# Mintri Lao động-Thương binh saong Xã hội hu pok tagok Thủ tướng raja-ei mboh tangin tame harak angan dom xã biak kan kandah bhum bãi ngang tapen tasik saong pulao kaoh lac dom xã piah buh jien tame di danak dak pakat negar patrun kathaot khang kajap vuktak 2016 – 2020 tabiak gam tui Quyết định  398/QĐ-TTg harei 11/3/2016 di Thủ tướng Raja-ei. Phaok Thủ tướng Vũ Đức Đam jao ka Ủy ban Bangsa samar ba tagok Thủ tướng Raja-ei mboh tangin tame tiêu chí brei thau lac palei biak kan kandah, xã dalam bhum urang bangsa takik saong bhum ceik tukvak 2016 - 2020.

#/ Dom thun tapa, bruk brei drah ngak pahala di tỉnh Hà Nam hu tagok khang song dak harei dak pambak prong , pabak darah hu siam jang ka bruk cấp cứu urang ruak. Taeng thun 2015, tỉnh hu peih 29 mbang brei drah, pataom hu 6.760 đơn vị drah, rilo jang 633 đơn vị drah dut song thun 2014

# Chi cục Khik iek Chất lượng Nông - Lâm - Thủy sản, Sở Ngak nong saong patagok palei pala bal Đà Nẵng daok pasang iek tapak 7 labik ngak rabung that dalam dom quận Thanh Khê, Sơn Trà saong huyện Hòa Vang. Tapa pasang iek, mboh hu 2 labik pablei rabung that hu pandar chất pakauk  Auramine o daok iew lac chất vàng ô. Ong Phan Tứ, Akaok Chi cục Quản lý Chất lượng Nông - Lâm - Thủy sản, Sở Ngak nong saong patagok palei pala bal Đà Nẵng brei thau, jeng yau dom mbang pasang iek dahlau, biak kan piah duah mboh  chất pakauk Auramine o dalam rabung that kayua  bruk dut iek njauk nao tapa ralo jabat, abih ralo tukvak.  

#/ Tỉnh Kon Tum peih bruk parabha jiak 447 tấn brah dong pacang eik lipa dalam tuk cang bilan yuak di Rajaei brei ka bhap bini dok dalam tỉnh. Sở Lao động, Thương binh song  Xã hội pambuak bruk song Cục khik piah karja bhum Bắc Tây Nguyên song  Cục khik piah bhum Đà Nẵng taduan mek, parabha brah ka dom puk palei dalam tỉnh piah dong ka dom boh sang kathaot mbuan si njauk eik lipa dalam tuk cang bilan yuak thun 2016

# Bruk raong vọp angaok taneh bãi bồi, ao lắng pak xã Hiệp Thạnh, bal sit Duyên Hải, tỉnh Trà Vinh  daok ba mai ralo siam mekre, peih tabiak sa bruk ngak bahrau ka urang daok tapen tasik, abih di nyu nan lac lac ka sang urang kathaot, oh hu taneh atau hu takik taneh pala drak di tỉnh. Ong Hồ Quốc Phục, sang raong vọp pak ấp Bào, xã Hiệp Thạnh brei thau,  sang hu palao raong jaik 600kg vọp pajaih angaok mblang taneh jaik 200m 2. Hadei di 7 bilan raong,  sang mek hu labaih 1,8 tấn vọp, pablei  yaom 27.000 - 30.000 đồng/kg, laba hu labaih 30 triệu đồng.

Piah caga pacang biến đổi khí hậu, tỉnh Bạc Liêu dok peih prong bruk rong hadang khang kajap, lagaih song biến đổi khí hậu piah ngak siam dom kein lagaih di puk palei. Đông Hải lac  huyện tapen tasik hu patagok rilo jalan ngak dalam bruk rong pala kaya ikan song abih di nyu nan lac bruk rong hadang quảng canh pambuak song rong hadang sinh thái bo siam di abih nan lac bruk hadang saong glai. Urak ni huyện hu 550 boh sang hu mbaok tame bruk hadang saong glai ngan saong taneh praong labaih 2.648 ha song daok hu pachreih ba peih prong dalam thun ni.    

