thuế di dom urang dang akaok dom tane ia, urang jakar ngak praong pakat glong song dom urang hu angan je di rilo negar dalam dunya. Urak ni rajaei rilo taneh ia hu panuac ieu peih bruk duah thau ngan saong dom urang, dom công ty hu angan dalam “Hồ sơ Pa-na-ma”. # Dom urang jakar Jabat Năng lượng nguyên tử dunya (IAEA) saong urang jakar Hàn Quốc bahrau peih nyaom biai pak bal ine Xơ-un (Seoul), Hàn Quốc. Dalam nyaom biai, phaok Akaok Jabat Năng lượng nguyên tử dunya Tê-rô Va-giô-ran-ta hu panuac lac, oh hu hạt nhân angaok pulao Triều Tiên lac bruk biak prong piah khik hu sron mbon saong tani tanat di bhum taneh ini./.