1 # Pak Inem krung dak rai sajarah 48 Hàng Ngang, Hà Nội, Ban Khik ramik inem krung danh thắng, Sở Ilamu - Thể thao saong Du lịch Hà Nội peih parang iek “dom inem krung kanar hadhar tal Chủ tịch Hồ Chí Minh pak bal ine Hà Nội”. Parang iek ini parang tabiak 125 thaot binguk, tư liệu ka Chủ tịch Hồ Chí Minh. Dalam nan hu ralo thaot binguk, harak ba-ar brei mboh dom kadha, dom tukvak prong dalam bruk ngak cách mạng di Wa yau Inem krung dakrai sajarah 48 Hàng Ngang, labik Wa hu soạn thảo bản Tuyên ngôn độc lập menek tabiak negar Việt Nam Dân chủ Cộng hòa.

2/ Harei 19/5, di ban raya HCM hu rah tabiak rilo bruk pahadar 125 thun harei menek Chủ tịch Hồ Chí Minh (19/5/1890-19/5/2015). Kapul urang lambaok Thành ủy, Hội đồng bhap bini, Ủy ban bhap bini, Ủy ban Mặt trận negar Việt Nam di ban raya Hồ Chí Minh song rilo kapul urang lambaok, tuai damuai mai rivang iek gam song bhap bini ban roya mai pataom gauk di mblang bein rup patau Chủ tịch Hồ Chí Minh piah pok tagok Wa dom pok bingu pahe, brei mboh hatai thau dar phor Wa.

3 # Anak bruk pandiak bhang dui atah, tua riya meda rah tabiak di ralo labik, bilan hè thu ini, tỉnh Quảng Trị hu tacei pato gah chức năng saong dom puk palei patrun 2.600ha padai aia, salih tapa pala dom janih phun pala angaok thu, dalam nan, mboh ralo lac ratak naih saong tangeiy. Taphia di nan, pandar dom công ty khai thác công trình thủy lợi peih bruk pruh ia salih gauk tui jalan ngak siam di abih saong patal pataom di abih, njauk quy hoạch bhum aia menyum ka anek athur raong tuk njauk tua tiya pandiak bhang...

4/ UB bhap bini tỉnh Lâm Đồng brei parabha labaih 11 tỷ đồng piah peih ngak sarak khik caga song patagok taneh padai mbang sa ka 9 huyện dalam tỉnh, piah bayar jien ka urang ngak padai song puk palei hu taneh ngak padai. UB bhap bini tỉnh jao ka Sở jien padai pambuak bruk song Sở ngak nong song patagok palei pala tỉnh tacei pato 9 huyện nan peih bruk bayar chip, njauk menuac urang, njauk jalan ngak song njauk tui adat hukum urak ini.

5 # Piah pasiam bruk kurang aia hacih kayua tua riya pandiak bhang dui atah, Ủy ban bhap bani tỉnh Bình Thuận brei buh tabiak meng kadung jien karja labaih 15 tỷ đồng daong ka bhap bani di dom labik blei aia hacih piah pandar saong buh jien tame ngak dom công trình ba aia hacih ka palei pala. Tukvak tapa, halau aia hacih pak dom baoh binek kavei padang aia saong aia ala haluk di Bình Thuận daok kurang, ba tal bruk yaok pluh ribau baoh sang njauk kurang aia hacih piah pandar. Piah hu aia pandar, bhap bani njauk nao blei aia hacih mai pandar, taphia di nan kuac kuah gilac dom baoh bingun klaak daok njaom mbak lakhur piah mek aia pandar.

6/ Bahrau ni, Sở pato megru Quảng Ngãi song tỉnh Đoàn pambuak gauk peih bruk pakacah paik capi song doh ragu bhap bini, hu mbaok di dom đon vị dalam tỉnh. Danak dak hu 8 đơn vị meng bhum ceik, ban sit, dom huyện mai pataom mbaok, yaok đơn vị hu 3 tiết mục dalam nan hu anek saih tiểu học, Trung học cơ sở song gru pato, pakacah doh ragu daoh bhap bini, hòa tấu alat ragam bangsa.

7 # Ruak gila jeng daok mboh ralo pak tỉnh Yên Bái. 4 bilan akaok thun 2015 yaom lac oh ka hu urang halei metai, min hu ralo manuac urang njauk asau gila, meyao kaik njauk nao kluak jru pacang caga. Piah patakik manuac urang metai, njaom mbak ruak gila, gah y tế tỉnh Yên Bái daok peih ngak ralo jalan piah pacang cakak ruak gila di manuac. Bác sỹ Lê Thị Hồng Vân, Akaok Pasak Y tế dự phòng tỉnh Yên Bái brei thau:

Băng: “Piah pacang cakak ruak gila di manuac urang gah y tế hu  ba dom dịch vụ klauk jru pacang caga mai jaik bhap bani jang, piah palagaih ka bhap bani dalam bruk klauk jru pacang caga ruak. Urak ini taong abih dom huyện, thị dalam tỉnh Yên Bái hu takik di abih sa labik kluak jru piah pabak hatai caong khin di bhap bani.

Nhạc cắt

Patui di ni dom khau tin dunya

8/ Gah  Y tế dunya WHO hu panuac lac oh khin laik tame kan kandah sa mbang tra yau dom bruk hagait bahrau rah tabiak dalam mbang jit praong Ebola di Châu Phi. Dahlau di nan, WHO njauk urang chỉ trích khang kayua suai damuai dalam bruk pacang cakak jit ruak metai menuac ni. Urang njauk ruak Ebola cemereip dalam mbang tamuh tabiak meng bloh di Ghi-nê (Guine) meng bilan 12/2013 min tal bilan 8/2014  WHO meng tabiak panuac brei thau bruk y tế dunya khẩn cấp.

9# Trung Quốc saong Ấn Độ bahrau mboh tangin tame 26 harak sanya bruk pablei salih nao mai yaom abih tih labaih 22 tỷ USD dalam dom gah năng lượng tái tạo, jien padai, truyền thông, dom khu công nghiệp... Dom  harak pambuak bruk nan hu mboh tangin dalam tuk nao rivang Trung Quốc di Thủ tướng Ấn Độ Narendra Modi, piah jhul patagok bruk pambuak gauk nao mai dua gah. Tui kuhria mboh di Ấn Độ, Trung Quốc lac negar pambuak bruk pablei salih nao mai praong abih di taneh aia ini. Taong abih jien mek tame meng bruk pablei salih nao mai di dua gah labaih 71 tỷ USD dalam thun bloh.

10/ Bahrau ni,  Thủ tướng Nepal Sushil Koirala (Xu-sin Coi-ra-la) hu panuac ieu dom urang ngak pahla rik dong tame kadung jien negar bo rajaei negar ni padang tabiak piah pasiam veik taneh ia hadei di 2 mbang megei boh taneh dalam 3 adit bahrau ni ngak ka yaok ribau urang metai song ngak tayah tayac jalan mbak nao mai di taneh ni.