# Hadei di jaik 3 bilan ngak tui tacei pato di urang pal akaok Bal raya Hồ Chí Minh, bruk lih mek  jalan , vỉa hè di bal raya ini jeng oh ka trun ralo. Urang vak di Rayo sap ndom Việt Nam daok pak bal raya Hồ Chí Minh brei thau:

Pak dom jalan pasak yau Phạm Ngũ Lão, Bùi Viện, Trần Hưng Đạo (quận 1), Nguyễn Đình Chiểu, Võ Văn Tần (quận 3) bruk lih mek vỉa hè jeng daok mboh ralo. Ralo cửa hàng pablei salih khan ao, dom quán cóc, gaok tuk mai mblang pataok radaih patuh jeng daok mboh ralo angaok vỉa hè dom  jalan Nguyễn Trãi, Thủ Khoa Huân, Nguyễn Đình Chiểu, Cao Thắng, Nguyễn Gia Thiều … ngak kan kandah tal bruk nao mai. Bhap bani bal raya brei thau makna di nyu mai meng bruk ngak oh ka catang saong abih drei di karja puk palei jang yau urang jakar dalam bruk pathau khan, xử lý bruk lih mek vỉa hè, lòng lề jalan.  Ong Trần Văn Hiểu, sa urang daok di phường 3, quận 3 duh hatai lac:

Manuac urang nao pathau khan, jak ba mikva juai lih mek vỉa hè, lòng lề jalan oh mboh rup binguk urang halei. Pablei salih bak abih oh daok jalan piah nao min bo oh mboh sa urang công an atau thei mai piah pathau khan brei ka mikva thau.

Piah ngak siam bruk pathau khan, jak ba, pacang cakak bruk lih mek vỉa hè, lòng, lề jalan, daong pasiam veik mbaok meta trật tự đô thị, khik hu siam mekre angaok jalan mbak nao mai dalam bal raya Hồ Chí Minh, daok caong hu bruk peih ngak samar drah saong catang jang di dom pakat, dom ngành gam haong akaok saneng di yaok urang dalam bal raya HCM.

Patui di ni dom khau tin dunya:

#/ Ấn Độ song Mỹ dok padang sa vệ tinh dong roh duah ka dom mbang megei boh taneh song bruk di ceik apui. Vệ tinh ni hu angan lac Ni-xa (NISAR), hu patagok meng bruk pambuak gauk ngak di kapul roh duah không gian Ấn Độ (ISRO) song jabat hàng không vũ trụ Mỹ (NASA). Vệ tinh ni piah roh duah dom bất thường ka hệ sinh thái, bruk megei boh taneh, sóng thần, ceik pui song glut jaleih taneh. Dua gah kuhria cuh vệ tinh ni tagok lingik dalam bilan 5 anak tal

# Tống thống Mỹ Ba-rắc Ô-ba-ma (Barack Obama) harei 5/4 brei thau bruk rò rĩ dalam Hồ sơ Pa-na-ma pambuak tal bruk dauk jien je di dom urang meda saong ralo urang  ngak praong nan lac sa bruk nghiêm trọng di gah jien padai angaok dunya. Tổng thống Ba-rắc Ô-ba-ma brei thau, bruk rò rĩ Hồ sơ Pa-na-ma brei mboh ralo manuac urang kaya meda saong kapul nyaom prong daok hu mbaok tame “kadha ma-in bleik blang” tui jalan pandar bruk sơ hở di gah kak je piah dauk jien je.  

          #  Rajaei Thổ Nhĩ Kỳ tabiak bruk giới nghiêm di ban Xi-lô-pi (Silopi), Đông Nam negar ni jiak jalan tapen negar I Rắc, hadei di mbang cuh rốc-két harei 5/4 kayua gah ly khai urang Cuốc cuh tame sa radeih cảnh sát, ngak ka sa urang metai song 4 urang njauk rambuac./.